ໃນເຊົ້າຂອງວັນທີ 26 ມັງກອນ 2021 ທີ່ສວນອະນຸສາວະລີ ພຣະເຈົ້າໄຊຍະເສດຖາທິຣາດ ບ້ານຫາດຊາຍຂາວ,ເມືອງໄຊເສດຖາ ແຂວງອັດຕະປື ບັນດາການນໍາພັກ-ລັດຂອງສູນກາງ ແລະ ທ້ອງຖິ່ນ ຕະຫຼອດຮອດມວນຊົນທົ່ວທຸກສາລະທິດ ໄດ້ເຂົ້າຮ່ວມພິທີຕັກບາດ ເນື່ອງໂອກາດໃນງານສະເຫຼີມສະຫຼອງ ຮູບປັ້ນຫຼ່ໍ ເໝືອນພະເຈົ້າໄຊຍະເສດຖາທິຣາດ ຊ້າງ ແລະ ພະພຸດທະຮູບ .ໂດຍມີທ່ານ ຈູມມະລີ ໄຊຍະສອນ ອາດີດປະທານປະເທດ ແຫ່ງ ສປປ ລາວ,ມີທ່ານ ເລັດ ໄຊຍະອນ ເຈົ້າແຂວງອັດຕະປື ພ້ອມດ້ວຍ ມວນຊົນຫຼາຍຮ້ອຍຄົນເຂົ້າຮ່ວມ .
ພິທີຕັກບາດຖະຫວາຍສັງຂະທານ ແດ່ພະສົງ ຈໍານວນ 99 ອົງຄັ້ງນີ້ກໍ່ເພື່ອອຸທິດສ່ວນບຸນກຸສົນໃຫ້ດວງວິນຍານຂອງພຣະເຈົ້າໄຊຍະເສດຖາມີລາດ ເປັນການລະນຶກຄຸນງາມຄວາມດີທີ່ເພິ່ນໄດ້ສ້າງໄວໃນເມື່ອກ່ອນ,ພ້ອມທັງເປັນການເຕົ້າໂຮມຄວາມສາມັກຄີ ລະຫວ່າງ ອົງການຈັດຕັ້ງພັກ-ລັດ,ອົງການພຸດທະສະໜາ ແລະ ປະ ຊາຊົນລາວບັນດາເຜົ່າທຸກທົ່ວໜ້າ ເຂົ້າໃນການຮ່ວມແຮງຮ່ວມໃຈປະກອບສ່ວນທາງດ້ານວັດຖຸສິ່ງຂອງ ວັດຖຸປັດໃຈ ໃນການປົກປັກຮັກສາ ແລະ ພັດທະນາປະ ເທດຊາດ ກໍ່ຄືການປົກຮັກສາອະລິຍະທຳ ແລະ ປະຕິມະກຳທາງດ້ານປະຫັວດສາດ ເພື່ອຈາລຶກຄຸນງາມຄວາມດີ ວິລະກຳຂອງພະເຈົ້າໄຊຍະເສດທິຣາດ ທີ່ໄດ້ນຳພາຕໍ່ສູ້ປົກປັກຮັກສາອານາຈັກລາວລ້ານຊ້າງ ໃນສະພາບແວດລ້ອມມີຄວາມຫຸ້ຍງຍາກ, ເຊິ່ງພະເຈົ້າໄຊຍະເສດຖາທິຣາດ ມະຫາຣາດ ວິລະກະສັດ ອານາຈັກລາວລ້ານຊ້າງ ເຊິ່ງເປັນເຈົ້າກະສັດອົງທີ 2 ທີ່ໄດ້ຮັບການຍົກຍ້ອງສະຖາປານາຂຶ້ນເປັນ ມະຫາຣາດ ຂອງຣາຊະວົງຊຽງທອງລ້ານຊ້າງ ພະອົງເປັນເຈົ້າກະສັດທີ່ມີຄວາມປີຊາສາມາດຢ່າງຮອບດ້ານໃນການປົກຄອງແຜ່ນດິນໃຫ້ມີຄວາມໝັ້ນຄົງ ເຂັ້ມແຂງ ດ້ານການທະຫານມີຄວາມຈະເລີນຮຸ່ງເຮືອງ ດ້ານສິລະປະ-ວັດທະນະທຳ ແລະ ພຸດທະສາດສະໜາ ນອກນີ້ພຣະອົງ ຍັງເປັນນັກຮົບຜູ້ເກັ່ງກ້າສາມາດ ເປັນນັກວາງແຜນການສູ້ຮົບ ທີ່ສະຫຼາດຫຼັກແຫຼມ ພະອົງເປັນນັກປົກຄອງທີ່ສະຫຼຽວສະ ຫຼາດ ມີວິໄສທັດເບິ່ງກວ້າງມອງໄກ ໂດຍສະເພາະການຍ້າຍຣາຊະທານີ ຈາກຊຽງດົງ ຊຽງທອງ ລົງມາເມືອງວຽງຈັນ ເຊິ່ງເປັນສູນກາງຂອງອານາຈັກລາວລ້ານຊ້າງໃນສະໄໝນັ້ນ .
ຂ່າວ: ວັດທະນາ ຂ.ອັດຕະປື
Loading...