ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ກັກຕົວເປົ້າໝາຍຂະຫຍາຍຜົນໄດ້ຢາເສບຕິດ 23,900 ກວ່າເມັດ

ວັນທີ 25 ມີຖຸນາ 2018 ຜ່ານມານີ້, ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດຫ້ອງຕໍາຫຼວດ ປກສ ແຂວງໄຊຍະບູລີ ໄດ້ຮັບແຫຼ່ງຂ່າວຈາກພົນລະເມືອງດີວ່າ: ໄດ້ມີເປົ້າໝາຍຄ້າ – ຂາຍຢາເສບຕິດ ຢູ່ເຂດບ້ານນໍ້າເຮ້ຍ – ບ້ານສົມສະຫວັນ ເມືອງພຽງ ຕໍ່ມາເຈົ້າໜ້າທີ່ ຈື່ງໄດ້ປະສານສົມທົບກັບເຈົ້າໜ້າທີ່ຕໍາຫຼວດ ປກສ ເມືອງດັ່ງກ່າວ ພ້ອມກັນວາງແຜນຈັດວາງກໍາລັງອອກໄປຍັງຈຸດນັດພົບຂອງພວກກຸ່ມແກ້ງດັ່ງກ່າວ, ເວລານີ້ໄດ້ເຂົ້າຈັບກຸມທ້າວ ຈັນດີ ຊົງ  ຫຼື  ມໍ  ອາຍຸ 45 ປີ, ອາຊີບປະຊາຊົນ, ບ້ານດອນໃໝ່, ເມືອງໄຊຍະບູລີ, ແຂວງໄຊຍະບູລີ ຜູ້ຕົກເປັນເປົ້າໝາຍຕ້ອງສົງໄສ, ພ້ອມທັງກວດຄົ້ນຕົນຕົວຜູ້ກ່ຽວພົບເຫັນວັດຖຸຂອງກາງຢາບ້າຈໍານວນ 5,903 ເມັດ, ໂທລະສັບ 01 ເຄື່ອງ, ລົດໃຫຍ່ 01 ຄັນ, ຍີ່ຫໍ້ ເກຍ ( kia) ສີຂາວ ໝາຍເລກທະບຽນ  ກທ 2134 ກໍາແພງນະຄອນ. ຜ່ານການສືບສວນ – ສອບສວນຂອງເຈົ້າໜ້າທີ່ ຈື່ງສາມາດຂະຫຍາຍຜົນຫາກຸ່ມແກ້ງພັກພວກຮ່ວມຂະບວນ ຄື: ທ້າວ ເຊ່ຍຄູ່ ໝູ່ຫວາ ອາຍຸ 28 ປີ, ຢູ່ບ້ານປ່າຊາງ, ເມືອງຄອບ, ແຂວງໄຊຍະບູລີ ຍຶດໄດ້ວັດຖຸຂອງກາງຢາບ້າຈໍານວນ 18, 000 ເມັດ, ໂທລະສັບ 01 ເຄື່ອງ, ໂມງໃສ່ແຂນ 01 ໜ່ວຍ ມາດໍາເນີນຄະດີຕາມລະບຽບກົດໝາຍ.