ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນວັນທີ 25 ຕຸລາ ເມື່ອ 50 ປີກ່ອນ, ສະ ມັດຊາໃຫຍ່ອົງການສະຫະປະຊາຊາດສະໄໝທີ 26 ໄດ້ຜ່ານມະຕິ 2758 ດ້ວຍຄະແນນສຽງສ່ວນຫຼາຍທີ່ສຸດ, ຕົກລົງຟື້ນຟູສິດທຸກຢ່າງຂອງສປຈີນຢູ່ສປຊ, ຮັບ ຮອງວ່າລັດຖະບານສປຈີນແມ່ນຜູ້ຕາງ ໜ້າທີ່ຖືກຕ້ອງຕາມກົດໝາຍພຽງໜຶ່ງດຽວໃນອົງການສະຫະປະຊາຊາດ.
ການຟື້ນຟູທີ່ນັ່ງຂອງສາທາລະນະລັດປະຊາຊົນຈີນທີ່ຖືກຕ້ອງຕາມກົດໝາຍຢູ່ອົງການສະຫະປະຊາຊາດເປັນເຫດການສຳຄັນອັນໜຶ່ງຂອງໂລກ ທັງເປັນເຫດ ການສຳຄັນອັນໜຶ່ງຂອງອົງການສະຫະປະຊາຊາດ.ນີ້ຄືຜົນແຫ່ງຄວາມພະຍາຍາມຮ່ວມຂອງທຸກປະເທດທີ່ຮັກຫອມສັນຕິພາບແລະຍຶດໝັ້ນໃນຄວາມເປັນທຳໃນໂລກ. ນີ້ເປັນຂີດໝາຍສະແດງໃຫ້ເຫັນວ່າ ຕັ້ງແຕ່ນັ້ນມາ, ປະຊາຊົນຈີນທີ່ກວມ 1/4 ຂອງປະຊາກອນທັງໝົດຂອງໂລກໄດ້ກ້າວຂຶ້ນສູ່ເວທີຂອງອົງການສະຫະປະຊາຊາດຄືນໃໝ່ ເຊິ່ງມີຄວາມໝາຍສຳຄັນແລະເລິກເຊິ່ງຍາວນານຕໍ່ປະເທດຈີນກໍຄືຕໍ່ໂລກ. ທ່ານສີຈິ້ນຜິງກ່າວວ່າ: ການຟື້ນຟູສິດທຸກຢ່າງຂອງສປຈີນຢູ່ສປຊ ແມ່ນໄຊຊະນະຂອງປະຊາຊົນຈີນ ທັງເປັນໄຊຊະນະຂອງປະຊາຊົນບັນດາປະເທດໃນໂລກ!
ປັດຈຸບັນ, ສະພາບການຂອງໂລກເກີດມີການປ່ຽນແປງຢ່າງໃຫຍ່ຫຼວງແບບບໍ່ເຄີຍມີມາກ່ອນໃນຮອບ100ປີຜ່ານມາທັງມີການປ່ຽນແປງໄວຂຶ້ນ, ກຳລັງແຮງແຫ່ງສັນຕິພາບ,ການພັດທະນາແລະຄວາມກ້າວໜ້າໄດ້ເພີ່ມຂຶ້ນຢ່າງບໍ່ຢຸດຢັ້ງ. ທ່ານສີຈິ້ນຜິງກ່າວເນັ້ນວ່າ: ພວກເຮົາຄວນກ້າວໄປຕາມທ່າອ່ຽງລວມຂອງປະຫວັດສາດ, ຍຶດໝັ້ນການຮ່ວມມື,ບໍ່ເປັນປໍລະປັກກັນ,ຍຶດໝັ້ນການເປີດປະຕູສູ່ພາຍນອກ,ບໍ່ປິດປະຕູ, ຍຶດໝັ້ນໃນຫຼັກການຕ່າງຝ່າຍຕ່າງມີຜົນປະໂຫຍດ, ບໍ່ເຮັດໃນແບບເກມຜົນລວມເປັນສູນ, ເດັດດ່ຽວຄັດຄ້ານລັດທິເຈົ້າອຳນາດແລະການເມືອງມະຫາອຳນາດໃນທຸກຮູບແບບ, ເດັດດ່ຽວຄັດຄ້ານລັດທິຝ່າຍດຽວແລະລັດທິປົກ ປ້ອງໃນທຸກຮູບແບບ. ຈີນຍິນດີຮ່ວມກັບບັນດາປະເທດຍຶດໝັ້ນໃນທັດສະນະທີ່ປຶກສາຫາລືຮ່ວມກັນ ສ້າງສາຮ່ວມກັນ ແລະ ຊົມໃຊ້ຮ່ວມກັນ, ເຊີດຊູຄ່ານິຍົມຮ່ວມຂອງມວນມະນຸດ, ປະຕິບັດຕາມລັດທິຫຼາຍຝ່າຍທີ່ແທ້ຈິງ, ຢືນຢູ່ໃນຝ່າຍທີ່ຖືກຕ້ອງຂອງປະຫວັດສາດ, ແລະຝ່າຍທີ່ກ້າວໜ້າຂອງມວນມະນຸດ, ສູ້ຊົນຢ່າງບໍ່ລົດລະເພື່ອບັນລຸສັນຕິພາບ ແລະ ການພັດທະນາຖາວອນ, ຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.
ໃນເວລາກ່າວຄຳປາໄສ, ທ່ານອັນໂຕນີໂອ ກູເຕີເຣັສ ເລຂາທິການໃຫຍ່ອົງການສະ ຫະປະຊາຊາດໄດ້ກ່າວວ່າ, ໃນໄລຍະ 50 ປີທີ່ຟື້ນຟູທີ່ນັ່ງຂອງສປຈີນທີ່ຖືກຕ້ອງຕາມກົດໝາຍຢູ່ອົງການສະຫະປະຊາ ຊາດ, ຈີນໄດ້ປະກອບສ່ວນທີ່ນັບມື້ນັບສຳຄັນກວ່າເກົ່າໃຫ້ກັບອົງການສະຫະປະຊາຊາດ, ເປັນຄູ່ຮ່ວມມືທີ່ໜ້າໄວ້ວາງ ໃຈຂອງອົງການສະຫະປະຊາຊາດ ທັງເປັນກຳລັງຫຼັກແຫຼ່ງໃນການຮ່ວມມືສາກົນ. ທ່ານກູເຕີເຣັສໄດ້ຊົມເຊີຍປະ ເທດຈີນທີ່ເສີມຂະຫຍາຍບົດບາດທີ່ສຳຄັນໃນການບັນລຸເປົ້າໝາຍການພັດທະນາແບບຍືນຍົງຮອດປີ 2030 ຂອງອົງການສະຫະປະຊາຊາດ, ການລຶບລ້າງຄວາມທຸກຍາກ ແລະ ການພັດທະນາແບບສີຂຽວ ແລະ ກາກບອນຕ່ຳ. ທ່ານກ່າວຕື່ມວ່າ, ອົງການສະຫະປະຊາຊາດຈະສືບຕໍ່ເປັນຄູ່ຮ່ວມມືທີ່ສະໜິດແໜ້ນກັບປະເທດຈີນ, ຮ່ວມກັນສ້າງອະນາຄົດທີ່ມີຄວາມຍຸຕິທຳ ແລະ ມີລັກສະນະຍືນຍົງກວ່າເກົ່າ.