ກະຊວງປ້ອງກັນປະເທດຈັດພິທີໂຮມຊຸມນຸມໃນໂອກາດລະນຶກວັນຄຽດແຄ້ນຂອງປະຊາຊົນລາວ, ວັນນັກຮົບເສຍອົງຄະ ແລະເສຍສະຫລະຊີວິດເພື່ອປະເທດຊາດ ວັນທີ 21 ມີນາ ຄົບຮອບ 75 ປີ ໃນວັນທີ 23 ມີນາ 2021, ທີ່ສະໂມສອນກົມໃຫ່ຍການເມືອງກອງທັບ ມີຄະນະນໍາກະຊວງ, ພະນັກງານປະຕິວັດອາວຸໂສບໍານານ ແລະພະນັກງານຫລັກແຫລ່ງອ້ອມຂ້າງກະຊວງປ້ອງກັນປະເທດເຂົ້າຮ່ວມ.
ໃນພິທີໂຮມຊຸມນຸມຄັ້ງນີ້ ພົນໂທ ທອງລອຍ ສິລິວົງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫ່ຍການເມືອງກອງທັບ ໄດ້ຍົກໃຫ້ເຫັນມູນເຊື້ອ ແລະປະຫວັດຄວາມເປັນມາຂອງວັນຄຽດ ແຄ້ນຂອງປະຊາຊົນລາວ, ວັນນັກຮົບເສຍອົງຄະ ແລະ ເສຍສະຫລະຊີວິດເພື່ອປະເທດຊາດ ວັນທີ 21 ມີນາ ເພື່ອໃຫ້ພະນັກງານໃນຂົງເຂດກະຊວງປ້ອງກັນປະເທດຮັບຮູ້ເຖິງຄວາມເສຍສະຫລະ, ຄວາມພິ ລະອາດຫານຂອງນັກຮົບຜູ້ເສຍສະຫລະຊີວິດ, ເລືອດເນື້ອເພື່ອປະເທດຊາດ ແລະປະຊາຊົນ, ຍຶດໝັ້ນຕໍ່ອຸດົມການຂອງພັກ, ເຊີດຊູຄວາມເປັນແບບຢ່າງນໍາໜ້າ ຮັກສາໄດ້ຄຸນທາດການເມືອງທີ່ໜັກແໜ້ນ ເພື່ອປະກອບສ່ວນສຳຄັນເຂົ້າໃນພາລະກິດປົກປັກຮັກສາ ແລະພັດທະນາປະເທດຊາດ.
ໂອກາດນີ້ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫ່ຍການເມືອງກອງທັບ ຍັງເນັ້ນໜັກໃຫ້ກຳລັງປ້ອງກັນຊາດທີ່ເປັນກຳລັງທີ່ແຫລມຄົມຂອງພັກຍູ້ແຮງການຫັນເອົາກຳລັງລົງກໍ່ສ້າງຮາກຖານການເມືອງ, ສ້າງທ່າສະໜາມປ້ອງກັນຊາດ, ປ້ອງກັນຄວາມສະຫງົບທົ່ວປວງຊົນຮອບດ້ານຢ່າງແຂງແຮງ ເພື່ອຄໍ້າປະກັນໃຫ້ປະເທດຊາດມີສະເຖ່ຍລະພາບດ້ານການເມືອງ, ສັງຄົມມີຄວາມສະຫງົບປອດໄພ, ຍູ້ແຮງການເສີມຂະຫຍາຍມູນເຊື້ອຈິດໃຈເພີ່ງຕົນເອງ, ກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ສົ່ງເສີມການຜະລິດກະສິກຳ-ອຸດສະຫະກຳເປັນສິນຄ້າ ແນໃສ່ແກ້ໄຂຊີວິດການເປັນຢູ່ຂອງກອງທັບໃຫ້ນັບມື້ດີຂື້ນ.
ຂ່າວ: ຈັນທະສອນ ສີຫານາດ
1,735
People Reached
85
Engagements
Boost Post
You and 52 others
5 Shares
Like

Comment
Share
Loading...