ທ່ານ ອະນຸສອນ ສິດທິລາດ ຮອງຫົວໜ້າຫ້ອງການກະສິກຳ ແລະ ປ່າໄມ້ເມືອງປາກຊ່ອງ ໃຫ້ສຳພາດວ່າ: ໃນໄລຍະ 8 ເດືອນ ປີ 2022 ນີ້,ການລ້ຽງສັດ ແລະ ປາເປັນສິນຄ້າ ຢູ່ເມືອງປາກຊ່ອງ ມີການຂະຫຍາຍຕົວ.ເຊັ່ນ ການລ້ຽງແບບຄອບ ຄົວກ້າວໄປສູ່ການລ້ຽງແບບເປັນຟາມ, ດ້ວຍການນຳໃຊ້ເຕັກນິກໃໝ່ ແລະ ສາຍພັນປັບປຸງ ໂດຍສະເພາະແມ່ນການລ້ຽງງົວ ແລະ ປາ ໃນຮູບແບບຄອບຄົວ ແລະ ເອກກະຊົນພາຍໃນ-ຕ່າງປະເທດມາລົງທຶນ ມີຟາມ ທັງໝົດ 10 ແຫ່ງ ໃນປີ 2021. ມາເປັນ 18 ແຫ່ງ ໃນ ປີ 2022 ອັນພົ້ນເດັ່ນໄດ້ແກ່: ຟາມລ້ຽງງົວ ມີ 11 ຟາມ, ມີຈໍານວນ ງົວ 1.335 ໂຕ; ຟາມລ້ຽງແບ້ 3 ຟາມ, ມີຈໍານວນແບ້ 184 ໂຕ; ຟາມລ້ຽງໝູຊີ້ນ 4 ຟາມ, ມີຈໍານວນໝູ 1.598 ໂຕ.
ທົ່ວເມືອງບັນລຸຜົນຜະລິດສັດ, ປາ ແລະ ອື່ນໆ ເພື່ອສະໜອງແກ່ການບໍລິໂພກ ບັນລຸໄດ້ 1.718,68 ໂຕນ, ສະເລ່ຍໄດ້ 19,75 ກິໂລ/ຄົນ, ທຽບໃສ່ແຜນການປະຕິບັດໄດ້ 49,76 %, ທຽບໃສ່ໄລຍະດຽວກັນເພີ້ມຂຶ້ນ 22,30 %ໃນນັ້ນມີ ຊີ້ນ : 538,02 ໂຕນ, ປາ : 642,71 ໂຕນ, ໄຂ່ 1,55 ໂຕນ ແລະ ອື່ນໆ 536 ໂຕນ ) ນອກຈາກການລ້ຽງສັດ -ປາເປັນສິນຄ້າຂະຫຍາຍຕົວນັ້ນ; ການສ້າງຕົວແບບດ້ານການລ້ຽງສັດ ແລະ ການປະມົງກໍມີ່ທ່າຂະຫຍາຍຕົວເພີ່ມຂຶ້ນຫຼາຍຄອບຄົວ ແຕ່ພົ້ນເດັ່ນກ່ວາໝູ່ ແມ່ນຄອບຄົວຂອງ ທ່ານ ຄໍາມົນ ແພງພັນ ບ້ານ ຫ້ວຍກອງ, ເມືອງ ປາກຊ່ອງ (ລ້ຽງປາ) ມີລາຍຮັບ ສະເລັ່ຍ 100.000.000 ກີບ/ປີ.
ການລ້ຽງສັດເປັນສິນຄ້າມີການຂະຫຍາຍຕົວ ກໍຍ້ອນຄະນະພັກອົງການປົກຄອງເມືອງ,ຫ້ອງການສິກຳ ແລະ ປ່າໄມ້ເມືອງມີການນຳພາຊຸກຍູ້ ສົ່ງເສີມ ດ້ານວິຊາການນຳພາຢ່າງຕໍ່ເນື່ອງ ແລະໃກ້ຊິດຕິດແທດ ບວກກັບປະຊາຊົນ ຜູ້ປະກອບການມີຄວາມຫ້າວຫັນດຸໝັ່ນ ສຸມທຸກທ່າແຮງນຳໃຊ້ເຂົ້າໃນການລ້ຽງສັດໃຫ້ໄດ້ຮັບຜົນດີ.
ເກດສະໜາ ແກ້ວາຸວັນນະແສງ
