ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກະຊວງແຜນການ ແລະ ການລົງທຶນ ແຫ່ງ ສສ ຫວຽດນາມ ມອບເຄື່ອງຊ່ວຍເຫຼືອ ປ້ອງກັນ ພະຍາດອັກເສບປອດ ສາຍພັນໃຫມ່ ຫຼືໂຄວິດ-19 (COVID-19) ໃຫ້ລັດຖະບານແຫ່ງ ສປປ ລາວ.

ໃນວັນທີ 15 ເມສາ 2020 ຢູ່ສະຖານ​ເອກ​ອັກຄະ​ລັດຖະທູດ ແຫ່ງ​ສປປລາວປະຈຳສສ ຫວຽດນາມສະຫາຍຫງວຽນຈີ່ຢູ້ງ ລັດຖະມົນຕີກະຊວງ​​ແຜນການ ແລະ ການລົງທຶນ ​ແຫ່ງ ສສ ​ຫວຽດນາມ, ປະທານ​ຄະນະ​ກຳມາ​ທິການ​ຮ່ວມ​ມື​ຫວຽດນາມ-​ລາວ ​ໄດ້​ນຳເອົາເຄື່ອງ​ຊ່ວຍ​ເຫຼືອ ມາມອບໃຫ້  ສະຫາຍ ​ແສງ​ເພັດ​ ຮຸ່ງ​ບຸນ​ຍວງ ​ເອກ​ອັກຄະ​ລັດຖະທູດ ວິສາມັນ​ຜູ້​ມີ​ອຳນາດ​ເຕັມ ​ແຫ່ງ​ ສປປ ລາວ ປະຈຳ ສສ ຫວຽດນາມ ເພື່ອສົ່ງຕໍ່ໃຫ້ກະຊວງ​ແຜນການ ​ແລະ ການ​ລົງທຶນ ​ແຫ່ງ ສປປ ລາວ ​​ແລະ ຄະນະ​ກຳມາ​ທິການ​ຮ່ວມ​ມື​ລາວ-​ຫວຽດນາມ ເຄື່ອງຊ່ວຍເຫຼືອດັ່ງກ່າວ​ເປັນ​ເງິນສົດ ມູນ​ຄ່າ 10,000​ ໂດລາ (ສີບພັນໂດລາ​ສະຫະລັດ) ເພື່ອນຳໃຊ້ເຂົ້າໃນການສະກັດກັ້ນ ແລະ ຕ້ານພະຍາດໂຄວິດ – 19 ຢູ່ ສປປ ລາວ,  ໂດຍເຂົ້າຮ່ວມເປັນພິຍານ ຂອງຄະນະ​ນຳສະຖານ​ເອກ​ອັກຄະ​ລັດຖະທູດ ​ແລະ ພະນັກງານທັງສອງຝ່າຍ.

ເຖີງວ່າສສ ຫວຽດນາມ ຍັງປະສົບກັບຄວາມຍຸ້ງຍາກຫຼາຍປະການໂດຍສະເພາະກຳລັງປະເຊີນໜ້າກັບພະຍາດໂຄວິດ-19 ທີ່ກຳລັງແຜ່ລະບາດໜັກພໍສົມຄວນ, ແຕ່ບົນຈິດໃຈການພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ, ກໍ່ຄືນ້ຳໃຈສາກົນກຳມະຊີບອັນສູງສົງຂອງຕົນສະມາຊິກ​ພັກ ​ແລະ ພະນັກງານ​ທົ່ວ​ກະຊວງ​ແຜນການ ​ແລະ ການ​ລົງທຶນ ​ແລະ​ຄະນະ​ກຳມາ​ທິການ​ຮ່ວມ​ມື​ຫວຽດນາມ-​ລາວ​ຍັງໄດ້ບິແບ່ງນ້ຳ​ໃຈມາຊ່ວຍ​ເພື່ອນ ລາວໃນການຕ້ານພະຍາດໂຄວິດ-19

​​ໃນ​ການກ່າວ​ຮັບເຄື່ອງຊ່ວຍເຫຼືອດັ່ງກ່າວ ​ສະຫາຍ​ແສງ​ເພັດ  ຮຸ່ງ​ບຸນ​ຍວງ ​ ໄດ້ສະ​ແດງ​ຄວາມ​ຮູ້ບຸນຄຸນ ແລະ ຂອບ​​ອົກຂອບໃຈຢ່າງຈິງໃຈມາຍັງ ສະຫາຍ​ລັດຖະມົນຕີກະຊວງ​​ແຜນການ ແລະ ການລົງທຶນ ​ແຫ່ງ ສສ ​ຫວຽດນາມ ທີ່ມອບເຄື່ອງຊ່ວຍເຫຼືອດັ່ງກ່າວນີ້ໃຫ້ແກ່ ລາວ ແລະ ຍັງໄດ້ຢືນຢັນວ່າຈະ​ນຳ​ເຄື່ອງຊ່ວຍເຫຼືອນີ້​ໄປ​ຍັງ​ພາກສ່ວ​ນທີ່​ກ່ຽວຂ້ອງ   ​ເພຶ່ອນຳໃຊ້ເຂົ້າໃນການສະກັດກັ້ນ ແລະ ຕ້ານພະຍາດໂຄວິດ – 19 ຢູ່ ສປປ ລາວຢ່າງມີປະສິດທິຜົນສູງ.

​ ​​ໃນ​ໂອກາດ​ນີ້ ສະຫາຍ ຫງວຽນຈີ່ຢູ້ງ ລັດຖະມົນຕີກະຊວງ​​ແຜນການ ແລະ ການລົງທຶນ ​ແຫ່ງ ສສ ​ຫວຽດນາມ​ອວຍພອນ​ຜູ້​ນຳ​ພັກ-​ລັດ ​ແລະ ປະຊາຊົນ​ລາວຈົ່ງ​ຜ່ານ​ພົ້ນ​ວິ​ກິດ​ໂຄ​ວິດ-19 ​ຢ່າງ​ໂດຍ​ໄວ ​ແລະ ພ້ອມ​ກັນ​ສ້າງສາ ​ແລະ ພັດທະນາ​ປະ​ເທດ​ໃຫ້​ນັບ​ມື້​ຂະຫຍາຍຕົວ, ​ເນື່ອງ​ໃນ​ໂອກາດ​​ປີ​ໃໝ່​ລາວ ພສ 2563 ​ຂໍ​ອວຍພອນ​ໃຫ້​ການນຳ​ພັກ-​ລັດ ​ແລະ ປະຊາຊົນ​ລາວ​ບັນດາ​ເຜົ່າ​ຈົ່ງ​ມີ​ແຕ່​ຄວາມ​ຜາ​ສຸກ ​ ​ພ້ອມ​ກັນຜ່ານ​ຜາ​ຄວາມ​ຍຸ້ງ​ຍາກ​ຈາກ​ພະຍາດ​ໂຄ​ວິດ-19 ​ແລະ ​ກັບ​ຄືນ​ສູ່​ສະພາບ​​ປົກກະຕິ​​​ໂດຍ​ໄວ.

 

(ຂ່າວ,ພາບ: ​ໂອ​ລຳ ຈັນທະ​ວິ​ໄລ)