ເພື່ອສະແດງຄວາມກະຕັນຍູຮູ້ບຸນຄຸນ ແລະ ຈາລຶກຄຸນງາມຄວາມດີຕໍ່ວິລະຊົນແຫ່ງຊາດ, ນັກ ຮົບແຂ່ງຂັນ, ນາຍ ແລະ ພົນທະຫານ ແລະ ປະຊາຊົນລາວ ບັນດາເຜົ່າທີ່ເສຍສະຫລະເລືອດເນື້ອ ແລະ ຊີວິດໃນພາລະກິດຕໍ່ສູ້ກູ້ຊາດຕ້ານກັບຈັກກະພັດຜູ້ຮຸກຮານ ໃນເມື່ອກ່ອນ ເພື່ອຍາດເອົາເອກະລາດມາ ໃຫ້ປະເທດຊາດພ້ອມທັງສະແດງຄວາມຮູ້ບຸນຄຸນ ແລະ ຈົ່ງຮັກພັກດີຕໍ່ຜູ້ນໍາການປະຕິວັດ, ສະມາຊິກ ພັກທຸກສະຫາຍທີ່ເສຍສະຫລະເລືອດ ເນື້ອເຫື່ອແຮງ, ສະຕິປັນຍາ ແລະ ເວລາອັນມີຄ່າເພື່ອພາລະກິດ ປົດປ່ອຍຊາດອອກຈາກແອກປົກຄອງຂອງຈັກກະພັດຕ່າງດ້າວ, ການນໍາຂັ້ນສູງພັກ – ລັດ ເຂົ້າຮ່ວມ ພິທີວາງພວງມາລາຢູ່ອານຸສາວະລີນັກຮົບນິລະນາມດາວແດງ ແລະ ວາງກະຕ່າດອກໄມ້ຢູ່ຫໍພິພິທະພັນ ປະທານໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງ ຊົນລາວທັງຊາດໃນຕອນເຊົ້າ ວັນທີ 12 ມັງກອນ 2021 ເພື່ອຂໍ່ານັບຮັບຕ້ອນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະ ຊາຊົນ ປະຕິວັດລາວ ທີ່ຈະຈັດຂື້ນລະຫວ່າງວັນທີ 13 ຫາ 15 ມັງກອນນີ້.
ພິທີເລີ່ມຂື້ນຢ່າງເປັນທາງການໃນເວລາ 7 ໂມງເຊົ້າ ຢູ່ອະນຸສາວະລີນັກຮົບນິລະນາມລວມມີ 2 ຄະນະ ເລີ່ມຈາກ ຄະນະບໍລິຫານງານສູນກາງພັກປະຊາຊົນປະຕິວັດລາວ ນໍາໂດຍ ສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກປະທານປະເທດ, ຕໍ່ມາແມ່ນຄະນະຜູ້ແທນ ສູນ ກາງ ແລະ ທ້ອງຖີ່ນນໍາໂດຍສະຫາຍຈະເລີນເຢຍປ່າວເຮີກໍາມະການສູນກາງພັກລັດຖະມົນຕີປະຈໍາ ຫ້ອງ ວ່າການສໍານັກງານນາຍົກລັດຖະມົນຕີໂຄສົກລັດຖະບານ ຕໍ່ມາເວລາປະມານ 7 ໂມງ 30 ນາທີ ທັງສອງຄະນະໄດ້ໄປວາງກະຕ່າດອກໄມ້ຢູ່ຫໍພິພິທະພັນ ປະທານໄກສອນ ພົມວິຫານ ຜູ້ນໍາທີ່ເເສນເຄົາ ລົບຮັກຂອງປວງຊົນລາວທັງຊາດ ເພື່ອສະແດງຄວາມກະຕັນຍູຮູ້ບຸນຄຸນ ແລະ ຈົ່ງຮັກພັກດີ, ທີ່ໄດ້ອຸ ທິດເຫື່ອແຮງ ສະຕິປັນຍາຕະຫລອດຊີວິດຂອງເພີ່ນເຂົ້າໃນພາລະກິດປະຕິວັດ, ນໍາພາປະຊາຊົນລາວ ບັນດາເຜົ່າຕໍ່ສູ້ຕ້ານກັບຈັກກະພັດຜູ້ຮຸກຮານຈົນສາມາດຍາດໄດ້ໄຊຊະຢ່າງສົມບູນ, ລົບລ້າງລະບອບ ລາຊາທິປະໄຕ ແລະ ສະຖາປະນາສາທາລະນະລັດ ປະຊາທິປະໄຕປະຊາຊົນລາວ ໃນວັນທີ 2 ທັນວາ 1975.
ຂ່າວ : ເດດອາລຸນ ແກ້ວວິໄລ
Loading...