ສະຫາຍ ຄຳພັນ ສິດທິດຳພາ ກຳມະການສູນກາງພັກ ເລຂາພັກແຂວງ ເຈົ້າແຂວງວຽງຈັນ ພ້ອມດ້ວຍຄະນະນຳຂອງແຂວງວຽງຈັນ ໄດ້ວາງພວງມາລາ ແລະ ກະຕ່າດອກໄມ້ ໃນວັນທີ17 ພະຈິກ 2020ນີ້ ທີ່ອານຸສາວະລີນັກຮົບນິລະນາມ, ກອງບັນຊາການທະຫານ ແຂວງວຽງຈັນ ແລະ ອານຸສອນສະຖານ ປະທານໄກສອນພົມວິຫານ ເພື່ອເປັນການລະນຶກເຖິງຄຸນງາມຄວາມດີຂອງນັກຮົບຜູ້ທີ່ພິລະອາດຫານ,ມີນ້ຳໃຈຮັກຊາດ ຮັກບ້ານເກີດເມືອງນອນ ແລະ ຍອມອຸທິດຕົນ ເສຍສະຫລະຊີວິດເລືອດເນື້ອເພື່ອພາລະກິດຕໍ່ສູ້ກູ້ຊາດຕ້ານພວກລ່າເມືອງຂຶ້ນທັງແບບເກົ່າ ແລະ ແບບໃຫມ່ ເພື່ອຮັກສາພຶ້ນແຜ່ນດິນອັນຄົບຖ້ວນຂອງລາວເຮົາ ແລະ ການວາງກະຕ່າດອກໄມ້ຢູ່ທີ່ອານຸສອນສະຖານປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດເພື່ອເປັນການລະນຶກເຖິງຄຸນງາມຄວາມ ດີໃນການນຳພາປົກປັກຮັກສາປະເທດຊາດບ້ານເມືອງນຳພາປວງຊົນລາວທັງຊາດຕໍ່ສູ້ຕ້ານກັບສັດຕູທີ່ເຂົ້າມາຮຸກຮານປະເທດຊາດສາມາດຍາດໄດ້ໄຊຊະນະໃນແຕ່ລະບັ້ນຮົບຈົນສາມາດສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ໃນວັນ ທີ 2 ທັນວາ 1975 ເປັນຕົ້ນມາ.
ການວາງພວງມາລາ,ກະຕ່າດອກໄມ້ໃນຄັ້ງນີ້ ເພື່ອເປັນການຂ່ຳນັບ ຮັບຕ້ອນກອງປະຊຸມໃຫຍ່ຜູ້ແທນອົງຄະນະພັກແຂວງ ວຽງຈັນ ຄັ້ງທີ VI ທີ່ຈະຈັດຂຶ້ນໃນລະຫວ່າງວັນທີ 18-19 ພະຈິກ 2020 ນີ້.

Cr: Viengchanh News

Loading...