ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກະຊວງປ້ອງກັນປະເທດແຕ່ງຕັ້ງສອງຮອງລັດຖະມົນຕີ ແລະ ຮອງຫົວໜ້າກົມໃຫຍ່
ວັນທີ 17 ພຶດສະພາ 2024 ນີ້, ກະຊວງປ້ອງກັນປະເທດ ໄດ້ຈັດພິທີປະກາດການແຕ່ງຕັ້ງ ຮອງລັດຖະມົນຕີ ແລະ ຮອງຫົວໜ້າກົມໃຫຍ່ການເມືອງກອງທັບ ໂດຍການເປັນປະທານຂອງ ພົນເອກ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ, ຮອງນາຍົກ ລັດຖະມົນຕີ, ລັດຖະມົນຕີກະຊວງ ປ້ອງກັນປະເທດ.
ອີງຕາມການຕົກລົງເຫັນດີຂອງກຳມະການກົມການເມືອງສູນ ກາງພັກ. ນາຍົກລັດຖະມົນຕີ ອອກດໍາລັດແຕ່ງຕັ້ງບັນດາຮອງລັດຖະມົນຕີກະຊວງປ້ອງກັນປະເທດ ແລະ ຮອງຫົວໜ້າກົມໃຫຍ່ຄື: ແຕ່ງຕັ້ງ ພົນຕີ ສາຍໃຈ ກົມມະສິດ ແລະ ພົນຕີ ປະສິດ ທ່ຽງ ທຳ ເປັນຮອງລັດຖະມົນຕີກະຊວງປ້ອງກັນປະເທດ, ແຕ່ງຕັ້ງ ພົນຈັດຕະວາ ແສງມະນີວອນ ຄໍາມະນີ ເປັນຮອງຫົວໜ້າກົມໃຫຍ່ການເມືອງກອງທັບ, ແຕ່ງຕັ້ງ ພົນຈັດຕະວາ ຈັນທະຈັກ ໄຊຍະວົງສາ ເປັນຮອງຫົວໜ້າກົມໃຫຍ່ພະລາທິການກອງທັບ.
ນອກຈາກນີ້, ກະຊວງປ້ອງກັນປະເທດ ຕົກລົງແຕ່ງຕັ້ງຮັກສາ ການ ຫົວໜ້າກົມໃຫຍ່ເຕັກນິກກອງທັບ ແລະ ຮັກສາການຫົວ ໜ້າຫ້ອງວ່າການ ກະຊວງປ້ອງກັນປະເທດຄື: ແຕ່ງຕັ້ງ ພົນຈັດ ຕະວາ ທອງພັນ ສຸທຳມະວົງ ຮັກສາການຫົວໜ້າກົມໃຫຍ່ເຕັກ ນິກກອງທັບ ແລະ ແຕ່ງຕັ້ງ ພົນຈັດຕະວາ ເດືອນສະຫວັນ ສາຍພິມຄໍາປະທຸມ ຮັກສາການຫົວໜ້າຫ້ອງວ່າການກະຊວງປ້ອງກັນ ປະເທດ.
ທີ່ມາ: ໜັງສືພິມກອງທັບ