ການນໍາແຂວງຫຼວງພະບາງ ຮ່ວມວາງພວງມາລາຕໍ່ການຈາກໄປຂອງ ສະຫາຍ ຫງວຽນ ຝູຈ້ອງ

ຕອນເຊົ້າທີ 25 ກໍລະກົດ ນີ້ ທີ່ສະຖານກົງສູນໃຫຍ່ ສສ ຫວຽດນາມ ປະຈຳພາກເໜືອ ແຂວງຫຼວງພະບາງ, ການນໍາແຂວງຫຼວງພະບາງ ນຳໂດຍ ສະຫາຍ ຄຳຂັນ ຈັນ ທະວີສຸກ ກຳມະການສູນກາງພັກ ໄດ້ຮ່ວມກັນວາງພວງມາລາ ແລະເຊັນປຶ້ມໄວ້ອາໄລຕໍ່ການຈາກໄປ ຂອງສະຫາຍ ຫງວຽນຝູຈ້ອງ ເລຂາທິການໃຫຍ່ຄະ ນະບໍລິຫານງານສູນກາງພັກກອມມູນິດຫວຽດນາມ.

ໂອກາດນີ້ ສະຫາຍ ຄຳຂັນ ຈັນທະວີສຸກ ໄດ້ເຊັນປຶ້ມໄວ້ອາໄລ ໂດຍມີເນື້ອໃນດັ່ງນີ້: ຄະນະບໍລິຫານງານພັກ ແຂວງຫຼວງພະບາງ ພວກຂ້າພະເຈົ້າ ມີຄວາມໃສເສົ້າສະຫົດໃຈຢ່າງສຸດຊື້ງຕໍ່ການຈາກໄປບໍ່ມີວັນຫວນກັບຂອງ ສະຫາຍ ຫງວຽນຝູຈ້ອງ ອະດີດ ເລ ຂາທິການໃຫຍ່ຄະນະບໍລິຫານງານສູນກາງພັກ ແຫ່ງ ສສ ຫວຽດ ນາມ ຊຸດທີ XI,XII, XII ຜູ້ທີ່ແສນເຄົາລົບຮັກ ຂອງປະຊາຊົນບັນດາເຜົ່າຊາວຫວຽດນາມ ໄດ້ເຖິງແກ່ມໍລະນະກໍາໃນເວລາ 13:38 ໂມງ ຂອງວັນທີ 19 ກໍລະກົດ 2024 ທີ່ຜ່ານມາ.

ຕາງໜ້າຄະນະບໍລິຫານງານພັກແຂວງ, ສະພາປະຊາຊົນແຂວງ, ອົງການປົກ ຄອງແຂວງ, ແນວລາວສ້າງຊາດແຂວງ ແລະປະຊາຊົນບັນດາເຜົ່າແຂວງຫຼວງພະບາງ. ຂໍສະແດງຄວາມເສົ້າ ສະຫຼົດໃຈ, ໄລອາວອນມາຍັງ ພັກ-ລັດຖະບານ ແລະປະຊາຊົນຊັ້ນດາເຜົ່າຫວຽດນາມ, ຕະຫຼອດຮອດຄອບຄົວ, ຍາດພີ່ນ້ອງຂອງ ສະຫາຍ ຫງວຽນ ຟູ ຈ້ອງ ອະດີດ ເລຂາທິການໃຫຍ່ຄະນະບໍລິ ຫານງານສູນກາງພັກຄອມມູນິດແຫ່ງ ສ.ສ ຫວຽດນາມ, ໃນຕະ ຫຼອດຊີວິດຂອງ ສະຫາຍ ໄດ້ອຸທິດໃຫ້ແກ່ການເຄື່ອນໄຫວປະຕິ ວັດ ແລະພາລະກິດປ່ຽນແປງໃໝ່, ໄດ້ປະກອບສ່ວນອັນສຳຄັນເຂົ້າໃນການນັບມື້ຮັດແໜ້ນ ແລະເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພໍເສດ ແລະການຮ່ວມມື ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ- ຫວຽດນາມ, ຫວຽດ-ລາວ.

ຂໍ້ມູນ-ພາບ: ກົງສູນ ສສ ຫວຽດນາມ ປະຈຳພາກເໜືອ