ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ການນໍາເມືອງອຸທຸມພອນ ແຂວງສະຫວັນນະເຂດຕ້ອນຮັບປະທານປະເທດເດີນ ທາງໄປຢ້ຽມຢາມ.
ໃນຕອນເຊົ້າວັນທີ 23 ມີນາ 2023 ການນໍາເມືອງອຸທຸມພອນ ແຂວງສະຫວັນນະເຂດ,ນໍາໂດຍ ທ່ານ ແສນສັກ ພິມວົງສາ ເຈົ້າເມືອງອຸທຸມພອນ ພ້ອມດ້ວຍບັນດາທ່ານການນໍາຂອງເມືອງ ໄດ້ໃຫ້ການຕ້ອນຮັບ ທ່ານ ທອງລຸນ ສີສຸລິດ ປະທານປະເທດ ໃນໂອກາດທີ່ທ່ານໄດ້ລົງມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສະຫວັນນະເຂດ.
ໂອກາດເດີນທາງຢ້ຽມຢາມ ພະນະທ່ານ ທອງລຸນ ສີສຸລິດ ປະທານປະເທດ ໄດ້ມີຄວາມເຫັນວ່າ: ເມືອງອຸທຸມພອນ ເປັນເມືອງໜຶ່ງທີ່ມີການພັດທະນາໄວຂອງແຂວງສະຫວັນນະເຂດ,ຖັດຈາກນະຄອນໄກສອນ ພົມວິຫານ,ເຮັດແນວໃດເພື່ອດຶງດູດເອົານັກທ່ອງທ່ຽວໃຫ້ມາແວ່ພັກເຊົາ, ສ້າງແຫລ່ງທ່ອງທ່ຽວ ຢູ່ທີ່ນີ້ໃຫ້ຫຼາຍຂື້ນ ພ້ອມສ້າງສິ່ງໃດທີ່ເປັນເອກະລັກຂອງເຊໂນແລ້ວ ທີ່ມີຊື່ສຽງດົງດັງມາແຕ່ດົນນານແລ້ວ ແລະພ້ອມກັນ ໃຫ້ຮັກສາໄວ້ ເປັນຕົ້ນຮ້ານອາຫານ, ໂດຍສະເພາະທີ່ມີຊື່ສຽງ ກໍ່ຄືປິ້ງໄກ່ລາດ ແລະອື່ນຯ, ຊື່ສຽງທາງດ້ານຮ່ອງຮອຍປະຫວັດສາດ, ກໍ່ຄື ທາງດ້ານຮີດຄອງປະເພນີອັນດີງາມຂອງປະຊາຊົນບັນດາເຜົ່າໃຫ້ດີຂຶ້ນກວ່າເກົ່າ.
ນັກຂ່າວເມືອງອຸທຸມພອນ
ບຸນຊູ ພົມມະເທບ