ບໍລິສັດ ການຢານະຄອນຫຼວງ ຂາອອກ-ຂາເຂົ້າ ຈຳກັດຜູ້ດຽວ ໄດ້ນຳເອົາຜະລິດຕະພັນຢາ ແລະ ເຄື່ອງມືການແພດ ມາວາງຈຳໜ່າຍໃນງານວາງສະແດງສິນຄ້າ ລາວ-ຫວຽດນາມ ປະຈຳປີ 2024 ໃນນີ້ກໍໄດ້ນຳເອົາເມັດຢາອົມ ສະໜຸນໄພ ໂກຣເດີນທ໊ອດ ທີ່ຜະລິດໂດຍ ບໍລິສັດ GUANGXI GOLDEN THROAT GROUP ເຂົ້າມາວາງຈຳໜ່າຍໃນງານດັ່ງກ່າວ ທີ່ຈັດຂຶ້ນໃນວັນທີ 25-29 ກໍລະກົດ 2024 ທີ່ສູນການຄ້າໄອເຕັກ ຕຶກເກົ່າ ນະຄອນຫຼວງວຽງຈັນ ເຊິ່ງໄດ້ຮັບຄວາມສົນໃຈຈາກຜູ້ບໍລິໂພກເຂົ້າມາຢ້ຽມຊົມ ແລະ ຊື້ສິນຄ້າຢ່າງຟົດຟື້ນ.
ທ່ານ ຫວັງ ຈິ່ນ ຮຸ່ຍ ຜູ້ຈັດການບໍລິສັດ GUANGXI GOLDEN THROAT GROUP ໄດ້ໃຫ້ຮູ້ວ່າ: ເມັດຢາອົມສະໜຸນໄພ ໂກລເດີນທ໊ອດ ເປັນຢາອົມແກ້ໄອ ທີ່ເຮັດຈາກສະໝູນໄພທຳມະຊາດ ບໍ່ມີສານເຄມີ ປອດໄພຕໍ່ສຸຂະພາບ ເຫັນຜົນໄວ ຊ່ວຍບັນເທົາອາການໄອໄດ້ເປັນຢ່າງດີ ຂັບຂີ້ກະເທີ ບັນເທົາອາການຄັນຄໍ ເຈັບຄໍ ສຽງແຫບ ຊ່ວຍປ້ອງກັນກິ່ນປາກຫຼັງຈາກກິນອາຫານ ສູບຢາ ແລະ ດື່ມເຄື່ອງດື່ມມືນ ເມັດອົມສະ ໜຸນໄພ ໂກລເດີນທ໊ອດ ເປັນຜະລິດຕະພັນທີ່ຂາຍດີອັນດັບໜຶ່ງໃນປະເທດຈີນ ປັດຈຸບັນ ໄດ້ສົ່ງອອກຈຳໜ່າຍຫຼາຍກວ່າ 40 ປະເທດ ສະເພາະ ຢູ່ ສປປ ລາວ ແມ່ນມີວາງຈຳໜ່າຍ ຕາມຮ້ານຂາຍຢາທົ່ວໄປ ຄລີນິກທົ່ວປະເທດ ແລະ ຮ້ານກ໊ອກກ໊ອກ.
ສຳລັບລູກຄ້າທີ່ຊື້ ເມັດຢາອົມສະໜຸນໄພ ໂກລເດີນທ໊ອດ ໃນງານວາງສະແດງສິນຄ້າລາວ-ຫວຽດນາມ ຮັບສ່ວນຫຼຸດ ຈາກຄາລາປົກກະຕິ 1/ກ່ອງລາຄາ 30 ພັນກີບ ແຕ່ຊື້ພາຍໃນງານ 2 ກ່ອງ ແຖມຟຣີ 1 ກ່ອງ ໃນລາຄາພຽງ 50 ພັນກີບເທົ່ານັ້ນ.
ຂ່າວ: ວຽງຈັນໃໝ່
