ສາຍການບິນລາວແອລາຍ ໄດ້ເປີດຖ້ຽວບິນໄປແຂວງຫົວພັນ ທຸກມື້ ໂດຍຈະເລີ່ມໃຫ້ບໍລິການແຕ່ວັນທີ 01 ເມສາ 2024 ເປັນ ຕົ້ນໄປ ແລະ ເພີ່ມຖ້ຽວບິນ ໄປແຂວງຫຼວງນໍ້າທາ ຂຶ້ນເປັນ 2 ຖ້ຽວຕໍ່ມື້ ເລີ່ມ 31 ມີນາ 2024 ເປັນຕົ້ນໄປ ເພື່ອຕອບສະໜອງຄວາມຕ້ອງການ ທີ່ເພີ່ມຂຶ້ນຢ່າງຕໍ່ເນື່ອງ.
ຖ້ຽວບິນໄປຫົວພັນ ຈະບິນອອກຈາກ ນະຄອນຫຼວງວຽງຈັນ ຕອນເຊົ້າ 08:40 ແລະ ຮອດສະຫນາມບິນ ແຂວງຫົວພັນ ເວລາ 09:40 ແລະ ຈະບິນກັບອອກຈາກຫົວພັນ ເວລາ 10:20 ຮອດ ນະຄອນຫຼວງວຽງຈັນ ເວລາ 11:20.
ຖ້ຽວບິນໄປຫຼວງນໍ້າທາ ຖ້ຽວທີ 1 ຈະອອກຈາກນະຄອນຫຼວງວຽງຈັນ ເວລາ 12:00 ຮອດຫຼວງນໍ້າທາ ເວລາ 13:00 ແລະ ກັບເວລາ 13:40 ຮອດນະຄອນຫຼວງວຽງຈັນ ເວລາ 14:40. ສ່ວນອີກຖ້ຽວ ຈະອອກຈາກນະຄອນຫຼວງວຽງຈັນ ເວລາ 13:40 ແລະ ຮອດຫຼວງນໍ້າທາ ເວລາ 14:40, ແລະ ກັບເວລາ 15:20 ຮອດນະຄອນຫຼວງວຽງຈັນ ເວລາ 16:20.
