ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກະຊວງສາທາລະນະສຸກ ກຽມພ້ອມຮັບໃຊ້ງານມະຫາກໍາບຸນຊ້າງ ແຊວງໄຊຍະບູລີ

ຫ້ອງປະຕິບັດງານເຫດການສຸກເສີນ ດ້ານສາທາລະນະສຸກ ໄດ້ຖະແຫລງຂ່າວກ່ຽວກັບການປ້ອງກັນພະຍາດປອດ ທີ່ເກີດຈາກເຊື້ອຈຸລະໂລກສາຍພັນໃໝ່ ຫລື COVID-19 ລວມເຖິງຄວາມພ້ອມຂອງກະຊວງສາທາລະນະສຸກ ເພື່ອປ້ອງກັນເຊື້ອພະຍາດນີ້ ໃນໄລຍະຈັດງານມະຫາກໍາບຸນຊ້າງ ປະຈໍາປີ 2020 ທີ່ແຂວງໄຊຍະບູລີ ລະຫວ່າງວັນທີ 22 ຫາ 28 ກຸມພາ 2020 ຢູ່ກະຊວງສາທາລະນະສຸກ ຕອນບ່າຍວັນທີ 21 ກຸມພານີ້ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ຖະແຫລງວ່າ ງານມະຫາກໍາບຸນຊ້າງປີນີ້ ຄາດວ່າຈະມີນັກທ່ອງທ່ຽວຢ່າງຫລວງຫລາຍ ກະຊວງສາທາລະນະສຸກ ໄດ້ກະກຽມໜ່ວຍງານສູນກາງໄປສົມທົບ ກັບໜ່ວຍງານສາທາລະນະສຸກຂັ້ນແຂວງ ເພື່ອດໍາເນີນການວັດແທກອຸນຫະພູມຢູ່ທາງເຂົ້າທຸກຄົນ, ຕັ້ງບູດໃຫ້ຂໍ້ມູນ ແລະສຸຂະສຶກສາ , ການສະໜອງທິມແພດ ແລະລົດແພດໄປປະຈໍາໃນງານຕື່ມອີກ ເພື່ອປ້ອງກັນ ແລະສະກັດກັ້ນພະຍາດ COVID-19 .

ດຣ.ຣັດຕະນະໄຊ ເພັດສຸວັນ ໃຫ້ຮູ້ຕື່ມວ່າ: ເພື່ອຄວາມປອດໄພຂໍໃຫ້ຜູ້ທີ່ຈະໄປເຂົ້າຮ່ວມງານໃຫ້ພາກັນປະຕິບັດຕາມຄຳແນະນຳໃນການປ້ອງກັນຕົນເອງ ເວລາໄອ ຫຼື ຈາມ ຕ້ອງປິດປາກ ແລະ ດັງ ດ້ວຍຂໍ້ສອກ ຫຼື ໃຊ້ເຈ້ຍອະນາໄມ ແລ້ວຖີ້ມເຈ້ຍອະນາໄມທີ່ໃຊ້ແລ້ວໃສ່ໃນຖັງຂີ້ເຫຍື້ອທີ່ມີຝາປິດທັນທີ, ໝັ່ນລ້າງມືດ້ວຍສະບູ ແລະ ນໍ້າ ຫຼື ໃຊ້ເຈ່ວລ້າງມືທີ່ມີສ່ວນປະສົມຂອງເຫຼົ້າ, ຫຼີກລ່ຽງການສຳຜັດຕາ, ດັງ ແລະ ປາກ ຖ້າບໍ່ໄດ້ລ້າງມື, ບໍ່ຄວນຖົ່ມນໍ້າລາຍຊະຊາຍ.

 

ມາຮອດເວລາ 24 ໂມງ ວັນທີ 20 ກຸມພາ 2020 ທົ່ວໂລກມີທັງໝົດ 76,767 ກໍລະນີ, ເສຍຊີວິດທັງໝົດ  2,243 ກໍລະນີ. ສະເພາະ ສປ ຈີນ ມີທັງໜົດ75, 567 ກໍລະນີ, ເສຍຊີວິດ 2,239 ກໍລະນີ ນອກນັ້ນປະເທດອື່ນໆ: ມີ 26 ປະເທ ທີ່ມີກໍລະນີຜູ້ຕິດເຊື້ອທັງໝົດ 1,200 ກໍລະນີ, ເສຍຊີວິດ 4 ກໍລະນີຈາກ ຍີ່ປຸ່ນ, ຝຣັ່ງ, ຟິລີບປີນ ແລະ ສ. ເກົາຫລີ.

ສໍາລັບ ສປປ ລາວ: ກໍລະນີສົງໄສ 37 ກໍລະນີ, ແລະ ບໍ່ພົບເຊື້ອພະຍາດທັງ 37 ຕົວຢ່າງ. ເຖິງວ່າຈະບໍ່ມີສະພາບການລະບາດຂອງພະຍາດນີ້ກໍຕາມ ແຕ່ກະຊວງສາທາລະນະສຸກກໍ່ຍັງສືບຕໍ່ກະກຽມຄວາມພ້ອມໃນການໂຕ້ຕອບເຊັ່ນ: ທີມງານເຝົ້າລະວັງ , ກຽມພ້ອມ ສືບຕໍ່ການສອບສວນ ແລະ ເກັບຕົວຢ່າງພາຍໃນ 24 – 48 ຊມ, ສືບຕໍ່ກັ່ນກອງການເຂົ້າອອກ ຢູ່ບັນດາດ່ານທົ່ວປະເທດ ມີການປະຕິບັດຢ່າງເຂັ້ມງວດ .