ໃນຕອນບ່າຍວັນທີ 8 ກໍລະກົດ 2021, ທ່ານ ສຸລິຍົງ ໂພຄຳ ຮອງເລຂາພັກເມືອງ ຜູ້ຊີ້ນຳວຽກພັກ-ພະນັກງານເມືອງຄູນຄຳ ຮ່ວມກັບຫ້ອງການແຮງງານ ແລະ ສະຫວັດດີການສົງຄົມເມືອງຄູນຄຳໄດ້ລົງ ມອບເງີນຊ່ວຍເຫຼືອສຸກເສີນບັນເທົາທຸກໃຫ້ຜູ້ທີ່ທີ່ຖຶກຜົນກະທົບຈາກການແພ່ລະບາດຂອງເຊື່ອພະຍາດໂຄວິດ-19 ເຂົ້າຮ່ວມໃນຄັ້ງນີ້ມີ ການຈັດຕັ້ງບ້ານພ້ອມດ້ວຍຜູ້ທີ່ຖຶກຜົນກະທົບຈາກການແພ່ລະບາດຂອງເຊື່ອພະຍາດໂຄວິດ-19 ເຂົ້າຮ່ວມ.

ການລົງມອບເງີນຊ່ວຍເຫຼືອໃນຄັ້ງນີ້ ມີທັງໝົດມີ4ບ້ານ,ໄດ້ແກ່ ບ້ານຄູນຄຳ, ບ້ານ ນາຂາມ, ບ້ານ ມ່ວງນ້ຳສາງ ແລະ  ບ້ານ ນ້ຳມະຮາງ ເຊິ່ງມີຜູ້ທີ່ໄດ້ຮັບເງີນຊ່ວຍເຫຼືອໃນຄັ້ງນີ້ມີທັງໝົດ 10 ທ່ານ ໂດຍການກ່າວມອບຂອງ ທ່ານ ສຸລິຍົງ ໂພຄຳ ຮອງເລຂາພັກເມືອງ ເຊິ່ງໄດ້ມອບເງີນໃຫ້ຄົນລະ 250.000 ກີບ. ລວມມູນຄ່າທີໄດ້ມາມອບໃນຄັ້ງນີ້ເງິນສົດຈໍານວນ 2.500.000 ກີບ.

ໃນພິທີຄັ້ງນີ້ ທ່ານ ສຸລິຍົງ ໂພຄຳ ຮອງເລຂາພັກເມືອງຄູນຄຳຍັງໄດ້ໂອ້ລົມ ກັບຜູ້ທີ່ໄດ້ຮັບເງີນຊ່ວຍເຫຼືອບັນເທົາທຸກ ຈຳນວນດັ່ງກ່າວນີ້ ແມ່ນນ້ຳຈິດນ້ຳໃຈຈາກ ພັກ-ລັດ ຍາມໃດເພີ່ນຍັງເປັນຫ່ວງເປັນໃຍ ແລະ ພ້ອມນັ້ນຍັງຮຽກຮ້ອງໃຫ້ພ້ອມພາກັນສູ້ຊົນ, ບຸກບືນ ແລະ ສ້າງເສດຖະກິດຄອບຄົວໃຫ້ມີຊີວິດການເປັນຢູ່ທີ່ດີຂື້ນ.

ພາບ-ຂ່າວ: ເດັ່ນດາເພັດ

Loading...