ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນໂອກາດປີໃໝ່ຈີນທີ່ຈະມາເຖິງໃນມໍ່ໆນີ້, ບໍລິສັດທາງລົດໄຟລາວ-ຈີນ ຮ່ວມມືກັບສໍານັກງານວິທະຍຸໂທລະພາບເຂດປົກຄອງຕົນເອງເຜົ່າຈ້ວງກວາງຊີ ຈີນ ແລະ ສະຖານີໂທລະພາບແຂວງກວາງຊີ ໄດ້ຈັດການສະແດງ “ຄອນເສີດຂະບວນລົດໄຟຕ້ອນຮັບປີໃໝ່” ແລະ ກິດຈະກໍາແລກປ່ຽນວັດທະນະທໍາຊາວໜຸ່ມ “ບັນທຶກສອງຕົວເມືອງ” ແມ່ນໍ້າຂອງ-ແມ່ນໍ້າລ້ານຊ້າງ, ຢູ່ລົດໄຟ EMU ຂະບວນລ້ານຊ້າງຖ້ຽວ C82 ທີ່ເດີນທາງຈາກນະຄອນຫຼວງວຽງຈັນໄປຫຼວງພະບາງ ໃນວັນທີ 25 ມັງກອນນີ້ ເນື່ອງຈາກປີ 2024 ເປັນປີແລກປ່ຽນວັດທະນະທໍາລະຫວ່າງຈີນ-ອາຊຽນ, ປີແຫ່ງການສ້າງຕັ້ງສາຍພົວພັນການທູດຈີນ-ລາວ ຄົບຮອບ 63 ປີ ແລະ ເປີດນໍາໃຊ້ລົດໄຟລາວ-ຈີນ ຄົບຮອບ 3 ປີ.
ຄອນເສີດຂະບວນລົດໄຟຕ້ອນຮັບປີໃໝ່ໃນຄັ້ງນີ້ ມີນັກຮ້ອງ, ນັກຟ້ອນ ແລະນັກດົນຕີຂອງສອງປະເທດຈີນ-ລາວ ຮ່ວມສະແດງໃນເວທີດຽວກັນ, ພ້ອມທັງຮ້ອງເພງທີ່ມີຊື່ສຽງຂອງສອງປະເທດ ເຊັ່ນ: ແດນແຫ່ງອິດສະຫຼະ, ກ້າວເດີນບົນເສັ້ນທາງດຽວກັນ, ບຸນປີໃໝ່ຈີນ ແລະ ອື່ນໆ ຊື່ງເປັນບົດເພງທີ່ມີຄວາມມ່ວນຊື່ນແລະເປັນເອກະລັກສະເພາະຂອງລາວ ແລະຈີນ, ທີ່ສະແດງໃຫ້ເຫັນເຖິງຄວາມສວຍງາມ ແລະມິດຕະພາບຂອງສອງປະເທດ. ການສະແດງຄອນເສີດຂະບວນລົດໄຟຕ້ອນຮັບປີໃໝ່ຄັ້ງນີ້ເປັນໜຶ່ງໃນກິດຈະກໍາແລກ ປ່ຽນວັດທະນະທໍາຊາວໜຸ່ມ ‘ບັນທຶກສອງຕົວເມືອງ’ແມ່ນໍ້າຂອງ-ແມ່ນໍ້າລ້ານຊ້າງ” ຂອງກອງທຶນຮ່ວມມືອາຊີ ເພື່ອສົ່ງເສີມການແລກປ່ຽນວັດທະນະທໍາລະຫວ່າງຊາວໜຸ່ມຫົກປະເທດໃນປີ 2023-2024 ໂດຍໄດ້ເຄື່ອນໄຫວສະແດງຢູ່ປະເທດຈີນ, ຫວຽດນາມ, ລາວ ແລະ ປະເທດອື່ນໆ, ຊຶ່ງໄດ້ຮັບຄວາມສົນໃຈຈາກຜູ້ຊົມໄດ້ເປັນຢ່າງດີ. ສໍາລັບການສະແດງຢູ່ປະເທດລາວໃນຄັ້ງນີ້ມີຄູ ແລະ ນັກຮຽນທີ່ມາຈາກໂຮງຮຽນປະຖົມມິດຕະພາບລາວ-ຈີນ ບ້ານໜອງປີງ ນະຄອນຫລວງວຽງຈັນເຂົ້າຮ່ວມຊົມ. ໂຮງຮຽນແຫ່ງນີ້ໄດ້ຮັບການຊ່ວຍເຫລືອຈາກກອງທຶນພັດທະນາສັນຕິພາບແຫ່ງປະເທດຈີນ ໃນປີ 2013 ເພື່ອສ້າງອາຄານຮຽນ ເນື້ອທີ່ 800 ຕາແມັດ.
ໂຄງການລົດໄຟລາວ-ຈີນ ໄດ້ຮັບນາມມະຍົດເປັນ “ໂຄງການທີ່ເປັນສັນຍາລັກແຫ່ງການຮ່ວມມືຂອງຂໍ້ລິເລີ່ມ‘ໜຶ່ງແລວທາງໜຶ່ງເສັ້ນທາງ’ ຢ່າງມີຄຸນນະພາບສູງ” ແລະໃນວັນທີ 13 ເມສາ ປີ 2023 ຜ່ານມາ, ລົດໄຟຂະບວນໂດຍສານລະຫວ່າງປະເທດ ລາວ-ຈີນ ໄດ້ເປີດການໃຫ້ບໍລິການແບບສອງທິດທາງທັງຈາກສະຖານີຄຸນໝິງໃຕ້ ແລະ ສະຖານີນະຄອນຫຼວງວຽງຈັນ ຊື່ງເຮັດໃຫ້ຜູ້ໂດຍສານທີ່ເດີນທາງທອງທ່ຽວໂດຍຂະບວນລົດໄຟຂ້າມປະເທດຜ່ານລົດໄຟລາວ-ຈີນ ນັບມື້ຫຼາຍຂຶ້ນ ປະກອບສ່ວນສໍາຄັນເຂົ້າໃນການສ້າງວຽກເຮັດງານທຳໃຫ້ໄວໜຸ່ມລາວລຽບຕາມເສັ້ນທາງລົດໄຟໃນເຂດທ້ອງຖິ່ນເພີ່ມຂື້ນ ແລະກາຍເປັນຜູ້ທີ່ມີຄວາມສາມາດດ້ານວິຊາສະເພາະໃນຕໍ່ໜ້າ.
May be an image of 5 people and train
May be an image of 5 people and train
May be an image of 4 people and train
May be an image of 5 people and train
May be an image of 3 people, train and text
May be an image of 3 people, train and text