ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກະຊວງສາທາລະນະສຸກຖືເອົາ 3 ປັດໃຈສຳຄັນເພື່ອຍົກລະດັບການບໍລິການດ້ານສາທາລະນະສຸກຂອງລາວໃຫ້ມີຄຸນນະພາບ ແລະໄດ້ມາດຕະຖານ ແນໃສ່ສ້າງຄວາມເຊື່ອໜັ້ນໃຫ້ປະຊາຊົນຕໍ່ຄວາມສາມາດຂອງແພດໝໍລາວໃຫ້ສູງຂື້ນ.

ໃນໂອກາດເຂົ້າຮ່ວມກອງປະຊຸມລັດຖະບານເປີດກ້ວາງ ຄັ້ງທີ 2 ປີ 2019 ຈັດຂື້ນລະຫວ່າງວັນທີ 19 ຫາ 20 ທັນວານີ້, ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ ທ່ານ ບຸນກອງ ສີຫາວົງ, ລັດຖະ ມົນຕີກະຊວງສາທາລະນະສຸກ ໃຫ້ສຳພາດວ່າ: 3 ປັດໃຈສຳຄັນທີ່ຂະແໜງສາທາລະນະສຸກເນັ້ນໜັກໃສ່ຈັດຕັ້ງປະຕິບັດແມ່ນການປັບປຸງດ້ານບຸກຄະລາກອນ, ພະນັກງານແພດໝໍຕ້ອງມີຄວາມສາມາດທາງດ້ານວິຊາການ, ມີຄຸນນະພາບດ້ານຈັນຍາບັນ ແລະ ຈັນຍາທຳ, ພື້ນຖານໂຄງລ່າງສີ່ງອຳນວຍຄວາມສະ ດວກດ້ານສາທາລະນະສຸກ ລວມເຖິງລະບົບການເຮັດວຽກຕ້ອງໄດ້ຮັບການປັບປຸງນັບແຕ່ສຸນກາງລົງຮອດທ້ອງຖີ່ນ.
ລັດຖະມົນຕີກະຊວງສາທາລະນະສຸກ ໃຫ້ຮູ້ຕື່ມວ່າ: ປະຈຸບັນໂຮງໝໍນັບແຕ່ສູນກາງ ແລະທ້ອງຖີ່ນລ້ວນແຕ່ໄດ້ຮັບການຍົກລະດັບໃຫ້ທັນສະໄໝ ແລະໄດ້ມາດຕະຖານຫລາຍຂື້ນ ໂດຍສະເພາະການກໍ່ສ້າງໂຮງໝໍໃໝ່ທັນສະໄໝມາດຕະຖານສາກົນ 308 ຕຽງຢູ່ໂຮງໝໍມິດຕະພາບ ຊື່ງໄດ້ເປີດການນໍາໃຊ້ຢ່າງເປັນທາງການແລ້ວ ແລະຍົກລະດັບໂຮງໝໍມະໂຫສົດເປັນໂຮງໝໍທັນສະໄໝ 600 ຕຽງ, ໂຮງໝໍເສດຖາທິລາດກໍາລັງປັບປຸງຍົກລະດັບເຊັ່ນກັນ ນອກນີ້ຍັງມີໂຮງໝໍແຂວງ 17 ແຫ່ງ ໂຮງໝໍເມືອງ 135 ແຫ່ງ ແລະສຸກສາລາ 1.020 ແຫ່ງ ຄຽງຄູ່ກັນນັ້ນໂຮງໝໍເອກະຊົນມີຈໍານວນເພີ່ມຂຶ້ນທີ່ໄດ້ຮັບອະນຸຍາດມີ 27 ແຫ່ງ ໃນນີ້ຢູ່ນະຄອນຫຼວງວຽງຈັນ 18 ແຫ່ງ ແລະ ຕ່າງແຂວງ 9 ແຫ່ງ ມີຄຣີນິກເອກະຊົນ 1.050 ແຫ່ງ.

ຂ່າວ: ຈັນທະສອນ ສີຫານາດ