ມາຮອດປັດຈຸບັນ ການກໍ່ສ້າງໂຮງຫມໍມະໂຫສົດ ໄລຍະ ທີ 1 ສໍາເລັດແລ້ວ 80% ຄາດວ່າການກໍ່ສ້າງຈະສໍາເລັດ
ພາຍໃນເດືອນກຸມພາ ປີ 2021.
ທ່ານ ຫວາງ ຈື້ ກາງ (Wang Zhi Gang) ຫົວໜ້າ ຝ່າຍເຕັກນິກ ໂຄງການກໍ່ສ້າງໂຮງໝໍມະໂຫສົດ ລາຍ ງານໃນໂອ ກາດທີ່ຄະນະສື່ມວນຊົນລາວ-ຈີນ ຮ່ວມສຳ ພາດກ່ຽວກັບໂຄງການ ຮ່ວມມື ໜຶ່ງແລວ ໜຶ່ງເສັ້ນທາງ ໃນ ວັນທີ 23 ທັນວາ 2020 ວ່າ: ໂຄງການກໍ່ສ້າງໂຮງໝໍມະ ໂຫສົດເປັນໂຄງການຊ່ວຍເຫລືອລ້າຈາກລັດຖະບານ ສປ ຈີນ ໂດຍມີມູນຄ່າການກໍ່ສ້າງ ທັງໝົດ 592 ກວ່າລ້ານ ຢວນ, ມີເນື້ອທີ່ປຸກສ້າງ 54.792.64 ຕາແມັດ ໂດຍແມ່ນ ບໍລິສັດ ຈູ້ຈົົງປັກກິ່ງ ຈໍາກັດ ເປັນ ຜູ້ເໝົາກໍ່ສ້າງ ໂດຍແບ່ງ ເປັນສອງໄລຍະ ແລະ ຄາດວ່າຈະໃຫ້ສຳເລັດໃນ ເດືອນ ກຸມພາ ປີ 2022
ທ່ານ Wang Zhi Gang ໃຫ້ຮູ້ອີກວ່າ: ສະເພາະ ໄລຍະທີ 1 ໄດ້ເລີ່ມແຕ່ເດືອນພະຈິກ ປີ 2018 ລວມມີ ການກໍ່ສ້າງພາກສ່ວນໃຕ້ດິນ, ອາຄານນອນ ຄົນເຈັບ 8 ຊັ້ນ ແລະ ອາຄານຊຶມເຊື້ອ 4 ຊັ້ນ ສຳເລັດແລ້ວ 80% ແລະ 20% ຢູ່ໃນໄລຍະການຕົບແຕ່ງພາຍໃນ ເປັນຕົ້ນ ແລ່ນລະບົບໄຟຟ້າ, ແອ, ລະບົບລະບາຍອາກາດ, ລະ ບົບແຈ້ງເຕືອນ ແລະ ດັບເພີງສຸກເສີນ, ແລະ ລະບົບ ນ້ຳ. ຄາດວ່າຈະໃຫ້ສໍາເລັດພາຍໃນເດືອນກຸມພາ 2021. ຫລັງຈາກນັ້ນຈະເລີ່ມກໍ່ສ້າງ ໄລຍະທີ 2 ໃນເດືອນ ເມສາ 2021 ແລະ ຄາດວ່າຈະ ໃຫ້ສຳເລັດໃນເດືອນ ກຸມພາ 2022.
ສ່ວນຂໍ້ຫຍຸ້ງຍາກໃນການກໍ່ສ້າງ ຍ້ອນມີການ ລະບາດ ຂອງພະຍາດ ໂຄວິດ-19 ເຮັດໃຫ້ໂຄງການນຳເຂົ້າວັດ ຖຸອຸປະກອນ ແລະ ເຄື່ອງມືຕ່າງໆໃນການກໍ່ສ້າງ ພ້ອມ ດ້ວຍ ກຳມະກອນ ແລະ ວິຊາການທີ່ມາຈາກ ສປ ຈີນ ຈຳນວນໜຶ່ງເຂົ້າມາລາວບໍ່ໄດ້ ເຮັດໃຫ້ວຽກໃນການ ກໍ່ສ້າງຂອງໄລຍະທີ 1 ເລື່ອນເວລາເປັນຫລາຍມື້, ແຕ່ເຖິງຢ່າງໃດກໍຕາມ ບໍລິສັດຮັບເຫມົາ ກໍ່ສ້າງຈະພະ ຍາຍາມກໍ່ສ້າງເພື່ອໃຫ້ສໍາເລັດຕາມຄາດຫມາຍທີ່ວາງໄວ້.
Loading...