ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ກະຊວງປ້ອງກັນປະເທດ ມອບເງີນສົດຊ່ວຍເຫຼືອຜູ້ປະສົບໄພນໍ້າຖ້ວມຢູ່ແຂວງອຸດົມໄຊ

ໃນວັນທີ່ 9 ສິງຫາ 2018 ນີ້ກະຊວງປ້ອງກັນປະເທດ ນໍາໂດຍທ່ານພົນຈັດຕະວາ ຄຳມ່ວນ ເລືອງວັນຫຼ້າ ຮອງຫົວໜ້າຫ້ອງວ່າການ ກະຊວງປ້ອງກັນປະເທດ ພ້ອມດ້ວຍຄະນະທີມງານ ໄດ້ນໍາເອົາເງີນສົດຈຳນວນ 70 ລ້ານກີບ ມາມອບໃຫ້ແຂວງອຸດົມໄຊ ເພື່ອເປັນການຊ່ວຍເຫຼືອຊາວແຂວງອຸດົມໄຊທີ່ຖືກເຄາະຮ້າຍຈາກໄພນໍ້າຖ້ວມໃນຄັ້ງວັນທີ່ 16-17 ແລະ ຄັ້ງວັນທີ 21-22 ກໍລະກົດຜ່ານມານີ້. ໂດຍມີທີມງານຈາກກະຊວງປ້ອງກັນປະເທດ, ການນຳຂັ້ນແຂວງ ແລະ ກອງບັນຊາການທະຫານແຂວງເຂົ້າຮ່ວມ.

ເຊິ່ງໃຫ້ກຽດກ່າວມອບໂດຍ ທ່ານ ພົນຈັດຕະວາ ຄຳມ່ວນ ເລືອງວັນຫຼ້າ ຮອງຫົວໜ້າຫ້ອງວ່າການກະຊວງປ້ອງກັນປະເທດ ແລະ ເປັນກຽດຂຶ້ນກ່າວຮັບໂດຍທ່ານ ໂອວາດ ຈັນທະວົງ ກຳມະການປະຈຳພັກແຂວງ ປະທານແນວລາວສ້າງຊາດແຂວງອຸດົມໄຊ ພ້ອມທັງກ່າວສະແດງຄວາມຂອບອົກ-ຂອບໃຈມາຍັງການນຳພັກ-ລັດ ເວົ້າລວມເວົ້າສະເພາະກໍ່ຄືຄະນະພັກ ກະຊວງປ້ອງກັນປະເທດ ທີ່ເປັນຫ່ວງເປັນໃຍ ແລະ ໃຫ້ການຊ່ວຍເຫຼືອຜູ້ປະສົບໄພພິບັດໃນຄັ້ງນີ້ ພ້ອມທັງສັນຍາວ່າຈະນຳເອົາເງິນດັ່ງກ່າວໄປມອບໃຫ້ ແຕ່ລະເມືອງທີຖືກໄພນ້ຳຖ້ວມໃຫ້ທົ່ວເຖິງ.

ຂ່າວຈາກ : ທະນູວັນ