ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກະລຶມ ເສຍຫາຍຈາກພະຍຸໂນອຶນ 3 ຕື້ກ່ວາກີບ

ວັນທີ 8 ຕຸລາ 2020 ນີ້ ຄະນະກຳມະການປ້ອງກັນ ແລະ ຄອບຄຸມໄພພິບັດເມືອງກະລຶມ ແຂວງເຊກອງ ຈັດກອງປະຊຸມສະຫຼຸບລາຍງານຄືນຜົນເສຍຫາຍຈາກພະຍຸໂນອຶນ ພາຍຫຼັງສຳເລັດການເກັບກຳຂໍ້ມູນໄລຍະທີ ll ຢູ່ທີ່ຫ້ອງປະຊຸມຊັ້ນສອງຫ້ອງວ່າການເມືອງດັ່ງກ່າວ ໂດຍໃຫ້ກຽດເຂົ້າຮ່ວມຂອງ ທ່ານ ສີເວີນ ສິງຫາລາດ ຮອງເຈົ້າເມືອງກະລຶມ ປະທານຄະນະກຳມະການປອງກັນ ແລະ ຄອບຄຸມໄພພິບັດຂັ້ນເມືອງ.

ທ່ານ ວັນໄຊ ຈັນທະຍັບ ຮອງປະທານຄະນະກຳມະການປ້ອງກັນ ແລະ ຄອບຄຸມໄພພິບັດຂັ້ນເມືອງລາຍງານໃຫ້ຮູ້ວ່າ: ຜ່ານການລົງເກັບກຳຂໍມູນຜົນເສຍຫາຍຈາກພະຍຸໂນອຶນໄລຍະທີ 2 ຂອງຄະນະກຳມະການປ້ອງກັນ ແລະ ຄອບຄຸມໄພພິບັດເມືອງກະລຶມ ເຫັນວ່າມີບ້ານທີ່ຖືກກະທົບທັງ ໝົດ 15 ບ້ານ,ກະທົບຕໍ່ຄອບຄົວມີ 563 ຄອບຄົວ, ມີປະຊາຊົນເດືອດຮ້ອນທັງໝົດ 2,495 ຄົນ, ຍິງ 1,246 ຄົນ ແລະ ມູນຄ່າຜົນເສຍຫາຍເພີ່ມຂຶ້ນຈາກຂໍ້ມູນເບື້ອງຕົ້ນເກືອບ 2 ຕື້ ກີບ ເປັນ 3,424,776,000 ກີບ
ໃນນີ້ ຂະແໜງກະສິກຳເສຍຫາຍ 1,974,400,000 ກີບ ຂະແໜງສາທາລະນະສຸກ ເສຍຫາຍ 1,442,376,000 ກີບ,ຂະແໜງແຮງງານ ແລະ ສະຫວັດດີການສັງຄົມ ເສຍ ຫາຍ 8,000,000 ກີບ ແລະ ຂະແໜງ ຍທຂ ກະທົບຕໍ່ພື້ນຖານໂຄງລ່າງເສຍຫາຍຫຼາຍສົມຄວນ ແຕ່ຍັງບໍ່ສາມາດຄິດໄລ່ມູນຄ່າເສຍຫາຍໄດ້ ແລະ ຍັງມີຂໍມູນປະຊາຊົນສູນຫາຍໃນວັນທີ 18 ກັນຍາ ຜ່ານມານີ້ ເພີ່ມຂຶ້ນອີກ 3 ຄົນ ລວມ ເປັນ 4 ຄົນ ຕາມການໃຫ້ຂໍ້ມູນຂອງເຈົ້າໜ້າທີ່ ຄື: ຂໍມູນເບື້ອງຕົນແມ່ນ ທ ອຶກ ອາຍຸ 45 ປີ ອາຊີບປະຊາຊົນຢູ່ບ້ານໂກລ ຖືກນ້ຳຫ້ວຍອາຣາງ ຊັດໄຫລ ຫາຍສາບສູນ ແລະ ຂໍມູນໄໝ່ມີ ທ ອົວ ອາຍຸ 31 ປີ, ທ ໂນດ ອາຍຸ 24 ປີ, ທ ໂຍມ ອາຍຸ 50 ປີ ທັງ 3 ຄົນແມ່ນເປັນປະຊາຊົນ ບ້ານຕະລຸຍ ຖຶກນ້ຳເຊກອງ ຊັດໄຫລໄປພ້ອມກັນໃນຂະນະຂີ່ເຮືອກັບມາແຕ່ໄຮ່ ຮ່ວມກັນ 4 ຄົນ ແຕ່ສາມາດລອດຊີວິດໄດ້ 1 ຄົນ ຄື ທ ຕຶບ ອາຍຸ 12 ປີ ສຳລັບ 3 ຄົນແມ່ນຖືກນ້ຳເຊກອງຊຸໄຫລ ຫາຍສາບສູນ .

Cr: ອັດສະວິນ ແສງສີຈັນ