ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເພື່ອຮັບປະກັນສະບຽງອາຫານຕາມຄວາມຕ້ອງການຂອງສັງຄົມໃຫ້ພຽງພໍ ກາຍເປັນສິນຄ້າສົ່ງອອກ ແລະ ຫຼຸດຜ່ອນການນໍາເຂົ້າພືດກະສິກໍາທີ່ຊາວກະສິກອນ ສາມາດຜະລິດຢູ່ພາຍໃນໄດ້. ໃນໄລຍະ 6 ເດືອນຕົ້ນປີ 2024 ນີ້, ເມືອງໄຊຍະບູລີ ແຂວງໄຊຍະບູລີ ໄດ້ປຸກລະດົມຊາວກະສິກອນພາຍໃນເມືອງ ປູກພືດ ລະດູແລ້ງ ຢ່າງເປັນຂະບວນ.
ເວົ້າສະເພາະ ປີ 2024 ທົ່ວເມືອງໄຊຍະບູລີ ມີເນື້ອທີ່ປູກພືດລະດູແລ້ງ ທັງໝົດ 5.876,07 ເຮັກຕາ, ລື່ນແຜນການ 0,96%, ໃນນີ້ ປູກເຂົ້ານາແຊງ 332,99 ເຮັກຕາ, ການປູກພືດຊະນິດຕ່າງໆ: 5.543,08 ເຮັກຕາ, ໃນນີ້, ປູກສາລີຫວານ 284,57 ເຮັກຕາ, ໝາກໂມ 485,68 ເຮັກຕາ,ຖົ່ວເຫຼືອງ 415,64 ເຮັກຕາ; ການປູກພືດລະດູຝົນທົ່ວເມືອງມີເນື້ອທີ່ທັງໝົດ 22.997 ເຮັກຕາ. ສໍາລັບການລ້ຽງສັດ ທົ່ວເມືອງມີສັດລ້ຽງທັງໝົດ 852.887 ໂຕ,ຟາມລ້ຽງໝູ 12 ຟາມ, ຟາມລ້ຽງງົວ-ຄວາຍ 13 ຟາມ, ຟາມລ້ຽງໄກ່ພັນຊີ້ນ 1 ຟາມ, ໄກ່ພັນໄຂ່ 19 ຟາມ ເປັດພັນໄຂ່ 2 ຟາມສາມາດໃຫ້ໄຂ່ 26.447 ໜ່ວຍ/ວັນ; ໜອງປາ 2.321 ໜອງ ເນື້ອທີ່ 89 ເຮັກຕາ, ປ່ອຍປາແລ້ວ 1.8 ລ້ານໂຕ, ການລ້ຽງປາກະຊັງ 2 ຄອບຄົວ ຈຳນວນ 106 ກະຊັງ, ເນື້ອທີ່ 3.392 ຕາແມັດ, ປ່ອຍປາ 371.000 ໂຕ.ໄປພ້ອມກັນນັ້ນ ເມືອງຍັງໄດ້ລົງສັກຢາປ້ອງກັນພະຍາດສັດໄດ້ 31.915 ໂຕ, ປິ່ນປົວສັດໄດ້ 843 ໂຕ, ຂຶ້ນທະບຽນພິມສັດໄດ້ 570 ໂຕ ແລະ ກວດກາສັດທີ່ຂ້າປ້ອນຕະຫຼາດໄດ້ 7.541 ໂຕ. ສົ່ງເສີມການປູກຫຍ້າມີ 88 ຄອບຄົວ, ມີເນື້ອທີ່ 530 ເຮັກຕາ, 6 ເດືອນຕົ້ນປີນີ້, ກ້າເບ້ຍໄມ້ໄດ້ທັງໝົດ 6.100, ປູກຕົ້ນໄມ້ໃນວັນທີ 1 ເດືອນ 6 ປະຈໍາປີ 2024 ໄດ້ 4.116 ເບ້ຍໃນເນື້ອທີ່ 10,24 ເຮັກຕາ; ສົມທົບກັບອົງການປົກຄອງຂອງບ້ານ ລົງກວດກາການບຸກລຸກທໍາລາຍປ່າໄມ້ ແລະ ບຸກລຸກທີ່ດິນປ່າໄມ້ 26 ຄັ້ງ, ມີ 31 ຄອບຄົວ, ມີ 9 ຕອນ, ເນື້ອທີ່ທັງໝົດ 21,32 ເຮັກຕາ;ກວດກາການເຄື່ອນຍ້າຍເຄື່ອງປ່າຂອງດົງ ໄດ້ 495 ໂຕນ, ດັບມອດໄຟໄໝ້ລາມປ່າ ຢູ່ເຂດປ່າສະຫງວນ (ຜາຂີ້ໝິ້ນ) 11 ຄັ້ງ, ມີເນື້ອທີ່ຖືກເສຍຫາຍ ຈໍານວນ 143,05 ເຮັກຕາ, ມີແຮງງານຈໍານວນ 523 ແຮງງານ, ຍິງ 54 ແຮງງານ.ລົງຊຸກຍູ້ຕິດຕາມເກັບກໍາຂໍ້ມູນແບ່ງປັນຜົນກໍາໄລກອງທຶນພັດທະນາບ້ານໄດ້ 4 ບ້ານ ແລະ ແບ່ງປັນຜົນກໍາໄລງົວເກີດໃໝ່ທີ່ໄດ້ມອບໃຫ້ 10 ຄອບຄົວໃນຊຸດທໍາອິດຂອງບ້ານຫ້ວຍເພາະ. ລົງກວດກາຄືນດິນແຕ່ລະປະເພດ ໃນເຂດພັດທະນາພື້ນທີ່ປ່າປ້ອງກັນອ່າງນໍ້າຕຽນໄດ້ 246 ຕອນ, 218 ຄອບຄົວ, ມີເນື້ອທີ່ 1.242,87 ເຮັກຕາ, ກວດກາດິນທໍາການຜະລິດ ເພື່ອຂໍປະກອບເອກະສານຢັ້ງຢືນການນໍາໃຊ້ ຢູ່ເຂດຄວາມຮັບຜິດຊອບຂອງບ້ານ ຈໍານວນ 20 ຄອບຄົວ, ຈໍານວນ 7 ຄັ້ງ.
ເພື່ອສະໜອງນໍ້າໃຫ້ຊາວກະສິກອນຢ່າງພຽງພໍ ເມືອງໄດ້ເອົາໃຈໃສ່ ກໍ່ສ້າງ-ສ້ອມແປງຊົນລະປະທານ 6 ໂຄງການຄື: ຊົນລະປະທານຫ້ວຍປາດ ບ້ານນາໄຮ, ຊົນລະປະທານຫ້ວຍແດກ ບ້ານນາຕາກ, ຊົນລະປະທານຫ້ວຍຫຼາ ບ້ານໃຫຍ່ນາຫຼາ, ຊົນລະປະທານນໍ້າປີ້ງ ບ້ານນານອນ, ຊົນລະປະທານນໍ້າຄາເບີ 1-2 ບ້ານນໍ້າຄາ ແລະ ຊົນລະປະທານຫ້ວຍແລບ ບ້ານຫ້ວຍຂົວຫຼວງ ລວມມູນຄ່າກໍ່ສ້າງ-ສ້ອມແປງທັງໝົດ 896.678.920 ກີບ.
(ໂດຍ: ຕະວິນຍານ)