ການແຂ່ງຂັນບານເຕະ ເປບຊີ ລາວລີກ 1 ປະຈໍາປີ 2021 ຈະຈັດຂຶ້ນໃນລະຫວ່າງວັນທີ 27 ມີນານີ້ ຫາ ວັນທີ 31 ກໍລະກົດ ໂດຍຈະມີທັງໝົດ 5 ສະໂມສອນເຂົ້າຮ່ວມແຂ່ງຂັນ, ຫລຸດລົງຈາກການແຂ່ງຂັນປະຈໍາປີ 2020 ຜ່ານມາ 2 ສະໂມສອນ.
ທ່ານ ສົມສະນຸກ ລຽນສະຫວັນ ຮອງເລຂາທິການ ສະຫະພັນບານເຕະແຫ່ງຊາດລາວ ໃຫ້ຮູ້ໃນໂອກາດເປັນປະທານຮ່ວມກັບ ທ່ານ ແສງມະນີ ໄຊຍະກອນ ຜູ້ຈັດການການຕະຫລາດ ບໍລິສັດເບຍລາວ, ທ່ານ ອາລຸນນະເດດ ບານຈິດ ຮອງຜູ້ອຳນວຍ ບໍລິ ສັດ ລາວໂທລະຄົມມະນາຄົມ ມະຫາຊົນ ຖະແຫລງຂ່າວກ່ຽວກັບການຈັດແຂ່ງຂັນບານເຕະ ເປບຊີ ລາວລີກ 1 ປະຈໍາປີ 2021 ຈັດຂຶ້ນໃນຕອນບ່າຍ ວັນທີ 23 ມີນາ 2021 ທີ່ຫ້ອງປະຊຸມ ສະຫະພັນບານເຕະແຫ່ງຊາດລາວ ບ້ານຫ້ວຍຫົງ ເມືອງຈັນທະບູລີ, ນະຄອນຫລວງຈັນ ວ່າ: 5 ສະໂມສອນທີ່ຈະເຂົ້າຮ່ວມການແຂ່ງຂັນບານເຕະ ເປບຊີ ລາວລີກ 1 ປະຈໍາປີ 2021 ລວມມີ: ສະໂມສອນ ຈັນທະບູລີ, ສະໂມສອນ ຊ້າງນ້ອຍ, ສະໂມສອນ ເອສະຣາ,ສະໂມສອນ ວຽງຈັນ ແລະ ສະໂມສອນ ກອງທັບ (ເລຶ່ອນຂຶ້ນມາຈາກ ແຊ້ມ ລິກ 2 ປີ 2020).
ຮອງເລຂາທິການ ສະຫະພັນບານເຕະແຫ່ງຊາດລາວ ໃຫ້ຮູ້ຕື່ມວ່າ: ສໍາລັບຮູບ ແບບການແຂ່ງ ຂັນ ແມ່ນຈະແຂ່ງແບບ 3 ຮອບ ຄື: ຮອບຂາໄປ, ຮອບຂາກັບ ແລະ ຮອບ 3, ສະໂມສອນທີ່ໄດ້ເປັນແຊ້ມ ຫຼື ຮອງແຊ້ມລາວ ເປບຊີ ລາວລີກ 1 ປະຈໍາປີ 2021 ຈະໄດ້ເປັນຕົວແທນຈາກ ສະໂມສອນບານເຕະຈາກລາວ ເຂົ້າຮ່ວມການແຂ່ງ ຂັນລະດັບອາຊຽນທີ່ຖືກເຊີນ.
ສໍາລັບຕາຕະລາງການແຂ່ງຂັນ ສະເພາະ ວັນທີ 27 ມີນາ 2021 ມີແຂ່ງຂັນ 2 ຄູ່ໃນເວລາດຽວກັນ ຄື: ເວລາ 15 ໂມງ 30 ນາທີ ສະໂມສອນ ກອງທັບ ພົບ ສະໂມ ສອນ ວຽງຈັນ ທີ່ສະຫນາມກິລາກອງທັບ ແລະ ສະໂມສອນ ເອສະຣາ ພົບ ສະໂມ ສອນ ຊ້າງນ້ອຍ ຢູ່ສະຫນາມກິລາມະຫາວິທະຍາໄລແຫ່ງຊາດລາວ ໂດຍສາມາດຕິດ ຕາມການຖ່າຍທອດສົດໄດ້ຜ່ານທາງ Mycujoo.
Loading...