ເລີ່ມແຕ່ປີ 2018 ເປັນຕົ້ນມາ ອົງການປົກຄອງເມືອງໜິງເຕີ ແຂວງຝູຈ້ຽນ, ສປ ຈີນ ໄດ້ດຳເນີນການປະຕິຮູບຂະໜາດໃຫ່ຍ ໃນການເພາະພັນ ແລະ ລ້ຽງສິນໃນນ້ຳ ເນື່ອງຈາກວ່າ ທະເລເຂດສານຕູ່ອາວ ເມືອງໜິງເຕີມີສະພາບພູມີສາດທີ່ດີ ແລະ ນ້ຳຄຸນນະພາບທີ່ດີເລີດ ເໝາະສົມໃນການເພາະພັນ ແລະ ລ້ຽງປາເກັດແລບທ້ອງເຫລືອງ ທີ່ໄດ້ຮັບຄວາມນິຍົມຈາກຜູ້ບໍລິໂພກຢ່າງຫລວງຫລາຍ.
ຕາມການລາຍງານຈາກເຈົ້າຂອງຟາມລ້ຽງປາແຫ່ງນີ້ ໃຫ້ຮູ້ວ່າ: ການເລີ່ມຕົ້ນປະຕິຮູບໂຄງການນີ້ ມີຈຸດປະສົງເພື່ອປ່ຽນແທນຟາມປາພື້ນເມືອງແບບດັ້ງເດີມ ໂດຍໄດ້ປັບປຸງໂຄງສ້າງພື້ນຖານຂອງການເພາະພັນສັດນ້ຳໃຫ້ໄດ້ມາດຕະຖານດີຂຶ້ນກວ່າເກົ່າ ແລະ ສາມາດສ້າງວຽກເຮັດງານທຳໃຫ້ຄົນທ້ອງຖິ່ນອີກດ້ວຍ ຄວາມພະຍາຍາມເຫລົ່ານີ້ ໄດ້ປ່ຽນແປງເຮັດໃຫ້ເຂດ ສ່ານຕູ່ອາວ ເມືອງໜິງເຕີ ແຂວງຝູຈ້ຽນກາຍເປັນສູນກາງ ການລ້ຽງປາເກັດແລບທ້ອງເຫລືອງ ຂະໜາດໃຫ່ຍ ແລະປັດຈຸບັນ ປາຊະນິດນີ້ໄດ້ຮັບຄວາມນິຍົມຈາກຊາວຈີນ ຢ່າງຫລວງຫລາຍ ເຊິ່ງສາມາດສ້າງລາຍຮັບໄດ້ເຖິງ 10 ກວ່າລ້ານຢວນຕໍ່ປີ ຫລືປະມານ 30 ກວ່າຕື້ກີບ.
ຂ່າວ: ເພັດສະໝອນ ພົງພະໂຍສິດ
