ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ການນໍາແຂວງຈຳປາສັກລົງຊຸກຍູ້ຂະບວນການກະກຽມກອງປະຊຸມໃຫຍ່ຄະນະພັກຢູ່ເມືອງສຸຂຸມາ

ວັນທີ 13 ມີນາ 2019, ການນໍາແຂວງຈຳປາສັກ ນໍາໂດຍ ທ່ານ ນິພອນ ວຽງປະເສີດ, ຮອງເລຂາພັກແຂວງ, ຫົວໜ້າຄະນະຈັດຕັ້ງແຂວງ ພ້ອມດ້ວຍ ທ່ານ ສຸກກະເສີມ ປາກດີມະນີວົງ, ຫົວໜ້າພະແນກໂຍທາທິການ ແລະ ຂົນສົ່ງແຂວງ ໄດ້ລົງເຄື່ອນໄຫວຊຸກຍູ້ການກໍ່ສ້າງເສັ້ນທາງຢູ່ເມືອງສຸຂຸມາ, ໂດຍໄດ້ຮັບການຕ້ອນຮັບ ແລະ ນຳພາທາງຂອງທ່ານ ສົມສີ ມະນີນິນ, ເຈົ້າເມືອງສຸຂຸມາ ແລະ ບັນດາພະນັກງານວິຊາການກ່ຽວຂ້ອງ.
ໃນໂອກາດນີ້, ຄະນະຂອງການນໍາແຂວງ ໄດ້ໄປຕິດຕາມເບີ່ງການກໍ່ສ້າງເສັ້ນທາງ ຄື:
1. ທາງ 14 ຂ ແຕ່ບ້ານໂນນແດງເໜືອໄປຫາບ້ານໂຄກກ່ອງ ເຊິ່ງແມ່ນປະເພດທາງປູດິນ ໄລຍະທາງ 30 ກິໂລແມັດ (ສຳລັບຜ່ານເມືອງສຸຂຸມາ) ປະຈຸບັນ ສຳເລັດແລ້ວ 60% ໂດຍນໍາໃຊ້ງົບປະມານຂອງກະຊວງປ້ອງກັນປະເທດ.
2. ທາງແຕ່ບ້ານສາມຂາ – ບ້ານຫຽງ -ຊ່ອງຕາອູ. ປະເພດທາງປູຢາງ 2 ຊັ້ນໄລຍະທາງ 31 ກິໂລແມັດ,ທຶນກໍ່ສ້າງຂອງລັດຖະບານ, ຮັບເໝົາກໍ່ສ້າງໂດຍ ບໍລິສັດຈະເລີນເຊກອງກໍ່ສ້າງການກໍ່ສ້າງເກືອບສຳເລັດແລ້ວ, ລໍຖ້າຖົມທາງຫົວຂົວຂ້າມຫ້ວຍຂະໝວນທີ່ກໍ່ສ້າງໃໝ່ ແລ້ວກໍ່ຈະ ສຳເລັດສົມບູນ 100%.
3. ຕິດຕາມຊຸກຍູ້ການຊື້ ຂາຍສິນຄ້າທີ່ຕະຫຼາດຊາຍແດນດ່ານປະເພນີຊ່ອງຕາອູ ຊາຍແດນລາວ – ໄທ.
4. ໄດ້ມອບຄອມພິວເຕີ ຈໍານວນ 4 ຊູດ ແລະ ຈັກພິມເອກະສານ 4 ເຄື່ອງ, ລວມມູນຄ່າ 17 ລ້ານກ່ວາ ກີບໃຫ້ແກ່ ເມືອງສຸຂຸມາ ເພື່ອນໍາໃຊ້ເຂົ້າໃນການຊຸກຍູ້ຂະບວນການກະກຽມກອງປະຊຸມໃຫຍ່ຄັ້ງທີ 8 ຂອງຄະນະພັກເມືອງສຸຂຸມາທີ່ຈະໄຂຂຶ້ນໃນຕໍ່ໜ້ານີ້.

  

ໂດຍ: ເກດສະໜາ ແກ້ວສຸວັນນະແສງ