ໃນວັນທີ 8 ກຸມພາຜ່ານມານີ້, ທ່ານ ກິແກ້ວ ໄຂຄຳພິທູນ ກຳມະການກົມການເມືອງສູນກາງພັກ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ກຳມະການຄະນະກຳມະການເລືອກ ຕັ້ງລະດັບຊາດ ກຳມະການອະນຸກຳມະການໂຄສະນາປຸກລະດົມຂະບວນການ ພ້ອມດ້ວຍຄະນະ ໄດ້ລົງຕິດຕາມການຝຶກອົບຮົມ ແລະ ປຸກລະດົມຂະບວນການໃນບັ້ນເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ IX ແລະ ສະພາປະຊາຊົນຂັ້ນແຂວງ (ສສຂ) ຊຸດທີ II ທີ່ຫ້ອງວ່າການປົກຄອງແຂວງ ສະຫວັນນະເຂດ ໂດຍມີທ່ານ ສັນຕິພາບ ພົມວິຫານ ເລຂາພັກແຂວງ ເຈົ້າແຂວງສະຫວັນນະເຂດ ພ້ອມດ້ວຍຄະນະນຳຈາກຂະແໜງການຕ່າງໆພາຍໃນແຂວງເຂົ້າຮ່ວມ.
ພາຍໃນງານແມ່ນໄດ້ຮັບຟັງການລາຍງານ ຈາກທ່ານ ຄຳຜັນ ຄູນສະຫວັນ ຄະນະປະຈຳພັກ ແຂວງ ຮອງປະທານສະພາປະຊາຊົນຂັ້ນແຂວງສະຫວັນນະເຂດ ກ່ຽວກັບຜົນສຳເລັດໃນການເຄື່ອນ ໄຫວຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດກ່ຽວກັບການໂຄສະນາ, ປຸກລະດົມຂົນຂວາຍ ແລະ ຍ້ອງຍໍຢູ່ເຂດເລືອກຕັ້ງ 14 ເມືອງ ແລະ 1 ນະຄອນຫຼວງ. ພາຍຫຼັງໄດ້ຮັບຄຳແນະນຳ ຂອງຄະນະ ກຳມະການເລືອກຕັ້ງຂັ້ນແຂວງກ່ຽວກັບການຝຶກອົບຮົມໃຫ້ຄະນະກຳມະການຂັ້ນເມືອງ ແລະ ບັນດາອະ ນຸກຳມະການທີ່ເປັນກົງຈັກຊ່ວຍວຽກ, ການໂຄສະນາ ແລະ ປຸກລະດົມຂະບວນການ, ການໂຄສະ ນາຫາສຽງ ໃຫ້ຜູ້ສະໝັກຮັບເລືອກຕັ້ງເພື່ອກະກຽມໃຫ້ແກ່ການເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II.
ໃນໂອກາດນີ້, ທ່ານ ກິແກ້ວ ໄຂຄໍາພິທູນ ໄດ້ມີຄຳເຫັນຕໍ່ຄະນະກຳມະການເລືອກຕັ້ງ ຂັ້ນແຂວງ, ຂັ້ນເມືອງ ແລະ ຂັ້ນບ້ານ ໃຫ້ພ້ອມກັນເອົາໃຈໃສ່ໃນການຈັດຕັ້ງ ປະຕິບັດ ບັ້ນເລືອກຕັ້ງ ສສຊ ຊຸດທີ IX ແລະ ສສຂ ຊຸດທີ II ໃນຄັ້ງນີ້ໃຫ້ມີຄວາມໜັກແໜ້ນ ແລະ ເນັ້ນປະສິດທິຜົນໃຫ້ສູງຂຶ້ນ, ການປັບປຸງ ກົງຈັກການເຮັດວຽກໃຫ້ມີປະສິດທິຜົນ, ການເພີ່ມຄຸນນະພາບ ໃຫ້ແກ່ບຸກຄະລາກອນທີ່ປະ ຕິບັດໜ້າທີ່ໃນບັ້ນເລືອກຕັ້ງໃນຄັ້ງນີ້ຢ່າງມີຄວາມຮັບຜິດຊອບສູງ ພ້ອມທັງມີແບບແຜນໃນການນຳພາທີ່ດີ, ສ່ອງແສງໃຫ້ສັງຄົມໄດ້ເຫັນເຖິງຄວາມສຳຄັນໃນບັ້ນເລືອກຕັ້ໃນຄັ້ງນີ້.
(ຂ່າວ-ຮູບ:ຈາກກົມສື່ມວນຊົນ)
Loading...