ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກະຊວງປ້ອງກັນປະເທດຈະຈັດຫລາຍກິດຈະກໍາ ເພື່ອກະກຽມສະເຫລີມສະຫລອງ ວັນສ້າງກອງທັບປະຊາຊົນລາວວັນທີ 20 ມັງກອນ ຄົບຮອບ75 ປີ.
ນັບເເຕ່ນີ້ຮອດວັນທີ 20 ມັງກອນ 2024 ກະຊວງປ້ອງກັນປະເທດຈະຈັດຫລາຍກິດຈະກໍາ ເພື່ອກະກຽມສະເຫລີມສະຫລອງ ວັນສ້າງກອງທັບປະຊາຊົນລາວວັນທີ 20 ມັງກອນ ຄົບຮອບ75 ປີ ເປັນຕົ້ນ: ການເຄື່ອນໄຫວໂຄສະນາມູນເຊື້ອກອງທັບປະຊາຊົນລາວ ໃຫ້ທົ່ວສັງຄົມຮັບຮູ້ຢ່າງກວ້າງຂວາງ, ຕ້ອນຮັບຄະນະສິລະປະກອນກອງທັບປະຊາຊົນຫວຽດນາມມາສະເເດງມິດຕະພາບຢູ່ລາວ,ຈັດຕັ້ງເເຂ່ງຂັນກິລາການທະຫານ ເເລະ ກິລາມວນຊົນ ຢູ່ອ້ອມຂ້າງນະຄອນຫລວງວຽງຈັນ, ຊ້ອມຮົບສະເເດງຍີງລູກປືນເເທ້ຂອງບັນດາເຫລົ່າຮົບຢູ່ສະຫນາມຫັດເເອບວິທະຍາຄານກົມມະດໍາ,ເຊີນການນໍາພັກ-ລັດລົງຢ້ຽມຢາມ ເເລະ ຮ່ວມພິທີສະເຫລີມສະຫລອງວັນສ້າງຕັ້ງກອງທັບ,ຈັດຕັ້ງອວຍພອນການນໍາພັກ-ລັດ,ພະນັກງສນປະຕິວັດອາວຸໂສບໍານານ,ຢ້ຽມຢາມພະນັກງານຜູ້ຖືກບາດເຈັບ ທີ່ນອນປີ່ນປົວຢູ່ໂຮງຫມໍເເລະສູນເສຍອົງຄະ,ວາງສະເເດງຜະລິດຕະພັນສີນຄ້າການທະຫານຢູ່ເດີ່ນສະຫນາມຫລວງ ລະຫວ່າງວັນທີ12ຫາ18ມັງກອນ2024,ຈັດຕັ້ງພິທີໂຮມຊຸມນຸມໃຫຍ່ລະດັບຊາດ ເເລະ ຖ່າຍທອດສົດພິທີດັ່ງກ່າວຜ່ານໂທລະພາບ ເເລະ ວິທະຍຸ ໃນວັນທີ19ມັງກອນ2024 ຢູ່ຫໍປະຊຸມເເຫ່ງຊາດ,ຈັດກີດຈະກໍາຍ່າງມາລະທອນເພື່ອສຸຂະພາບຢູ່ສວນນໍ້າບືງທາດຫລວງ ໂດຍເເມ່ນເເນວລາວສ້າງຊາດເປັນຜູ້ຈັດຂື້ນ,ຈັດຕັ້ງພົບປະວິລະຊົນ,ນັກຮົບເເຂ່ງຂັນ ພະນັກງານປະຕິບັດອາວຸໂສ ເເລະ ຕ້ອນຮັບການເຂົ້າອວຍພອນຈາກບັນດາກະຊວງ,ອົງການ ເເລະ ອື່ນໆ.
ພົນໂທ ທອງລອຍ ສິລິວົງ ກໍາມະການສູນກາງພັກ ຮອງລັດຖະມົນຕີ ຫົວຫນ້າກົມໃຫຍ່ການເມືອງກອງທັບ ກະຊວງປ້ອງກັນປະເທດ ຖະເເຫລງຂ່າວຕໍ່ສື່ມວນຊົນຢູ່ຫ້ອງປະຊຸມຊັ້ນສອງກະຊວງປ້ອງກັນປະເທດ ໃນວັນທີ5ມັງກອນ2024ນີ້ວ່າ: ການຈັດຕັ້ງສະເຫລີມສະຫລອງວັນສ້າງຕັ້ງກອງທັບປະຊາຊົນລາວວັນທີ20ມັງກອນ ຄົບຮອບ75ປີ ເເມ່ນດໍາເນີນໄປຕາມຄໍາສັ່ງເເນະນໍາຂອງຄະນະເລຂາທິການສູນກາງພັກ ເເລະ ເເຜນການທີ່ໄດ້ຕົກລົງເປັນເອກະພາບຮ່ວມກັນໃນທົ່ວກອງທັບ ເພື່ອເສີມຂະຫຍາຍມູນເຊື້ອ,ທາດເເທ້,ຜົນງານໄຊຊະນະອັນໃຫຍ່ຫລວງ,ວິລະກໍາອັນລໍ້າເລີດຂອງກອງທັບປະຊາຊົນລ່າວ ໃຫ້ທົ່ວປວງຊົນຮັບຮູ້ເຂົ້າໃຈ ເເລະໄດ້ຮັບການໂຄສະນາເຜີຍເເຜ່ຢ່າງກວ້າງຂວາງ ທົ່ວເຖີງ-ເລີກເຊີ່ງ ໂອກາດດຽວກັນນີ້ຕາງຫນ້າໃຫ້ຄະນະພັກ-ຄະນະນໍາກະຊວງປ້ອງກັນປະເທດ ຮຽກຮ້ອງມາຍັງສະມາຊິກພັກ,ບັນດາກະຊວງ,ສື່ມວນຊົນທຸກພາກສ່ວນ,ໃຫ້ການສະຫນັບສະຫນູນ ເເລະ ໃຫ້ການຮ່ວມມືເປັນຂະບວນການກວ້າງຂວາງຮັບຮູ້ເຂົ້າໃຈຕໍ່ໄຊຊະນະ ຜົນງານຂອງກອງທັບຕະຫລອດໄລຍະ75ປີ ເເລະ ອື່ນໆ.
ພົນໂທ ທອງລອຍ ສິລິວົງ ຖະເເຫລງຂ່າວຕື່ມວ່າ: ກ່ອນຫນ້ານີ້ ຄະນະພັກ-ຄະນະນໍາກະຊວງປ້ອງກັນປະເທດໄດ້ສໍາເລັດຫລາຍກິດຈະກໍາເພື່ອສ້າງຂະບວນການສະເຫລີມສະຫລອງວັນສ້າງຕັ້ງກອງທັບປະຊາຊົນລາວ 20 ມັງກອນ ຄົບຮອບ 75 ປີ ໂດຍສະເພາະໄດ້ສ້າງເອກະສາທີ່ເປັນບ່ອນອີງ ກ່ຽວກັບການສະເຫລີມສະຫລອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ,ສໍາເລັດການການຈັດຕັ້ງຝຶກອົບຮົມວຽກງານໂຄສະນາ-ປາຖະກະຖາໃຫ້ພະນັກງານໃຫ້ຜູ້ທີ່ເຮັດວຽກງານການເມືອງ, ພະນັກງານໂຄສະນາຢູ່ບັນດາກົມກອງກໍາລັງຫລວງ, ກໍາລັງທ້ອງຖີ່ນທົ່ວກອງທັບ,ປັບປຸງຮຽບຮຽງບົດປາຖະກະຖາມູນເຊື້ອກອງທັບປະຊາຊົນລາວຄົບຮອບ75ປີ,ສໍາເລັດການເເຂ່ງຂັນສິລະປະວັນນະຄະດີທົ່ວກອງທັບໂດຍຈັດຕັ້ງເປັນ 5 ເຂດ, ມີ 55 ຫົວຫນ່ວຍກົມກອງເຂົ້າຮ່ວມ, ສໍາເລັດການຕ້ອນຮັບ ເເລະ ນໍາພາຄະນະສິລະປະກອນກອງທັບປົດປ່ອຍປະຊາຊົນຈີນເຄື່ອນໄຫວສະເເດງມິດຕະພາບຢູ່ບາງກົມກອງເຂດໃຈກາງນະຄອນຫລວງວຽງຈັນ ເເລະ ເເຂວງວຽງຈັນ,ປະສານສົມທົບກັບພາກສ່ວນກ່ຽວຂ້ອງພີມເເລະຕິດຕັ້ງປ້າຍໂຄສະນາຮູບພາບມູນເຊື້ອກອງທັບຢູ່ຕໍ່ຫນ້າສໍານັກງານກະຊວງປ້ອງກັນປະເທດ,ວະທະຍາຄານໄກສອນ ພົມວິຫານ , ໂຮງຫມໍສູນກາງ103 ເເລະ ຢູ່ກອງພັນ233,ບັນດາສື່ມວນຊົນກອງທັບໄດ້ເຄື່ອນໄຫວເກັບກໍາຂ່າວ,ຂຽນບົດຄວາມ,ວຽກດີຄົນເດັ່ນ,ສໍາພາດປະຫວັດພະນັກງານປະຕິວັດອາວຸໂສ ໂຄສະນາຜ່ານລະບົບສື່ມວນຊົນກອງທັບຢ່າງຕໍ່ເນື່ອງ,ເປີດຂະບວນການເເຂ່ງຂັນສ້າງຜົນງານຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ,ສໍາເລັດການກໍ່ສ້າງປັບປຸງ ເເລະ ຈັດວາງພິພິທະພັນປະຫວັດສາດກອງທັບປະຊາຊົນລາວຄືນໃຫມ່ ຢ່າງເປັນລະບົບ,ມີຄວາມສວຍງາມ ເເລະ ທັນສະໄຫມ ພ້ອມທັງຈັດພິທິເປີດນໍາໃຊ້ຢ່າງເປັນທາງການໃນວັນທີ13ທັນວາ2023ຜ່ານມາ,ສໍາເລັດ ການຄັດເລືອກຜົນງານຍ້ອງຍໍໃຫ້ກົມກອງລວມຫມູ່ ເເລະ ບຸກຄົນໃນໂອກາດສະເຫລີມສະຫລອງ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ພ້ອມທັງສໍາເລັດການຈັດເເຂ່ງຂັນກິລາມວນຊົນຢູ່ 5 ເຂດ, ກິລາຍີງປືນທະຫານຮາບ-ກໍາລັງໄຟດເເບກຫາບຢູ່ 6 ເຂດ,ຊີງຂັນລັດຖະມົນຕີກະຊວງ ປ້ອງກັນປະເທດ ພ້ອມທັງຄັດເລືອກເອົາຕົວເເທນເເຕ່ລະເຂດເຂົ້າຮ່ວມເເຂ່ງຂັນກິລາກາຍຍະກໍາຢູ່ ນະຄອນຫລວງວຽງຈັນ ຕື່ມອີກ.
ຂ່າວໂດຍ:ເດດອາລຸນ ແກ້ວວິໄລ.