ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ການນຳເມືອງບໍ່ແຕນລົງກວດກາການກໍ່ສ້າງ ປູທາງເບຕົງ ບ້ານບໍ່ແຕນ ແລະ ບ້ານນາຂ່າ

ຕອນເຊົ້າຂອງວັນທີ 1 ພຶດສະພາ 2020 ນີ້ ທ່ານ ວັນດາວ ແວວທະນັດສີ ເລຂາຄະນະບໍລິຫານງານພັກເມືອງ ເຈົ້າເມືອງບໍ່ແຕນ ພ້ອມດ້ວຍຄະນະໄດ້ລົງຕິດຕາມໂຄງການກໍ່ສ້າງທາງ ປູເບຕົງ ທາງຊອຍບ້ານບໍ່ແຕນ ແລະ ບ້ານນາຂ່າ ເມືອງບໍ່ແຕນ ແຂວງໄຊຍະບູລີ ເສັ້ນທາງດັ່ງກ່າວມີຄວາມຍາວທັງໝົດ 800 m. ໃນປີນີ້ບ້ານບໍ່ແຕນ ຍາວ 600 m, ໜ້າທາງກວ້າງ 5-6 m ກວມຮ່ອງນ້ຳຂ້າງທາງ, ກວ້າງ 4 m, ໜາ 15cm ແລະ ບ້ານນາຂ່າ ຍາວ 200 m, ໜ້າທາງກວ້າງ 5-6 m ກວມຮ່ອງນໍ້າຂ້າງທາງ, ກວ້າງ 4 m, ໜາ 15 cm. ເຊິ່ງເທປູນປະສົມຫີນຊາຍ ທັບກະແຕະໄມ້ປ່ອງ ລວມມູນຄ່າການກໍ່ສ້າງທັງໝົດ 509,865,000 ກີບ ໂດຍແມ່ນທຶນສົມທົບກັນລະຫວ່າງ ລັດກັບປະຊາຊົນພາຍໃນ 2 ບ້ານ ເຊິ່ງໄດ້ເລີ່ມລົງມືກໍ່ສ້າງມາແຕ່ວັນທີ 15 ເມສາ 2020 ມາຮອດປະຈຸບັນນີ້ແມ່ນສໍາເລັດແລ້ວ 50 , ຄາດຈະໃຫ້ສຳເລັດ 100 ໃນທ້າຍປີ 2020 ນີ້. ການກໍ່ສ້າງເສັ້ນທາງຊອຍໃນຄັ້ງນີ້ກໍ່ເພື່ອອໍານວຍຄວາມສະດວກໃຫ້ແກ່ພໍ່ແມ່ປະຊາຊົນໄດ້ປະມາຫາສູ່ກັນຢ່າງສະດວກສະບາຍໃນທຸກໆລະດູການ.

ຂ່າວຈາກ: ບຸນເລີດ ໄຊຍະລາດ  ເມືອງບໍ່ແຕນ ແຂວງໄຊຍະບູລີ