ສູນກາງສະຫະພັນກຳມະບານລາວ (ສກລ) ໄດ້ຮັບກຽດເປັນເຈົ້າພາບຈັດກອງປະຊຸມປຶກສາຫາລື ການສ້າງຄວາມເຂັ້ມແຂງໃຫ້ແກ່ກຳມະບານອາຊຽນ ເພີ່ມທະວີການເຊື່ອມໂຍງກັບແຮງງານເຄື່ອນຍ້າຍ ພາຍໃຕ້ຫົວຂໍ້ “ການສ້າງຄວາມເຂັ້ມແຂງໃຫ້ກັບກໍາມະບານອາຊຽນ ໃນການເພີ່ມທະວີການເຊື່ອມໂຍງກັບແຮງງານເຄື່ອນ ຍ້າຍ” ໃນວັນທີ 22 ສິງຫານີ້ ທີ່ນະຄອນຫຼວງວຽງຈັນ ໂດຍການເປັນປະທານຮ່ວມຂອງທ່ານ ວິໄລ ວົງຂະເສີມ ຮອງປະທານ ສກລ ແລະ ທ່ານ ໂຣບິນ ໂຕເຣດ ເລຂາທິການໃຫຍ່ສະພາກໍາມະບານອາຊຽນ. ມີ ທ່ານ ເລັດ ໄຊຍະພອນ ປະທານ ສກລ, ພ້ອມ ດ້ວຍຜູ້ຕາງໜ້າຈາກຂະແໜງການກ່ຽວຂ້ອງຊອງອາຊຽນ ເຂົ້າຮ່ວມ.
ທ່ານ ເລັດ ໄຊຍະພອນ ກ່າວວ່າ: ສປປ ລາວ ເປັນປະເທດໜຶ່ງທີ່ໄດ້ຮັບຜົນກະທົບຈາກບັນຫາການປ່ຽນ ແປງຂອງດິນຟ້າ ອາກາດ ໄພທໍາມະຊາດ ບັນຫາການແຜ່ລະບາດຂອງພະຍາດໂຄວິດ-19 ແລະ ບັນຫາຂໍ້ຂັດແຍ່ງພາກພື້ນ ເຮັດໃຫ້ເກີດຜົນກະ ທົບຢ່າງຫຼີກລ່ຽງບໍ່ໄດ້ ຕໍ່ສະພາບການພັດທະນາເສດຖະກິດ- ສັງ ຄົມຂອງທຸກປະເທດໃນທົ່ວໂລກ ລວມທັງອາຊີຕາເວັນອອກ ສ່ຽງໃຕ້ກໍໄດ້ຮັບຜົນກະທົບເຊັ່ນກັນ ພ້ອມດຽວກັນກໍເປັນກາລະໂອກາດທີ່ດີສໍາລັບສະພາກໍາມະບານອາຊຽນຈະຕ້ອງໄດ້ມີການຮ່ວມມືກັນຢ່າງກົມກຽວ ໃນການສ້າງຄວາມເຂັ້ມ ແຂງຮອບດ້ານ ເພື່ອພັດທະນາວຽກງານກໍາມະບານໃນຖານະທີ່ເປັນຕົວແທນ ໃນການປົກປ້ອງສິດຜົນປະໂຫຍດອັນຊອບທໍາຂອງຊາວຜູ້ອອກ ແຮງງານທຸກປະເທດ ແລະ ເຂົ້າຮ່ວມໃນການພັດທະນາເສດຖະ ກິດ-ສັງຄົມຂອງຊາດ ແລະ ພາກພື້ນໃຫ້ຍືນຍົງ.
ການຮ່ວມມືກັນ ເພື່ອແນໃສ່ເຮັດໃຫ້ທຸກຄົນໃນສັງຄົມໄດ້ເຂົ້າເຖິງໝາກຜົນຂອງການພັດທະນາ ແລະ ເຕັກໂນໂລຊີທີ່ທັນສະໄໝ ເຂົ້າເຖິງລະບົບປະກັນສັງຄົມທີ່ມີຄຸນນະພາບ ການປົກປ້ອງສັງຄົມ ແລະ ສະຫວັດດີການທີ່ດີ ເຂົ້າເຖິງການສຶກສາ, ສາທາລະນະສຸກໄດ້ຮັບເງື່ອນໄຂການອອກແຮງງານທີ່ດີ ແລະ ເຂົ້າເຖິງລະບົບສຸຂະພາບ ແລະ ຄວາມປອດໄພແຮງງານທີ່ດີ, ສະພາບແວດລ້ອມການອອກແຮງງານ. ເວົ້າລວມແຮງງານທຸກ ຄົນຈະຕ້ອງໄດ້ຮັບວຽກງານທີ່ມີຄຸນຄ່າ ແລະ ເປັນທໍາທີ່ອົງການແຮງງສາກົນກໍານົດອອກ ແລະ ຕາມຄໍາຂວັນຂອງສະຫະປະ ຊາຊາດວາງອອກຄືບໍ່ປະຜູ້ໃດໄວ້ຂ້າງຫຼັງ.
ລັດຖະບານລາວ ກໍຄືການຈັດຕັ້ງກໍາມະບານລາວໄດ້ຮັບຮູ້ ແລະ ໃຫ້ຄວາມສໍາຄັນຕໍ່ວຽກງານປົກປ້ອງທາງສັງຄົມ ການລົບ ລ້າງຄວາມບໍ່ສະເໝີພາບ ແລະ ຄວາມທຸກຍາກໃຫ້ໝົດໄປເທື່ອລະກ້າວ. ສະນັ້ນ, ສປປ ລາວຈຶ່ງໄດ້ກໍານົດບຸລິມະສິດ ແລະ ສຸມໃສ່ທຸກກໍາລັງແຮງເພື່ອພັດທະນາ ແລະ ສ້າງຄວາມເຂັ້ມແຂງລະບົບປະ ກັນສັງຄົມແຫ່ງຊາດເພື່ອທຸກຄົນໃນສັງຄົມ ກໍຄືຜູ້ອອກແຮງງານທຸກປະເທດຢູ່ໃນສປປ ລາວ ລວມທັງແຮງງານລາວເຄື່ອນ ຍ້າຍ ເຫັນຄວາມສໍາຄັນພາລະບົດບາດ ແລະ ໜ້າທີ່ຂອງແຕ່ລະຂະແໜງການເຊັ່ນ: ບັນດາກະຊວງ, ອົງການ, ສະຖາບັນ, ຄູ່ຮ່ວມພັດທະນາ ແລະ ຜູ້ໃຫ້ທຶນທີ່ໃຫ້ຄວາມສໍາຄັນຕໍ່ແຮງງານ ກໍຄືວຽກງານປົກປ້ອງແຮງງານ, ວຽກງານປົກປ້ອງທາງສັງຄົມສໍາລັບຜູ້ອອກແຮງງານທຸກຄົນ ລວມທັງແຮງງານເຄື່ອນຍ້າຍອີກດ້ວຍ; ລັດຖະບານສປປ ລາວ ໄດ້ສ້າງແຜນຍຸດທະສາດການປົກປ້ອງທາງສັງຄົມແຫ່ງຊາດ ແລະ ໄດ້ປະກາດໃຊ້ໃນປີ 2020 ໂດຍການສະໜັບສະໜູນຈາກອົງການແຮງງານສາກົນ ແລະ ຄູ່ຮ່ວມພັດ ທະນາ, ຈາກນັ້ນມາ ສກລ ກໍໄດ້ນໍາຍຸດທະສາດແຫ່ງຊາດດັ່ງກ່າວມາຈັດຕັ້ງຜັນຂະຫຍາຍເປັນແຜນຍຸດທະສາດປົກປ້ອງສັງຄົມຂອງກໍາມະບານລາວ ຊຶ່ງໄດ້ປະກາດໃຊ້ໃນປີ 2022 ເປົ້າໝາຍຫຼັກໄດ້ຖືກກໍານົດໃນຍຸດທະສາດການປົກປ້ອງທາງສັງຄົມເພື່ອຮັບ ປະກັນຄວບຄຸມທຸກກຸ່ມຄົນໃນສັງຄົມ ໂດຍສະພາະກຸ່ມຄົນທີ່ມີຄວາມອ່ອນໄຫວງ່າຍເຊັ່ນ: ກຸ່ມແຮງງານນອກລະບົບ, ກຸ່ມແຮງງານເຄື່ອນຍ້າຍ, ກຸ່ມຄົນທີ່ບໍ່ສາມາດຊ່ວຍເຫຼືອຕົນເອງ, ກຸ່ມຄົນຜູ້ສູງອາຍຸ, ກຸ່ມແຮງງານເພດຍິງ ແລະ ກຸ່ມອື່ນໆ. ການຈັດຕັ້ງກໍາມະບານລາວ ໃນຖານະທີ່ເປັນຕົວແທນໃຫ້ກໍາມະກອນໃນທົ່ວປະເທດໄດ້ເຮັດວຽກ ແລະ ຮ່ວມມືກັບພາກສ່ວນຕ່າງໆເພື່ອສົ່ງເສີມວຽກງານສຸຂະພາບ ແລະ ຄວາມປອດໄພແຮງງານໃຫ້ຄວາມສໍາຄັນກ່ຽວກັບສິດທິ ແລະ ຫຼັກການພື້ນຖານໃນສະຖານທີ່ເຮັດວຽກ ຊຸກຍູ້ ແລະ ຮັບປະກັນເງື່ອນໄຂການອອກແຮງງານທີ່ດີ ສະຫວັດດີການທີ່ດີສໍາລັບຜູ້ອອກແຮງງານ ແລະ ອື່ນໆຕາມພາລະບົດບາດຂອງຕົນ .
ໃນຂົງເຂດພາກພື້ນອາຊຽນໄດ້ມີການເຄື່ອນຍ້າຍຂອງແຮງງານຢ່າງຫຼວງຫຼາຍ ເນື່ອງຈາກວ່າແຮງງານເຫຼົ່ານັ້ນສະແຫວງຫາໂອກາດໃນການສ້າງວຽກເຮັດງານທໍາ ຫາລາຍໄດ້ໃນການດຳລົງຊີວິດໃຫ້ດີຂຶ້ນກວ່າເກົ່າ; ແຕ່ໃນຂະນະດຽວກັນ ແຮງງານເຄື່ອນຍ້າຍເຫຼົ່ານັ້ນຍັງພົບກັບບັນຫາ ແລະ ສິ່ງທ້າທາຍຢ່າງຫຼວງຫຼາຍເປັນຕົ້ນ ການຖຶກກົດຂີ່ຂູດຮີດແຮງງານ, ການເອົາລັດເອົາປຽບ ຂາດການປົກ ປ້ອງຄຸ້ມຄອງດ້ານກົດໝາຍ ລວມທັງການເຂົ້າເຖິງການປົກປ້ອງທາງສັງຄົມ ແລະ ສະຫວັດດີການຕ່າງໆ. ດັ່ງນັ້ນ, ຈຶ່ງຮຽກຮ້ອງມາຍັງບັນດາປະເທດສະມາຊິກ ສືບຕໍ່ເຮັດວຽກຮ່ວມກັນຢ່າງໃກ້ສິດ ແລະ ຂໍສະເໜີມາຍັງບັນດາອົງການຈັດຕັ້ງສາກົນ ກໍຄືຄູ່ຮ່ວມພັດ ທະນາສືບຕໍ່ໃຫ້ການສະໜັບສະໜູນວຽກງານກໍາມະບານອາ ຊຽນໃຫ້ມີຄວາມເຂັ້ມແຂງ, ສ້າງກົນໄກປະສານກັນຢ່າງໃກ້ສິດລະ ຫວ່າງປະເທດສະມາຊິກ ຕ້ອງມີກອງທຶນພັດທະນາກໍາມະບານອາຊຽນ ເພື່ອເປັນທ່າແຮງໃນການ ເຄື່ອນໄຫວວຽກງານກໍາມະບານ ແລະ ອື່ນໆ.
