ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເພື່ອເປັນການຈັດຕັ້ງປະຕິບັດຫຼັກສູດການຮຽນ-ການສອນຂອ ງກະຊວງສຶກສາທິການ ແລະ ກິລາ ວາງອອກ, ສະນັ້ນມາໃນຕອນເຊົ້າວັນທີ 19 ມິຖຸນາ 2024 ນີ້ ຫ້ອງການສຶກສາທິການ ແລະ ກິລາ ເມືອງປາກລາຍ ແຂວງໄຊຍະບູລີ ຈຶ່ງໄດ້ຈັດພິທີສອບເສັງຈົບຊັ້ນ ຂັ້ນ ມ7 ຂຶ້ນ ຢູ່ທີ່ໂຮງຮຽນ ມສ ປາກລາຍ,ໂດຍການເຂົ້າຮ່ວມ ແລະ ຕັດຫົວບົດສອບເສັງຂອງທ່ານ ບຸນຫຼາຍ ວົງດາລາ ເລຂາຄະນະບໍລິຫານງານພັກເມືອງ ວ່າການເຈົ້າເມືອງປາກລາຍ ມີບັນດາຄະນະກຳມະການຮັບຜິດຊອບທີ່ມາຈາກພະແນກສຶກສາທິການ ແລະ ກິລາແຂວງ,ມີຫົວໜ້າຫ້ອງການສຶກສາທິການ ແລະ ກິລາເມືອງ, ມີຜູ້ອໍານວຍການໂຮງຮຽນ-ຮອງຜູ້ອໍານວຍການໂຮງຮຽນ, ຄູ-ອາຈານ, ກໍາມະການເຝົ້າຫ້ອງສອບເສັງ ຕະຫລອດຮອດນ້ອງນັກຮຽນເຂົ້າຮ່ວມຢ່າງພ້ອມພຽງ.
ການສອບເສັງນັກຮຽນຊັ້ນ ມ7 ປະຈໍາສົກຮຽນ 2023-2024 ນີ້ ເຊິ່ງມີນັກສອບເສັງເຂົ້າຮ່ວມທັງໝົດ 423 ນ້ອງ, ຍິງ 217ນ້ອງ, ມີ 1 ສູນສອບເສັງ, ມີໂຮງຮຽນເຂົ້າຮ່ວມທັງໝົດ 9 ແຫ່ງຄື: ໂຮງຮຽນ ມສ ປາກລາຍ, ໂຮງຮຽນ ມສ ເມືອງປາມີ,ໂຮງຮຽນ ມສ ນໍ້າພູນ, ໂຮງຮຽນ ມສ ນໍ້າຊົ້ງ, ໂຮງຮຽນ ມສ ເມືອງວາ, ໂຮງຮຽນ ມສ ບວມເລົາ, ໂຮງຮຽນ ມສ ບຸ່ງມ່າ, ໂຮງຮຽນ ມສ ປ່າໄລ່ ໂຮງຮຽນ ມສ ບ້ານມ່ວງ, ວິຊາທີ່ນໍາມາສອບເສັງປະກອບມີ 5 ວິຊາຄື: ວິຊາ ພາສາລາວ-ວັນນະຄະດີ, ວິຊາ ຄະນິດສາດ, ວິຊາ ວິທະຍາສາດສັງຄົມ, ວິຊາ ວິທະຍາສາດທໍາມະຊາດ, ແລະ ວິຊາ ພາສາອັງກິດ ການສອບເສັງແມ່ນໃຊ້ເວລາ 3 ວັນຈຶ່ງຂະສໍາເລັດ. ໃນໂອກາດນີ້ ທ່ານ ບຸນຫຼາຍ ວົງດາລາ ວ່າການເຈົ້າເມືອງປາກລາຍກໍ່ໄດ້ຮຽກຮ້ອງມາຍັງນ້ອງນັກຮຽນ ຈົ່ງໄດ້ເອົາໃຈໃສ່ໃນການສອບເສັງຄັ້ງນີ້ ໃຫ້ດຳເນີນໄປດ້ວຍຄຸນນະພາບສູງ, ຮຽກຮ້ອງມາຍັງຄູອາຈານຄະນະກຳມະການເຝົ້າຫ້ອງສອບເສັງ ຈົ່ງໄດ້ເອົາໃຈໃສ່ເຮັດໜ້າທີ່ຂອງຕົນໃຫ້ສຳເລັດຕາມແຜນກຳນົດໄວ້ .
ຂ່າວ: ກ່າ ຄຸດທະວົງສັກ