ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຂ່ຳນັບຮັບຕ້ອນ ກອງປະຊຸມໃຫ່ຍຄັ້ງທີ XI
ຂອງ ພັກປະຊາຊົນປະຕິວັດລາວ ຢ່າງສຸດໃຈ

ກຳລັງຕຳຫຼວດຈະລາຈອນ, ພູມໃຈທີ່ໄດ້ຮັບໃຊ້ກອງປະຊຸມໃຫຍ່ຄັ້ງທີ XI ຂອງພັກ

ກຳລັງຕຳຫຼວດຈາລະຈອນ ເອົາໃຈໃສ່ຢ່າງສຸດຄວາມສາມາດ ເພື່ອປະຕິບັດໜ້າທີ່ລະບາຍການສັນ ຈອນບໍລິເວນຫໍປະຊຸມແຫ່ງຊາດ ຊື່ງເປັນສະຖານທີ່ຈັດກອງປະຊຸມ ລວມເຖິງສະຖານທີ່ພັກຂອງຜູ້ແທນທີ່ເຂົ້າມາຮ່ວມກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ 11 ຂອງພັກ ລະຫວ່າງວັນທີ 13 ຫາ 15 ມັງກອນນີ້ ໃຫ້ດຳເນີນໄປດ້ວຍຄວາມສະຫງົບ ແລະເປັນລະບຽບຮຽບຮ້ອຍ.
ພັນຕີ ງ່າ ໄຕຍະວົງ, ຮອງຫົວໜ້າພະແນກທາງຫຼວງ ກົມຕຳຫຼວດຈາລະຈອນ ກະຊວງປ້ອງກັນຄວາມສະຫງົບ ໃຫ້ສຳພາດວ່າ: ກອງປະຊຸມໃຫ່ຍຜູ້ແທນທົ່ວປະເທດ ຄັ້ງທີ 11 ຂອງພັກ ກຳລັງຕຳຫຼວດຈາລະຈອນໄດ້ເລີ່ມປະຕິບັດໜ້າທີ່ນັບແຕ່ວັນທີ 8 ມັງກອນເປັນຕົ້ນມາ, ໂດຍໄດ້ແບ່ງຄວາມຮັບຜິດຊອບລະອຽດໃນການປະຈຳການແຕ່ລະຈຸດ ໂດຍສະເພາະການປ້ອງກັນທາງດ້ານໜ້າ, ດ້ານຂ້າງ, ດ້ານຫຼັງຫ້ອງປະຊຸມໂດຍເນັ້ນການລະບາຍການສັນຈອນ ແລະຈັດສັນຄວາມເປັນລະ ບຽບຮຽບຮ້ອຍ ໂດຍເລີ່ມແຕ່ 5 ໂມງເຊົ້າເປັນຕົ້ນໄປ.
ໂອກາດນີ້ ຮອງຫົວໜ້າພະແນກທາງຫຼວງ ກົມຕຳຫຼວດຈາລະຈອນໄດ້ສະແດງຄວາມຮູ້ສຶກວ່າ:ໃນນາມສ່ວນຕົວມີຄວາມພາກພູມໃຈຫຼາຍທີ່ໄດ້ປະກອບສ່ວນຮັບໃຊ້ໃນກອງປະຊຸມໃຫຍ່ຂອງພັກປະຊາຊົນປະຕິວັດລາວໃນຄັ້ງນີ້ ຊື່ງຖືເປັນກຽດອັນສູງສົ່ງແລະຍິ່ງໃຫຍ່ທີ່ໄດ້ປະຕິບັດໜ້າທີ່ຮັບໃຊ້ຊາດໃນຄັ້ງນີ້.
ໂດຍ: ຈັນທະສອນ ສີຫານາດ