ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ຂະແໜງປູກຝັງທີ່ຂຶ້ນກັບພະແນກກະສິກໍາ ແລະ ປ່າໄມ້ ປະຈໍາແຂວງຄໍາມ່ວນ ໃຫ້ຮູ້ວ່າ: ໃນລະດູການຜະລິດເຂົ້ານາປີ 2024 ທົ່ວແຂວງມີເນື້ອທີ່ແຜນການຜະລິດທັງໝົດ 91.272 ເຮັກຕາ, ຄາດຄະເນຜົນຜະລິດໃຫ້ໄດ້ 341.810 ໂຕນ, ຄາດຄະເນໝົດແນວເຂົ້າປູກ 5.476 ໂຕນ, ໃນນີ້ເນື້ອທີ່ປູກເຂົ້າເພື່ອເປັນສະບຽງອາຫານ 61.317 ເຮັກຕາ, ຄາດຄະເນຜົນຜະລິດ 226.555 ເຮັກຕາ, ເນື້ອທີ່ປູກເຂົ້າເພື່ອເປັນສິນຄ້າ 29.955 ເຮັກຕາ, ຄາດຄະເນຜົນຜະລິດ 115.255 ເຮັກຕາ.
ຊາວນາພາຍໃນແຂວງໄດ້ເລີ່ມລົງມືທໍາການຜະລິດ ນັບແຕ່ຕົ້ນເດືອນພຶດສະພາເປັນຕົ້ນມາເນື່ອງຈາກວ່າ ສະພາບດິນຟ້າອາກາດໄດ້ມີການເອື້ອອໍານວຍຄວາມສະດວກໃຫ້ເປັນຢ່າງດີ ບວກກັບໂຄງການຊົນລະປະທານທີ່ມີຢູ່, ຊຶ່ງມາຮອດປັດຈຸບັນການຕົກກ້າຂອງຊາວນາ ໃນທົ່ວແຂວງປະຕິບັດໄດ້ 889 ໂຕນ ເທົ່າກັບ 16% ຂອງແຜນການ. ໃນນັ້ນນາຫວ່ານປະຕິບັດໄດ້ແລ້ວ 15.730 ເຮັກຕາ ເທົ່າກັບ 17% ຂອງເນື້ອທີ່ແຜນການທັງໝົດ.
ທົ່ວແຂວງໄດ້ນໍາໃຊ້ກົນຈັກທີ່ທັນສະໄໝ ກວມເອົາອັດຕາສ່ວນຫຼາຍໂດຍສົມທົບກັບການຜະລິດແບບດັ້ງເດີມ. ສໍາລັບເມືອງທີ່ມີເນື້ອທີ່ແຜນການຜະລິດຫຼາຍກວ່າໝູ່ແມ່ນ ເມືອງໜອງບົກ, ເມືອງທ່າແຂກ ແລະ ເມືອງມະຫາໄຊ ຕາມລໍາດັບ.
(ຂ່າວ-ພາບ: ແດງສະຫວັດ ແສນພານິດ)