ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກະຊວງ ກະສິກໍາ ແລະ ປ່າໄມ້ ຮ່ວມກັບ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ຈັດພິທີປູກຕົ້ນໄມ້ ຈັດພິທີປູກຕົ້ນໄມ້ໃນໂອກາດວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ

ກະຊວງ ກະສິກໍາ ແລະ ປ່າໄມ້ ຮ່ວມກັບ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ຈັດພິທີປູກຕົ້ນໄມ້ ຢູ່ສວນພຶດສາສາດ ຫ້ວຍຍາງ-ດົງໝາກຄາຍ, ເມືອງ ໄຊທານີ, ນະຄອນ ຫລວງວຽງຈັນ ໃນຕອນເຊົ້າວັນທີ 1 ມິຖຸນາ 2020.

ມີ ທ່ານ ລຽນທິແກ້ວ, ລັດຖະມົນຕີກະຊວງ ກະສິກໍາ ແລະ ປ່າໄມ້, ທ່ານ ສົມມາດ ພົນເສນາ, ລັດຖະມົນຕີກະຊວງ ຊັບພະ ຍາກອນທໍາມະຊາດ ແລະ ສິ່ງແວດ, ພ້ອມດ້ວມພະນັກງານຈາກທັງສອງກະຊວງ ແລະ ແຂກຮັບເຊີນເຂົ້າຮ່ວມ. ສວນພຶດສາສາດແຫ່ງນີ້ ມີເນື້ອທີ່ທັງໝົດ 268 ເຮັກຕາ, ໃນນີ້ ກະຊວງ ກະສິກໍາ ແລະ ປ່າໄມ້ ໄດ້ຮັບການມອບໝາຍໃຫ້ປູກຕົ້ນໄມ້ໃນເນື້ອທີ່ 136 ເຮັກຕາ ແລະ ໃຫ້ສຳເລັດໃນໄລຍະ 4 ປີ ໂດຍການສະໜອງງົບປະມານຈາກກອງທຶນປົກປັກຮັກສາສິ່ງແວດລ້ອມ, ກະຊວງ ຊັບພະຍາກອນທໍາມະຊາດ ແລະ ສິ່ງແວດ ລ້ອມ.

 

ສະເພາະປີ 2020 ນີ້ ກະຊວງ ກະສິກໍາ ແລະ ປ່າໄມ້ ມີແຜນປູກໄມ້ຢູ່ສວນແຫ່ງນີ້ໃຫ້ໄດ້ 94 ເຮັກຕາ, ແຕ່ສະເພາະປູກໃນໂອກາດວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ ມີເນື້ອທີ່ປະມານ 3 ເຮັກຕາ ໂດຍນຳໃຊ້ພັນໄມ້ພື້ນເມືອງລາວ 5 ຊະນິດ ຈຳນວນ 1.200 ຕົ້ນ ຄື: ໄມ້ຂະຍຸງ, ໄມ້ດູ່, ໄມ້ແຕ້ຂ່າ, ໄມ້ຍາງ ແລະ ໄມ້ແຄນ. ໃນພິທີປູກໄມ້ຄັ້ງນີ້ ຜູ້ເຂົ້າຮ່ວມຍັງໄດ້ຮັບຟັງປະຫວັດຄວາມເປັນມາຂອງວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ ທີ່ສະເໜີໂດຍ ທ່ານ ຊຸຊາດ ໄຊຍະກຸມມານ, ຫົວໜ້າກົມປ່າໄມ້, ກະຊວງ ກະສິກໍາ ແລະ ປ່າໄມ້ ແລະ ໄດ້ຮັບຟັງປະຫວັດຄວາມເປັນມາຂອງ ວັນສິ່ງແວດລ້ອມໂລກ ແລະ ວັນສິ່ງແວດລ້ອມແຫ່ງຊາດ ວັນທີ 5 ມິຖຸນາ ທີ່ສະເໜີໂດຍ ທ່ານ ໄຊຍະເວດ ວິໄຊ ຫົວໜ້າກົມສິ່ງແວດລ້ອມ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ຕື່ມອີກ.