ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ຫວ່າງມໍ່ໆ ມານີ້, ດ່ານສາກົນບໍ່ເຕ່ນ-ບໍ່ຫານ ໄດ້ເຫັນດີຊຸກຍູ້ການຮ່ວມມືຂອງຂົງເຂດພື້ນຖານໂຄງລ່າງພາຍໃນເຂດຮ່ວມມື, ຊຸກຍູ້ການກໍ່ສ້າງພື້ນຖານໂຄງລ່າງທີ່ກ່ຽວຂ້ອງກັບຜົນປະໂຫຍດລວມຂອງສັງຄົມ ແລະ ຄວາມປອດໄພຢູ່ບໍລິເວນດ່ານ, ລວມເຖີງການຮ່ວມມືອຸດສາຫະກໍາການຜະລິດສອງຝ່າຍ, ຊຸກຍູ້ວຽກງານຂອງໂຄງການຕ່າງໆ ໃຫ້ເກີດຜົນເປັນຈິງຢ່າງມີປະສິດທິພາບ, ຍົກ ສູງລະດັບການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດ, ເລັ່ງລັດການພັດທະນາຢູ່ໃນເຂດຊາຍແດນຂອງສອງປະເທດ ລາວ ແລະ ຈີນ.
ມາຮອດວັນທີ 21 ພຶດສະພາຜ່ານມານີ້, ທາງລົດໄຟ ຈີນ- ລາວ ໄດ້ດຳເນີນການຂົນສົ່ງຜູ້ໂດຍສານທັງໝົດ 50.187 ຄົນ, ບັນທຸກຜູ້ໂດຍສານໄດ້ 34,05 ລ້ານເທື່ອຄົນ. ວັນທີ 13 ເມສາ 2023, ທາງລົດໄຟຈີນ-ລາວໄດ້ເປີດນຳໃຊ້ລົດໄຟໂດຍສານສາ ກົນຈາກຄຸນໝິງ ຫານະຄອນຫຼວງວຽງຈັນ ເປັນຄັ້ງທຳອິດ. ວັນທີ 13 ເມສາ 2024, ໄດ້ເປີດການກໍ່ສ້າງລົດໄຟໂດຍສານສາກົນອີກ 2 ແຫ່ງ ລະຫວ່າງ ສິບສອງປັນນາຂອງຈີນ ແລະ ຫຼວງ ພະບາງຂອງລາວ. ເປັນເສັ້ນທາງລົດໄຟຂ້າມຊາຍແດນເຊື່ອມຕໍ່ ຈີນ-ລາວ, ນັບແຕ່ທາງລົດໄຟ ຈີນ-ລາວໄດ້ເປີດນຳໃຊ້ຢ່າງເປັນທາງການໃນວັນທີ 3 ທັນວາ 2021, ການຂົນສົ່ງທາງລົດໄຟໄດ້ຮັບການປັບປຸງຢ່າງບໍ່ຢຸດຢັ້ງ, ຄຸນນະພາບການບໍລິການສືບຕໍ່ໄດ້ຮັບການພັດທະນາ ເຮັດໃຫ້ກາຍເປັນເສັ້ນ ທາງແຫ່ງການພັດ ທະນາ, ແຫ່ງຄວາມຜາສຸກ ແລະ ມິດຕະພາບ ລະຫວ່າງ ປະຊາຊົນສອງຊາດຈີນ ແລະ ລາວ.
ການດຶງດູດການລົງທຶນ ແມ່ນປັດໃຈທີ່ສຳຄັນຂອງວຽກງານເສດຖະກິດ ແລະ ເປັນ ແຫຼ່ງຫລໍ່ລ້ຽງໃນການຊຸກຍູ້ການພັດທະ ນາເສດຖະກິດໃຫ້ມີຄຸນນະພາບສູງ. ປະຈຸບັນ, ນະ “ຄອນຄຸນໝິງ ພວມຖືເອົາກາລະໂອກາດທີ່ລັດຖະບານຊ່ວຍເຫລືອໃນການສະ ໜັບສະໜູນໃຫ້ນະຄອນຄຸນໝິງຮັບເອົາວຽກງານການຍົກຍ້າຍສວນອຸດສາຫະກຳ ແລະ ການກໍ່ສ້າງສວນອຸດສາຫະກຳຕາມຊາຍແດນບໍ່ຫານ, ຕັ້ງໜ້າຮັບໜ້າທີ່ເຄື່ອນຍ້າຍສວນອຸດສາຫະການຜະລິດ, ຊຸກຍູ້ວິສາຫະກິດສູນກາງ, ວິສາຫະກິດເອກະຊົນ, ວິສາຫະກິດໄຕ້ຫວັນ ແລະ ວິສາຫະກິດຕ່າງປະເທດ ເຂົ້າສູ່ນະຄອນຄຸນໝິງ ໃນວັນທີ 3 ທັນວາ 2023, ເປັນການສະແດງໃຫ້ເຫັນການຮ່ວມມືດ້ານອຸດສາຫະກໍາ ລະຫວ່າງ ຕາເວັນອອກ ແລະ ຕາເວັນຕົກ, ນັບຕັ້ງແຕ່ການກໍ່ສ້າງສວນວິທະຍາສາດ ແລະ ເຕັກໂນໂລຊີ ຊຽງໄຮ້ຢູນໜານຄຸນໝິງ, ໂຄງການດັ່ງກ່າວໄດ້ຮັບຄວາມສົນໃຈຢ່າງຫຼວງຫລາຍຈາກວິສາຫະກິດໃນ ແຂວງຊຽງໄຮ້ ແລະ ແຂວງຢຸນນານ ພາຍ ຫຼັງສວນສາທາລະນະດັ່ງກ່າວໄດ້ເປີດຂື້ນ, ໂດຍອີງໃສ່ທ່າແຮງຂອງກຸ່ມບໍລິສັດໄຮລິງກາງທີ່ມີສວນອຸດສາຫະ ກຳ ທັງໝົດ 30 ແຫ່ງ ໃນທົ່ວປະເທດ ແລະ ມີບໍລິສັດຫຼາຍກວ່າ 16,000 ແຫ່ງໄດ້ຕັ້ງຖິ່ນຖານຢູ່ເຂດດັ່ງກ່າວ, ພ້ອມທັງຂໍ້ໄດ້ປຽບດ້ານຊັບພະຍາກອນທີ່ກວ້າງຂວາງຂອງ ພາກຕາເວັນອອກ, ໄດ້ສ້າງຄວາມເຂັ້ມແຂງທາງດ້ານຊັບພະຍາກອນໃຫ້ແກ່ບໍລິສັດທີ່ຕັ້ງຖິ່ນຖານໃນການເຊື່ອມໂຍງລະຫວ່າງພາຍໃນ ແລະ ຕ່າງປະເທດ.
ນັບແຕ່ນະຄອນຄຸນໝິງຮັບບໍລິຫານ ບໍ່ຫານ, ໄດ້ຮວບຮວມແຜນການໃນການຊຸກຍູ້“04ເຂດ”ໃນການພັດທະນາຮ່ວມກັນ, ການຊຸກຍູ້ “ຊ່ອງທາງເສດຖະກິດ” ເຂົ້າສູ່ການຫັນປ່ຽນເປັນ “ເສດຖະກິດອຸດສາຫະກຳ”, ເລັ່ງລັດການຈັດຕັ້ງປະຕິບັດວຽກ ງານການກໍ່ສ້າງພັດທະນາທ່າບົກໄລຍະສາມປີ, ເພື່ອສ້າງ“ພື້ນທີ່ທີ່ເໝາະສົມແຫ່ງການພັດທະນາ”ໄປສູ່ພາກໃຕ້. ໃນເດືອນເມສາປີນີ້, ພິທີເຊັນສັນຍາໂຄງການຊຸກຍູ້ຜູ້ລົງທືນ-ບຸນສົງການບໍ່ຫານປີ 2024 ໄດ້ດຶງດູດ 48 ບໍລິສັດ ເຕົ້າໂຮມຢູ່ບໍ່ຫານ, ໃນນັ້ນ ມີ 5 ບໍລິສັດໄດ້ລົງນາມໃນສັນຍາກັບເຂດຮ່ວມມື ບໍ່ເຕ່ນ-ບໍ່ຫານ. ໃນໜຶ່ງປີຜ່ານມານີ້, ບໍ່ຫານ ໄດ້ປະສານງານກັບ 856 ບໍລິສັດ, ນັກທຸ ລະກິດຫລາຍກວ່າ 2.363 ຄົນ ແລະ ໄດ້ລົງນາມໃນສັນຍາການລົງທຶນ 15 ສະບັບ ທີ່ມີມູນຄ່າສັນຍາລວມເກີນ 10,3 ຕື້ຢວນ. ທ້າຍປີ ຂອງ 2023, ມີ 1,232 ບໍລິສັດທີ່ໄດ້ລົງທະບຽນຢູ່ໃນເຂດປົກຄອງຂອງ ບໍ່ຫານ, ໃນນັ້ນມີ 1,227 ບໍລິສັດທີ່ໄດ້ຮັບທຶນຈາກພາຍໃນປະເທດ ແລະ 5 ບໍລິສັດທີ່ໄດ້ຮັບທຶນຈາກຕ່າງປະເທດ. ໃນປະຈຸບັນ, ຢູ່ເຂດບໍ່ຫານ, ໂຄງການໃຫຍ່ 102 ໂຄງການໄດ້ຮັບການຜັນຂະຫຍາຍຢ່າງຮອບດ້ານ ແລະ ມີບາດກ້າວຂະຫຍາຍໄປໄດ້ດີ. ໃນປີ 2024, ເຂດຮ່ວມມືໄດ້ວາງ ແຜນໂຄງການສຳຄັນກວ່າ 130 ໂຄງການ, ດ້ວຍຍອດເງິນລົງທຶນຫລາຍກວ່າ 60 ຕື້ຢວນ ແລະ ຍອດເງິນລົງທຶນໃນແຕ່ລະປີແມ່ນ 6 ຕື້ກວ່າຢວນ. ໃນເດືອນມີນາປີນີ້, ບໍ່ຫານ ໄດ້ເລີ່ມຕົ້ນ 15 ໂຄງການສໍາຄັນທີ່ມີການລົງທຶນທັງຫມົດ 3.395 ຕື້ ຢວນ. ໃນຖານະເປັນທ່າບົກດຽວ ທີ່ມີ 2 ຊ່ອງທາງໃນການສຳລະເງິນຂອງແຂວງ, ການຄ້າຂາຍຂອງປະຊາຊົນຢູ່ຕະຫລາດໃນເຂດຊາຍແດນ ບໍ່ຫານ ໄດ້ເຜີຍໃຫ້ເຫັນເຖິງສະ ພາບຄວາມຄຶກຄື້ນເປັນພິເສດ, ໃນເດືອນເມສາປີນີ້, ປະລິມານການນຳເຂົ້າ ແລະ ສົ່ງອອກສິນຄ້າບັນລຸ 793.900 ໂຕນ, ເພີ່ມຂຶ້ນ 21,56% ເມື່ອທຽບໃສ່ປີກາຍ. ຍອດມູນຄ່າການຄ້າຂາເຂົ້າ ແລະ ສົ່ງອອກບັນລຸ 2,889 ຕື້ຢວນ, ເພີ່ມຂຶ້ນ 44,47%.
ວັນທີ 27 ພຶດສະພາຜ່ານມານີ້, ຄະນະກຳມະການຄຸ້ມຄອງເຂດຮ່ວມມືເສດຖະກິດ ລາວ-ຈີນ ບໍ່ເຕ່ນ-ບໍ່ຫານ ແລະ ຄະນະກຳມະການຄຸ້ມຄອງເຂດເສດຖະກິດພິເສດ ແຂວງຫລວງນ້ຳທາ ໄດ້ຮ່ວມກັນຈັດພິທີເປີດການກໍ່ສ້າງໂຄງການປັບປຸງ ແລະ ສ້ອມ ແປງທ່າບົກທາງຫຼວງ ບໍ່ເຕ່ນ-ບໍ່ຫານ (ໄລຍະທີ 1) ຢູ່ເມືອງບໍ່ຫານ. ໂຄງການນີ້ ແມ່ນໂຄງການກໍ່ສ້າງຮ່ວມມືຂ້າມຊາຍແດນຄັ້ງທຳອິດລະຫວ່າງ ຈີນ ແລະ ລາວ ນັບແຕ່ນະຄອນຄຸນໝິງເຂົ້າມາຮັບບໍລິຫານເມືອງບໍ່ຫານ, ທັງເປັນໂຄງການສຳຄັນທີ່ໄດ້ຮັບການ ປະຕິບັດຢ່າງຕັ້ງໜ້າຕໍ່ຂໍ້ລິເລີ່ມ “ໜຶ່ງແລວທາງໜຶ່ງເສັ້ນທາງ”. ພາຍຫຼັງໂຄງການສຳເລັດແລ້ວ, ຈະແກ້ໄຂບັນຫາກ່ຽວກັບການ ເກັບພາສີຢູ່ທ່າບົກບໍ່ເຕ່ນ-ບໍ່ຫານ ຈີນ-ລາວ ແລະ ຄວາມຕ້ອງ ການຂອງການເກັບພາສີຕົວຈິງ, ປັບປຸງການອຳນວຍຄວາມສະ ດວກຂອງການເກັບພາສີທາງຫລວງຢູ່ທ່າບົກ ບໍ່ຫານ.
ວັນທີ 29 ພຶດສະພາຜ່ານມານີ້, ເຂດພັດທະນາເສດຖະກິດນະຄອນຄຸນໝິງ (ເຂດການຄ້າເສລີນະຄອນຄຸນໝິງ) ໄດ້ຈັດກອງປະຊຸມປັບປຸງສະພາບແວດລ້ອມການດຳເນີນທຸລະກິດ ຢ່າງເປັນທາງການ ໂດຍໄດ້ວາງ 10 ມາດຕະການ ເພື່ອປັບປຸງສະພາບແວດ ລ້ອມການດຳເນີນທຸລະກິດ ແລະ ຊ່ວຍວິສາຫະກິດໃຫ້ໄດ້ຮັບການພັດທະນາຢ່າງຕໍ່ເນື່ອງ ຄື: ປະຕິບັດການສະໜອງພື້ນທີ່ໃຫ້ກັບອຸດສາຫະກຳໃໝ່ (MO); ສະໜັບສະໜູນວິສາຫະກິດໂຄງ ການອຸດສາຫະກຳໃນການນຳໃຊ້ພື້ນທີ່ທີ່ມີຢູ່ແລ້ວ; ການຈົດທະ ບຽນໂດຍນຳໃຊ້ຊັບສິນຄົງທີ່ຕາມອັດຕາສ່ວນທຶນຂອງວິສາຫະກິດຮ່ວມທືນຈຳກັດ; ຂະຫຍາຍຂອບເຂດການບໍລິການການເງິນຂອງຊັບສິນທາງປັນຍາ; ປະຕິບັດການສ້ອມແປງການນຳໃຊ້ Credit ສັງລວມຂອງວິສາຫະກິດ; ສ້າງສາຂາສູນກາງບໍລິການການບໍລິຫານປົກຄອງຂອງເຂດ ຊິງສູຍ; ສ້າງຕັ້ງເຂດບໍລິການສະເພາະຂອງວິສາຫະກິດທີ່ນອນໃນສັນຍາ ການພົວພັນ ຄູ່ຮ່ວມ ເສດຖະກິດ ຮອບດ້ານ ໃນພາກພື້ນ ຫລື RCEP; ຄວາມເປັນໄປໄດ້ໃນການຂໍ“ຜ່ານຂ້າມເຂດຄຸນໝິງ ແລະ ບໍ່ຫານ”; ດຳເນີນການເກັບພາສີແບບ “ງ່າຍດາຍ ແລະ ວ່ອງໄວ”; ເພີ່ມການສະ ໜອງການບໍລິການທາງດ້ານການບໍລິການສາທາ. ໃນຂະນະດຽວກັນນັ້ນ, ໄດ້ມີການແນະນໍານະໂຍບາຍ《ເຂດພັດທະນາເສດຖະ ກິດນະຄອນຄຸນໝິງ (ເຂດທົດລອງການຄ້າເສລີເຂດຄຸນໝິງ) ໄດ້ຊຸກຍູ້ມາດຕະການນະໂຍບາຍຈຳນວນໜຶ່ງໃນການພັດທະນາຢ່າງມີຄຸນນະພາບສູງຂອງອຸດສາຫະກຳ》ນະໂຍບາຍດັ່ງກ່າວ ໄດ້ສຸມໃສ່ດຶງດູດການລົງທຶນ, ການພັດທະນາອຸດສາຫະກຳ, ການສະໜັບສະໜູນດ້ານການເງິນ, ການພັດທະນານະວັດຕະກໍາ, ການບັນຈຸຄົນມີພອນສະຫວັນ, ການຫຼຸດ ຜ່ອນຄ່າໃຊ້ຈ່າຍ, ການເພີ່ມປະສິດທິພາບ ແລະ ອື່ນໆ ເຊິ່ງມີຫລາຍກວ່າ 29 ມາດຕະການທີ່ກວມເອົາ 7 ດ້ານທີ່ວາງອອກ. ໃນດ້ານການສົ່ງເສີມການລົງທຶນ, ຖ້າຫາກທຶນຈົດທະບຽນທີ່ໄດ້ຈ່າຍ ໂດຍວິສາຫະກິດທີ່ຂຶ້ນທະ ບຽນໃໝ່ ໃນປີດັ່ງກ່າວ (ຢູ່ນອກແຂວງ) ເກີນ 20 ລ້ານຢວນ, 100 ລ້ານຢວນ, 500 ລ້ານຢວນ ຫຼື 1 ຕື້ຢວນ ແລະ ທຶນດັ່ງ ກ່າວໄດ້ນຳໃຊ້ເຂົ້າໃນໂຄງການຢ່າງແທ້ຈິງ, ໂຄງການນັ້ນຈະສາມາດໄດ້ຮັບສິດທິພິເສດໃນຂອບເຂດ 0.5%, 1%, 1.5% ແລະ 2% ໃນວົງເງິນສູງສຸດ ບໍ່ເກີນ 20 ລ້ານຢວນ. ໃນນັ້ນ ບໍລິສັດທີ່ຢູ່ແຖວ ໜ້າຂອງໂລກ 500 ກວ່າບໍລິສັດ ແລະ ບໍລິສັດທີ່ຢູ່ແຖວໜ້າຂອງຈີນ 500 ກວ່າບໍລິສັດ (ໃນນັ້ນ ລວມທັງບໍລິສັດລູກ), ບໍລິສັດສູນກາງຂະໜາດໃຫຍ່ ໄດ້ຮັບເງິນອຸດໜຸນສູງສຸດ 25 ລ້ານຢວນ; ວິສາຫະກິດຕ່າງປະເທດມີທືນຮອນຕ່າງປະເທດ ປະມານ 3 ລ້ານກວ່າໂດລາ ແລະ ໄດ້ໃຫ້ລາງວັນອຸດໜູນ 3%, ຫົວໜ່ວຍວິສາຫະ ກິດດ່ຽວ ສູງສຸດ ບໍ່ກາຍ 60 ລ້ານຢວນ. ສຳລັບໂຄງການທີ່ຄົບຕາມເງື່ອນໄຂການນຳໃຊ້ທີ່ດີນ, ພາຍຫຼັງໂຄງການໄດ້ລົງທຶນດຳ ເນີນກິຈະການແລ້ວ, ຈະໃຫ້ການຊ່ວຍເຫຼືອໃນແຕ່ລະປີ ເປັນເວລາ 6 ປີຕິດຕໍ່ກັນຕາມຕົວຊີ້ບອກເສດຖະກິດ ຂອງວິສາຫະກິດທີ່ສຳເລັດຜົນ, ໂດຍຈະມີເງິນອຸດໜູນສູງສຸດ 100 ລ້ານຢວນ.