ອົງການປົກຄອງບ້ານລາດຄວາຍເມືອງໄຊທານີ ນະຄອນຫລວງວຽງຈັນ ຍັງຖືສໍາຄັນການທໍາລາຍເເຫລ່ງເພາະພັນຂອງຍຸງລາຍເປັນວຽກງານສໍາຄັນຄຽງຄູ່ກັບວຽກງານອື່ນໆ ໂດຍສົມທົບກັບຫ້ອງການສາ ທາລະນະສຸກໄຊທານີ ເເລະ ປະຊາຊົນພາຍໃນບ້ານຈັດຕັ້ງປະຕິບັດຢ່າງເປັນຂະບວນກວ້າງຂວາງ.
ທ່ານ ຂັນໄຊ ເເກ້ວພັນຄໍາ ນາຍບ້ານໆລາດຄວາຍໃຫ້ສໍາພາດວ່າ: ລາດຄວາຍເປັນບ້ານຫນື່ງຂອງເມືອງໄຊທານີ ທີ່ມີຜູ້ຕິດເຊື້ອພະຍາດໄຂຍຸງລາຍ ນັບເເຕ່ຕົ້ນເດືອນມາເຖິງປັດຈຸບັນມີກໍລະນີສະສົມທັງຫມົດ 65 ຄົນ ໃນນີ້ເປັນຍີງຫລາຍກວ່າ 30 ຄົນ ເຊີ່ງໄລຍະຜ່ານກໍ່ຄືປັດຈຸບັນ ອົງການປົກຄອງບ້ານ ໄດ້ເອົາໃຈໃສ່ໂຄ ສະນາສຸຂະສຶກສາໃຫ້ປະຊາຊົນພາຍໃນບ້ານຮັບຮູ້ເຂົ້າໃຈເຖີງຜົນຮ້າຍ ໄພອັນ ຕະລາຍ ລວມເຖີງວິທີປ້ອງກັນພະຍາດໄຂ້ຍຸງລາຍດ້ວຍຫລາຍຮູບການໃຫ້ປະຊາຊົນພາຍໃນບ້ານຮັບຮູ້ເຂົ້າໃຈ ໂດຍອີງໃສ່ຫລັກການ 5 ປໍຂອງກະຊວງສາທາລະນະສຸກວາງອອກ ໂດຍສົມທົບກັບຫ້ອງການສາທາລະນະສຸກເມືອງຈັດຕັ້ງປະຕິບັດ ເຫັນວ່າປະຊາຊົນພາຍໃນບ້ານໃຫ້ການຮ່ວມມືດີສົມຄວນເຮັດໃຫ້ຈໍານວນຜູ້ຕິດເຊື້ອພະຍາດໄຂ້ຍຸງລາຍຢູ່ພາຍໃນບ້ານນັບມື້ຫລຸດລົງ.
ໂອກາດດຽວກັນນີ້ ດຣ ຄໍາເປີ້ຍ ໄຊຍະເສນ ຮອງຫົວຫນ້າຫ້ອງການສາທາລະ ນະສຸກ ເມືອງໄຊທານີ ໃຫ້ສໍາພາດວ່າ: ສາເຫດທີ່ເລືອກເອົາບ້ານລາດຄວາຍເປັນບ່ອນເປີດຂະບວນການໃນຄັ້ງນີ້ ຍ້ອນລາດຄວາຍເປັນອີກບ້ານຫນື່ງທີ່ມີຈໍານວນຜູ້ຕິດເຊື້ອພະຍາດໄຂ້ຍຸງລາຍເປັນຈໍານວນຫລາຍ ໂດຍເນັ້ນຫນັກໃສ່ການທໍາລາຍເເຫລ່ງເພາະພັນຂອງລຸງ ໂດຍປະຊາຊົນມີສ່ວນຮ່ວມ.
ດຣ ຄໍາເປີ້ຍ ໄຊຍະເສນ ໃຫ້ຮູ້ຕື່ມວ່າ:ໄຊທານີເປັນເມືອງຫນື່ງຂອງນະຄອນຫລວງວຽງຈັນທີ່ມີຜູ້ຕິດເຊື້ອພະຍາດໄຂ້ຍຸງລາຍເປັນຈໍານວນຫລາຍນັບເເຕ່ເດືອນມັງ ກອນມາຮອດປັດຈຸບັນມີຫລາຍກວ່າ 3.000 ເພີ່ມຂື້ນຈາກປີຜ່ານໆມາ ເນື່ອງຈາກພູມສັນຖານຂອງເມືອງທີ່ມີເນື້ອທີ່ກວ້າງ ຜູ້ຄົນອາໃສຢູ່ຫລາຍ ມີປະຊາກອນເຄື່ອນຍ້າຍເປັນປະຈໍາຂໍຈື່ງເປັນສາເຫດເຮັດໃຫ້ມີຜູ້ຕິດເຊື້ອພະຍາດໄຂ້ຍຸງລາຍເປັນຈໍານວນຫລາຍ ເເຕ່ສາມາຄວບຄຸມໄດ້ເນື່ອງຈາກຫ້ອງການສາທາລະນະສຸກເມືອງໄດ້ກະກຽມຮັບມືໄວ້ເເຕ່ຫົວທີເເລ້ວ ໂດຍສະເພາະບຸກຄະລາກອນການເເພດ, ຢາປີ່ນປົວພະຍາດ ເເລະ ອຸປະກອນຮັບໃຊ້ທີ່ຈໍາເປັນຈໍານວນຫນື່ງ.
ຂ່າວ:ເດດອາລຸນ ແກ້ວິໄລ.
