ໃນວັນທີ 12 ພຶດສະພາ 2024 ນີ້ຄະນະຮັບຜິດຊອບ ເກັບກູ້ຊັບສົມບັດວັດທະນະທໍາ ຢູ່ທີ່ດອນເຜິ້ງຄໍາ ເມືອງຕົ້ນເຜິ້ງ ແຂວງບໍ່ແກ້ວ ໄດ້ສືບຕໍ່ການຂຸດຄົົ້ນພຣະພຸດທະຮູບຢ່າງຕໍ່ເນື່ອງ ເຊິ່ງມີອາສາສະໝັກທີມງານລົງຂຸດຄົ້ນຕົວຈິງປະມານ 20ກວ່າຄົນ, ໂດຍມີຄະນະຮັບຊອບຂັ້ນສູນກາງ, ຂັ້ນແຂວງ, ຂັ້ນເມືອງ, ຂັ້ນບ້ານ ແລະ ພາກສ່ວນທີ່ກ່ຽວຂ້ອງໃຫ້ການໃກ້ສິດຕິດແທດຢູ່ພາກສະໜາມຕະຫຼອດເວລາ ໂດຍໄດ້ໃຊ້ລົດຈົກ 2 ຄັນ, ຈັກສູບນ້ຳ 4 ເຄື່ອງ, ມີເຄື່ອງກວດໂລຫະ ແລະ ວັດຖຸອຸປະກອນທີ່ອຳນວຍຄວາມສະດວກຢ່າງຄົບຊຸດ, ເຊິ່ງໄດ້ຂະຫຍາຍພື້ນທີ່ການຂຸດຄົ້ນອອກໄປທາງເບື້ອງໃຕ້ ແລະ ທາງເບື້ອງເໜືອ ລວມປະມານ 20×20ກວ່າແມັດ, ໂດຍໄດ້ປ້ານຄັນຄູກັ້ນນໍ້າ, ປັບພື້ນທີ່ ແລະດູດນ້ຳອອກປະມານ 2 ຊົ່ວໂມງ ຈຶ່ງສາມາດຂຸດຄົ້ນໄດ້ໄປຕາມລຳດັບ.
ຮອດເວລາ 13:20ໂມງ ໃນວັນທີ 11 ພຶດສະພາ 2024 ສາມາດຄົ້ນພົບພຣະພຸດທະຮູບອົງທຳອິດ ເປັນພຣະພຸດທະຮູບ ທອງສຳລິດ ບາງຊະນະມານ ແລະພົບອົງທີ 2 ໃນເວລາ 16:30 ໂມງ, ເຊິ່ງເປັນພຣະພຸທທະຮູບພຣະມະຫາ ອຸປະຄຸດ ອົງນ້ອຍ ທອງສໍາຣິດ ທີ່ມີຂະໜາດ ລວງ ສູງ: 7 cm, ປະຈຸບັນທີມງານຂຸດຄົ້ນ ພວມປະຕິບັດໜ້າທີ່ຂອງຕົນທີ່ໄດ້ຮັບການມອບໝາຍຢ່າງຕັ້ງໜ້າ.
