( ເມືອງກະລຶມ ) ຈັດກອງປະຊຸມຝຶກຮົມວຽກງານເລືອກຕັ້ງສະມາສະພາແຫ່ງຊາດ ຊຸດທີ IX ແລະ ສະມາຊິກພາປະຊາຊົນແຂວງ ຊຸດທີ II ທົ່ວແຂວງເຊກອງ. ໄດ້ໄຂຂຶ້ນໃນວັນທີ 29 ທັນວາ 2020 ທີ່ຜ່ານມານີ້ຢູ່ທີ່ສະໂມສອນວ່າການປົກຄອງເມືອງ. ໂດຍພາຍໃຕ້ການເປັນປະທານ ຂອງທ່ານ ອໍບົວລາ ອ່ອນມະໄລວົງ ກໍາມະການພັກແຂວງ, ເລຂາພັກເມືອງ, ເຈົ້າເມືອງ – ເມືອງກະລຶມ ເປັນກຽດເຂົ້າຮ່ວມຂອງທ່ານ ພອນເພັດ ຄິວລະວົງ ອະດີດຮອງເລຂາພັກແຂວງ, ປະທານສະພາປະຊາຊົນແຂວງເຊກອງ, ມີບັນດາຄະນະອົງການປົກຂັ້ນແຂວງ – ຂັ້ນເມືອງ, ມີສະມາຊິກສະພາແຫ່ງຊາດ ແລະ ສະພາປະຊາຊົນແຂວງ, ຄະນະກຳມະການເລືອກຕັ້ງຂັ້ນແຂວງ – ຂັ້ນເມືອງ ຕະຫຼອດຮອດພະນັກງານການນຳຫຼັກແຫຼງກົມກອງຫ້ອງການອ້ອມຂອງເມືອງເຂົ້າຮ່ວມ.
ທ່ານ ອໍບົວລາ ອ່ອນມະໄລວົງ ກຳມະການພັກແຂວງ, ເລຂາພັກເມືອງ ເຈົ້າເມືອງ – ເມືອງກະລຶມ ໄດ້ກ່າວໄຂກອງປະຊຸມຝຶກອົບຮົມຄັ້ງນີ້ ໂດຍຍົກໃຫ້ເຫັນເຖິງຄວາມໝາຍ, ຄວາມສຳຄັນ ຈຳເປັນພາວະວິໄສ ຂອງການເລືອກຕັ້ງ ເຊິ່ງເປັນໜ້າຂອງພົນລະເມືອງລາວໝົົົົົດທຸກຄົນ. ຈາກນັ້ນ, ກໍໄດ້ຜ່ານມະຕິຂອງກົມການເມືອງສູນກາງພັກສະບັບເລກທີ 118/ກມສພ, ລົງວັນທີ 7 ກັນຍາ 2020 ວ່າດ້ວຍການເພີ່ມທະວີການຊີ້ນຳ – ນຳພາຂອງພັກຕໍ່ການເລືອກຕັ້ງສະມາຊິກສະພາແຫ່ງຊາດຊຸດທີ IX ແລະ ສະພາປະຊາຊົນແຂວງຊຸດທີ II ເຊິ່ງພັກໄດ້ຖືເອົາການເລືອກຕັ້ງສະມາຊິກສະພາແຫ່ງຊາດຊຸດທີ IX ແລະ ສະພາປະຊາຊົນແຂວງຊຸດທີ II ເປັນການສືບຕໍ່ບູລະນະລະບອບປະຊາທິປະໄຕ ປະຊາຊົນ ກ້າວເຂົ້າສູ່ສັງຄົມນິຍົມ, ເປັນການປັບປຸງກົງຈັກການຈັດຕັ້ງຂອງລັດໃຫ້ປອດໃສ, ເຂັ້ມແຂງ, ໜັກແໜ້ນ ບົນພື້ນຖານລັດຂອງປະຊາຊົນ, ໂດຍປະຊາຊົນ ແລະ ເພື່ອຜົນປະໂຫຍດຂອງປະຊາຊົນຢ່າງແທ້ຈິງ.
ຈາກນັ້ນ ຜູ້ເຂົ້າຮ່ວມກໍໄດ້ເຊື່ອມຊຶມເອກະສານວ່າດ້ວຍເສີມຂະຫຍາຍສິດເປັນເຈົ້້າຂອງປະຊາຊົນເຂົ້າໃນການເລືອກຕັ້ງສະມາຊິກສະພາແຫ່ງຊາດຊຸດທີ IX ແລະ ສະພາປະຊາຊົນແຂວງຊຸດທີ II, ເອກະສານຄໍາແນະນໍາເລກທີ 09 ກ່ຽວກັບລະບຽບການຄຸ້ມຄອງງົບປະມານຮັບໃຊ້ດຳເນີນການເລືອກຕັ້ງ, ມະຕິຂອງຄະນະປະຈຳສະພາແຫ່ງຊາດເລກທີ 141/ຄປຈ ວ່າການກຳນົດຈຳນວນຜູ້ເຂົ້າສະໝັກເລືອກຕັ້ງ, ຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບໜ່ວຍປ່ອນບັດເລືອກຕັ້ງ ແລະ ຂໍ້ຕົກລົງວ່າດ້ວຍແຕ່ງຕັ້ງ ແລະ ເຄື່ອນໄຫວບັນດາອະນຸກຳມະການຂອງຄະນະກຳມະການເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນແຂວງ ຂັ້ນເມືອງ. ເພື່ອແນໃສ່ເຮັດໃຫ້ການເລືອກຕັ້ງສະມາຊິກສະພາແຫ່ງຊາດຊຸດທີ IX ແລະ ສະພາປະຊາຊົນແຂວງຊຸດທີ IIບັນລຸຕາມລະດັບຄາດໝາຍທີ່ວາງໄວ້.
     
ໂດຍ: ຄຳເພົ້າ ຮຸ່ງໄຊຍະວົງ
Loading...