ການສໍາຫລວດພົນລະເມືອງ ແລະ ທີ່ຢູ່ອາໄສຄັ້ງທີ V ທີ່ຈະດໍາເນີນໃນເດືອນມີນາ 2025 ແມ່ນເປັນຫລາຍກວ່າສະຖິຕິ ເພາະເປັນໂອກາດແຫ່ງການຫັນປ່ຽນ ແລະ ເປັນທິດຊີ້ນໍາເພື່ອກ້າວໄປສູ່ອະນາຄົດທີ່ຍືນຍົງອັນແທ້ຈິງຂອງພົນລະເມືອງລາວທຸກຄົນ. ດັ່ງນັ້ນ, ນັບແຕ່ນີ້ເປັນຕົ້ນໄປຈົນຮອດເດືອນມີນາ 2025, ພວກເຮົາຕ້ອງຮັບ ປະກັນວ່າບຸກຄະລາກອນ ແລະ ຊັບພະຍາກອນດ້ານທຶນຮອນ, ເຄື່ອງມື ແລະ ພື້ນ ຖານໂຄງລ່າງແມ່ນມີຄວາມພ້ອມໃນການສໍາຫລວດພົນລະເມືອງ ແລະ ທີ່ຢູ່ອາໄສ.
ພົນລະເມືອງໃນ ສປປ ລາວເຮົາທຸກຄົນຕ້ອງໄດ້ຮັບຮູ້ກ່ຽວກັບການສໍາຫລວດໃນຄັ້ງນີ້ ແລະ ຖືກຈົດນັບ. ດັ່ງນັ້ນ, ການຮ່ວມມືກັບຄູ່ຮ່ວມພັດທະນາ, ການຜັນຂະ ຫຍາຍວຽກງານ ແລະ ການໝູນໃຊ້ຄວາມໄດ້ປຽບຂອງການຮ່ວມມືຈາກຂະແໜງການຕ່າງໆ ຈຶ່ງມີຄວາມສໍາຄັນຢ່າງຍິ່ງ ໂດຍສະເພາະໃນການສະໜັບສະໜູນດ້ານວິຊາການ ແລະ ທາງດ້ານງົບປະມານ ເພື່ອເຮັດໃຫ້ການສໍາຫລວດນີ້ປະສົບຜົນສໍາເລັດ. ຄາດຄະເນ ການສໍາຫລວດພົນລະເມືອງຄັ້ງທີ V ຈະໃຊ້ງົບປະມານ 22,2 ລ້ານໂດລາ ແລະ ບຸກຄະລາກອນປະມານ 18.000 ກວ່າຄົນ.
ມາຮອດປັດຈຸບັນ, ເຖິງວ່າພວກເຮົາສາມາດກະກຽມທາງດ້ານການຈັດຕັ້ງ ເເລະ ດ້ານວິຊາການ ມີຄວາມຄືບໜ້າດີສົມຄວນ, ແຕ່ກໍຍັງມີສິ່ງທ້າທາຍທາງດ້ານງົບປະ ມານ ເຊິ່ງເຫັນວ່າຍັງບໍ່ທັນພຽງພໍກັບຄວາມຕ້ອງການ ປະມານ 10,8 ລ້ານໂດລາສະ ຫະລັດ ຫລື ປະມານ 49% ເຊິ່ງຕ້ອງໄດ້ສືບຕໍ່ຄົ້ນຄວ້າລະດົມ ແລະ ນໍາສະເໜີຕໍ່ລັດ ຖະບານ.
ພ້ອມນີ້, ຍັງໄດ້ລະດົມແຫລ່ງທຶນຈາກຄູ່ຮ່ວມພັດທະນາ ແລະ ອົງການຈັດຕັ້ງສາ ກົນ ເພື່ອປະກອບສ່ວນເຂົ້າໃນການສໍາຫລວດ ເຊິ່ງປັດຈຸບັນໄດ້ຮັບການຢັ້ງຢືນໃນການປະກອບສ່ວນຈາກອົງການສະຫະປະຊາຊາດສໍາລັບປະຊາກອນ (UNFPA), ອົງການພັດທະນາສາກົນຂອງປະເທດສະຫະລັດອາເມລິກາ(USAID), ກະຊວງການຕ່າງປະເທດ ແລະ ການຄ້າປະເທດອົດສະຕຣາລີ (DFAT Australia) ແລະ ທະນາ ຄານໂລກ (Word Bank). ນອກນີ້, ຍັງໄດ້ນໍາສະເໜີການຊ່ວຍເຫລືອຈາກລັດຖະ ບານ ສປ ຈີນ ສໍາລັບການສະໜັບສະໜູນດ້ານອຸປະກອນ 8.000 ເຄື່ອງ ແລະ ພາຫະ ນະຈໍານວນໜຶ່ງ ເພື່ອຮັບໃຊ້ການສໍາຫລວດພາກສະໜາມ.
ສໍາລັບບຸກຄະລາກອນໃນການເດີນສໍາຫລວດພາກສະໜາມທີ່ມີປະສົບການ ຕ້ອງການທັງໝົດປະມານ 18.000 ກວ່າຄົນ ເຊິ່ງຈະໄດ້ສືບຕໍ່ກະກຽມໃນການປະ ສານສົບທົບກັບບັນດາຄະນະຊີ້ນໍາຂັ້ນແຂວງ ແລະ ຫ້ອງການສໍາຫລວດຂັ້ນແຂວງ ໃນການຈັດຫາບຸກຄະລະກອນ ໃຫ້ຖືກຕາມມາດຖານຂອງການສໍາຫລວດ.
