ບໍລິສັດ ໄຊຍະບູລີ ພາວເວີ ຈຳກັດ (“ໂຮງໄຟຟ້າພະລັງນໍ້າໄຊຍະບູລີ) ແຈ້ງສະຖານະການທີ່ອາດສົ່ງຜົນກະທົບຕໍ່ຊຸມຊົນ ອ້ອມຮອບໆ ໂຮງໄຟຟ້າ ຮັບຊາບກ່ຽວກັບສະຖານະການປະລິມານນໍ້າ ແລະ ລະດັບນໍ້າຂອງແມ່ນໍ້າຂອງ ຕາມຂໍ້ມູນຕໍ່ໄປນີ້:
1. ພາບລວມສະຖານະການ: ເກີດຝົນຕົກໜັກຕໍ່ເນື່ອງໃນປະເທດລາວ ເລີ່ມຕັ້ງແຕ່ວັນທີ 11 ສິງຫາ ແລະ ມີການລະບາຍນໍ້າທີ່ເພີ່ມຂຶ້ນຈາກໂຮງໄຟຟ້າພະລັງນໍ້າທາງດ້ານເໜືອນໍ້າ ສົ່ງຜົນໃຫ້ມີປະລິມານນໍ້າໄຫຼເຂົ້າສູ່ທີ່ໂຮງໄຟຟ້າ ໂດຍຢືນຢັນການກວດວັດແທກຈາກສະຖານີກວດວັດແທກລະດັບນໍ້າສຸພານຸວົງ ທີ່ຕັ້ງຢູ່ແຂວງຫຼວງພະບາງ.
2. ການແຈ້ງເຕືອນເຖິງໝູ່ບ້ານທີ່ຢູ່ບໍລິເວນທ້າຍໂຮງໄຟຟ້າ: ບໍລິສັດ ຄາດວ່າລະດັບນໍ້າໃນແມ່ນໍ້າຂອງຈະເພີ່ມສູງຂື້ນອີກ ດັ່ງນັ້ນ ຊຸມຊົນທີ່ຢູ່ທ້າຍໂຮງໄຟຟ້າ ຄວນດໍາເນີນການຕຽມການຕາມແຜນຮັບມືສຸກເສີນ ກໍລະນີນໍ້ານອງ ຊຶ່ງຄາດວ່າ ຈະເລີ່ມຕັ້ງແຕ່ ວັນທີ 20 ສິງຫາ.
3. ການແຈ້ງເຕືອນເຖິງໝູ່ບ້ານທີ່ບໍລິເວນເທິງໂຮງໄຟຟ້າ; ຊຸມຊົນທີ່ຕັ້ງຢູ່ບໍລິເວນເທິງໂຮງໄຟຟ້າ ໃຫ້ກຽມພ້ອມຮັບມື ແລະ ດຳເນີນການຕາມແຜນຮັບມືສຸກເສີນ ສໍາລັບການປ່ຽນແປງຂອງລະດັບນໍ້າໃນແມ່ນໍ້າຂອງ ທັງເພີ່ມຂຶ້ນ ແລະ ຫຼຸດລົງ ຊຶ່ງຄາດວ່າຈະເລີ່ມ ຕັ້ງແຕ່ ວັນທີ 20 – 23 ສິງຫາ.
4. ການປະກາດສະຖານະການສຸກເສີນກໍລະນີນໍ້ານອງ: ເພື່ອໃຫ້ເປັນໄປຕາມມາດຕະການຄວາມປອດໄພ ເພື່ອຮັກສາ ໂຄງສ້າງພື້ນຖານ ແລະ ຊຸມຊົນ ໂດຍອ້ອມຮອບໂຮງໄຟຟ້າເປັນສິ່ງສໍາຄັນສູງສຸດຂອງບໍລິສັດ. ດັ່ງນັ້ນ, ບໍລິສັດ ຈຶ່ງໄດ້ດໍາເນີນການຕາມແຜນຮັບມີສຸກເສີນໃນສະຖານະການແຈ້ງເຕືອນ ລະດັບທີ 3 (ປະລິມານນໍ້າໄຫຼເຂົ້າ ແມ່ນຫຼາຍກ່ວາ 12,800 ແມັດກ້ອນຕໍ່ວິນາທີ) ຕາມສະຖານະການໃນປະຈຸບັນ.
5. ການອັບເດດສະຖານະການ: ເນື່ອງຈາກສະຖານະການນີ້ມີຄວາມປ່ຽນແປງຕະຫຼອດເວລາ, ຊຸມຊົນ ແລະ ຜູ້ມີສ່ວນໄດ້ສ່ວນເສຍຄວນເຝົ້າລະວັງ ແລະ ຕຽມພ້ອມສໍາລັບການດໍາເນີນການຢ່າງວ່ອງໄວຕາມຄໍາແນະນໍາທີ່ອາດອອກມາໃນອະນາຄົດ.
6. ການເຝົ້າລະວັງ ແລະ ໃຫ້ຄໍາແນະນໍາ: ທິມງານຂອງບໍລິສັດ ກຳລັງຕິດຕາມສະຖານະການຢ່າງໃກ້ຊິດ, ບໍລິສັດ ຂໍຮັບຮອງວ່າຈະໃຫ້ຂໍ້ມູນອັບເດດກັບທ່ານ ເມື່ອສະຖານະການມີຄວາມບໍ່ແນ່ນອນ ຫຼື ຫາກມີການປ່ຽນແປງ.
ຫາກທ່ານມີຂໍ້ສົງໃສ ຫຼື ຕ້ອງການຂໍ້ມູນເພີ່ມເຕີມ ກະລຸນາຕິດຕໍ່ບໍລິສັດ ໂທລະສັບ: 074-265-106 ຕໍ່ 1016, 1017, 1018.
ດັ່ງນັ້ນ, ທາງບໍລິສັດ ຈຶ່ງໄດ້ອອກໜັງສືແຈ້ງການສະບັບນີ້ ມາຍັງທ່ານເພື່ອຮັບຊາບດ້ວຍ.
