ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກະຊວງປ້ອງກັນປະເທດ ຈັດພິທີເປີດນໍາໃຊ້ສະຖານີໂທລະພາບຊ່ອງ7 ກອງທັບປະຊາຊົນລາວ

ກົມໃຫຍ່ການເມືອງ ກະຊວງປ້ອງກັນປະເທດ ຈັດພິທີເປີດນໍາໃຊ້ສະຖານນີໂທລະພາບຊ່ອງ7ກອງທັບປະຊາຊົນລາວຢ່າງເປັນທາງການໃນຕອນເຊົ້າ ວັນທີ 9 ກັນຍາ 2020 ຢູ່ສະຖານນີໂທລະພາບຊ່ອງ7ກອງທັບປະຊາຊົນລາວ ນະຄອນຫລວງວຽງຈັນ ມີ ພົນເອກ ຈັນສະຫມອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ທ່ານ ສະຫວັນຄອນ ຣາຊະມຸນຕີ ຮອງລັດຖະມົນຕີກະຊວງຖະແຫລງຂ່າວ ວັດທະນະທໍາແລະທ່ອງທ່ຽວ, ຮອງລັດຖະມົນຕີກະຊວງໄປສະນີໂທລະຄົມມະນາຄົມແລະການສື່ສານ,ເອກອັກຄະລັດຖະທູດຈີນປະຈໍາລາວ ນາຍແລະພົນທະທານ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ໃນພິທີຜູ້ເຂົ້າຮ່ວມໄດ້ຮັບຟັງການລາຍລານຫຍໍ້ກ່ຽວກັບການສ້າງຕັ້ງສະຖານນີໂທລະພາບຊ່ອງ7ກອງທັບປະຊາຊົນລາວ ສະເຫນີໂດຍພົນຕີ ສອນທອງ ພົມລາວົງ ຮອງຫົວຫນ້າກົມໃຫຍ່ການເມືອງກອງທັບ ໂດຍທ່ານກ່າວວ່າ: ການສ້າງຕັ້ງສະຖານນີໂທລະພາບກອງທັບປະຊາຊົນລາວແມ່ນຈັດຕັ້ງປະຕິບັດຖືກຕ້ອງຕາມຂັ້ນຕອນ ແລະ ລະບຽບການທີ່ຂັ້ນເທີງວາງອອກຢ່າງເຂັ້ມງວດ ໂດຍລັດຖະມົນຕີກະຊວງຖະແຫລງຂ່າວວັດທະນະທໍາແລະທ່ອງທ່ຽວອອກຂໍ້ຕົກລົງສະບັບເລກທີ543/ຖວທ ລົງວັນທີ 7 ມີຖຸນາ 2013 ລວມເຖີງເອກະສານສໍາຄັນກ່ຽວຂ້ອງຈໍານວນຫນື່ງຕາມລໍາດັບ ,ໃນວັນທີ 1 ມີນາ2018 ໄດ້ເຊັນສັນຍາກໍ່ສ້າງລະຫວ່າງກະຊວງປ້ອງກັນປະເທດ ຮ່ວມກັບບໍລິສັດຫອມສົມບັດກໍ່ສ້າງຈໍາກັດ ແລະ ບໍລິສັດພັດທະນາເຕັກໂນໂລຊີລາວຈໍາກັດ ໃນນີ້ບໍລິສັດຫອມສົມບັດຮັບຜິດຊອບວຽກງານກໍ່ສ້າງອາຄານ, ບໍລິສັດພັດທະນາເຕັກໂນໂລຊີລາວຈໍາກັດຮັບຜິດຊອບວຽກງານຕົບແຕ່ງຫ້ອງສະຕູດີໂອ, ຫ້ອງສົ່ງສັນຍານ, ຫ້ອງອັດສຽງ, ຫ້ອງເຕັກນິກ ແລະ ປະກອບເຄື່ອງໃຊ້ໄຟຟ້າ ລວມມູນຄ່າການກໍ່ສ້າງຫລາຍກວ່າ1 1ຕື້ 777ລ້ານກີບ ເຊີ່ງເປັນທືນຊ່ວຍເຫລືອຂອງກອງທັບປົດປ່ອຍປະຊາຊົນຈີນມອບໃຫ້ກອງທັບປະຊາຊົນລາວ.
ພົນເອກ ຈັນສະຫມອນ ຈັນຍາລາດ ລັດຖະມົນຕີກະຊວງປ້ອງກັນປະເທດ ມີຄໍາເຫັນກ່າວເປີດພິທີນໍາໃຊ້ສະຖານນີໂທລະພາບຊ່ອງ7ກອງທັບປະຊາຊົນລາວວ່າ:ການເປີດນໍາໃຊ້ສະຖານນີໂທລະພາບຊ່ອງ7ກອງທັບປະຊາຊົນລາວຄັ້ງນີ້ມີຄວາມຫມາຍຄວາມສໍາຄັນຢ່າງລິກເຊີ່ງ ສະແດງໃຫ້ເຫັນເຖິງຄວາມສາມັກຄີທີ່ເປັນມູນເຊື້ອແບບພິເສດ,ການຮ່ວມມືຍຸດທະສາດຮອບດ້ານ ແລະ ຄູ່ຮ່ວມສະຕາກໍາລະຫວ່າງສອງພັກ,ສອງລັດ,ສອງກອງທັບ ແລະ ປະຊາຊົນສອງຊາດລາວ-ຈີນທີ່ນັບມື້ໄດ້ຮັບການເສີມຂະຫຍາຍເຂົ້າສູ່ລວງເລິກ ແລະ ຈະເລີນງອກງາມຍີ່ງໆຂື້ນ, ເປັນການສ້າງຂະບວນການຂໍ່ານັບຮັບຕ້ອນວັນສໍາຄັນຕ່າງໆຂອງຊາດ, ຂອງພັກ, ຂອງກອງທັບໃຫ້ມີບັນຍາກາດຟົດຟື້ນມ່ວນຊື່ນ, ພ້ອມທັງເຮັດໃຫ້ການສະຫນອງຂໍ້ມູນຂ່າວສານດ້ານຕ່າງໆຂອງກອງທັບປະຊາຊົນລາວມີຄວາມທັນສະໄຫມແລະໄປເຖິງປະຊາຊົນຢ່າງກວ້າງຂວາງ.
ສະຖານນີໂທລະພາບຊ່ອງ7ກອງທັບປະຊາຊົນລາວໄດ້ຮັບການກໍ່ສ້າງຢ່າງເປັນທາງການໃນວັນທີ1ມີຖຸນາ2018ແລະສໍາເລັດໃນຕົ້ນເດືອນກຸມພາ 2019 ປະກອບດ້ວຍອາຄານ1ຫລັງສູງ4ຊັ້ນມີຫ້ອງສະຕູດີໂອ,ຫ້ອງສົ່ງສັນຍານ, ຫ້ອງອັດສຽງ, ຫ້ອງເຕັກນິກ,ເຄື່ອງໃຊ້ໄຟຟ້າທີ່ທັນສະໄຫມ ພ້ອມດ້ວຍສີ່ງອໍານວຍຄວາມສະດວກຄົບຊຸດ ໂດຍໄດ້ຮັບທືນຊ່ວຍເຫລືອຈາກກອງທັບປົດປ່ອຍປະຊາຊົນຈີນ ມອບເປັນຂອງຂວັນໃຫ້ແກ່ກອງທັບປະຊາຊົນລາວ ໃນໂອກາດສະເຫລີມສະຫລອງວັນສ້າງຕັ້ງກອງທັບປະຊາຊົນລາວວັນທີ 20 ມັງກອນ ຄົບຮອບ70ປີ ກາຍເປັນຂີດຫມາຍສໍາຄັນ ໃນການເພີ່ມພູມຄູນສ້າງສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງຊາດລາວ-ຈີນ ໂດຍສະເພາະສອງກອງທັບລາວ-ຈີນໃຫ້ນັບມື້ເຕີບໃຫຍ່ຂະຫຍາຍຕົວ ແລະ ເຂັ້ມແຂງຮອບດ້ານ.
ໂດຍ: ເດດອາລຸນ ແກ້ວວິໄລ