ກະຊວງ ປກສ ຮັບເງິນຊ່ວຍເຫຼືອຜູ້ປະສົບໄພນໍ້າຖ້ວມ ແລະ ຮັບໃຊ້ວຽກງານປ້ອງກັນກອງປະຊຸມສຸດຍອດອາຊຽນ

ວັນທີ 23 ກັນຍາ 2024 ທີ່ກະຊວງ ປກສ, ພົທ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ຕາງ ໜ້າໃຫ້ກະຊວງ ປກສ ຮັບເງິນຊ່ວຍເຫຼືອ ຈາກ ບໍລິສັດ ບໍລິຫານຈັດການໄຊເບີລາວ ຈໍາກັດ ເພື່ອນຳໄປຊ່ວຍເຫຼືອຜູ້ປະສົບໄພນໍ້າຖ້ວມ ແລະ ຮັບໃຊ້ເຂົ້າໃນວຽກງານປ້ອງກັນ ກອງປະຊຸມສຸດຍອດອາຊຽນ ຄັ້ງທີ 44-45 ທີ່ ສປປ ລາວ ໄດ້ຮັບກຽດເປັນເຈົ້າ ຈໍານວນ 1 ຕື້ກີບ, ມອບໂດຍ ທ່ານ ກຽງຄໍາ ອິນແພງທະວົງ ຮອງອໍານວຍການ ບໍລິສັດ ບໍລິຫານຈັດການໄຊເບີລາວ ຈໍາກັດ.

ພົທ ກົງທອງ ພົງວິຈິດ ໄດ້ສະແດງຄວາມຂອບໃຈ ມາຍັງບໍລິ ສັດບໍລິຫານຈັດການໄຊເບີລາວ ຈໍາກັດ ທີ່ໄດ້ນໍາເອົາເງິນຈໍານວນດັ່ງກ່າວ ມາມອບໃຫ້ກະຊວງປ້ອງກັນຄວາມສະຫງົບ ເພື່ອໄປຊ່ວຍເຫຼືອຜູ້ປະສົບໄພນໍ້າຖ້ວມ ແລະ ນໍາໃຊ້ເຂົ້າໃນວຽກງານປ້ອງກັນ ກອງປະຊຸມສຸດຍອດອາຊຽນ ຄັ້ງທີ 44-45 ທີ່ ສປປ ລາວໄດ້ຮັບກຽດເປັນເຈົ້າ,

ພ້ອມນີ້ ໄດ້ຕາງໜ້າກະຊວງປ້ອງກັນຄວາມສະຫງົບ ໃຫ້ຄໍາໝັ້ນວ່າຈະນໍາໃຊ້ເງິນຈໍານວນດັ່ງກ່າວ ໄປຊ່ວຍເຫຼືອຜູ້ປະສົບໄພໃຫ້ທົ່ວເຖິງ ແລະ ນໍາໃຊ້ເຂົ້າໃນວຽກງານປ້ອງກັນ ກອງປະຊຸມສຸດ ຍອດອາຊຽນ ຮັບປະກັນໃຫ້ວຽກງານປ້ອງກັນກອງປະຊຸມຄັ້ງນີ້ ມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍດີ

ພາບ-ຂ່າວ: ບຸນພະຈັນ, ຄວາມສະຫງົບລາວ