ກິດຈະກໍາຂີ່ລົດຖີບເພື່ອມິດຕະພາບ ແລະ ແຂ່ງຂັນຊິງລາງວັນປະທານສະພາແຫ່ງຊາດສະເຫຼີມ ສະຫຼອງກອງປະຊຸມສຸດຍອດລັດຖະສະພາກໍາປູເຈຍ-ລາວ -ຫວຽດນາມຫລື CLV ຄັ້ງທີ 1
ພາຍໃຕ້ຫົວຂໍ້“ ເພີ່ມທະວີບົດບາດຂອງລັດຖະສະ ພາໃນການສົ່ງເສີມການຮ່ວມມືຮອບດ້ານລະຫວ່າງກຳປູ ເຈຍ-ລາວ-ຫວຽດນາມ ຈັດຂື້ນໃນວັນທີ 6 ທັນວາ 2023, ໂດຍເລີ່ມຈາກໜ້າສະພາແຫ່ງຊາດຕາມເສັ້ນ ທາງຮອດໜ້າຫໍຄໍາຫລືສໍານັກງານປະທານປະເທດແລ້ວກັບຄືນຫາໜ້າຫໍສະພາແຫ່ງ ຊາດ ໂດຍການເຂົ້າຮ່ວມຂອງ ທ່ານ ໄຊສົມພອນ ພົມວິຫານ, ປະທານສະພາແຫ່ງຊາດ ທ່ານ ສະເຫລີມໄຊ ກົມມະສິດ, ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ມີຜູ້ແທນຈາກຝ່າຍກໍາປູເຈຍ, ລາວ, ຫວຽດນາມ ແລະ ບັນດາເອກອັກຄະລັດຖະທູດ ແລະ ຕາງ ໜ້າບັນດາອົງການຈັດຕັ້ງສາກົນປະຈໍາລາວ ພ້ອມດ້ວຍມວນຊົນຊາວນະຄອນ ຫລວງວຽງຈັນ.
ທ່ານສັນຍາ ປຣະເສີດ, ປະທານກໍາມາທິການການຕ່າງປະເທດ ສະພາແຫ່ງຊາດ ແຈ້ງໃຫ້ຮູ້ວ່າ: ຂະ ບວນການຂີ່ລົດຖີບຄັ້ງນີ້ ເປັນໜຶ່ງກິດຈະກໍາທີ່ທັງ 3 ປະເທດຮ່ວມກັນຈັດຂື້ນ ໃນໂອກາດສະເຫຼີມ ສະ ຫຼອງຜົນສຳເລັດກອງປະຊຸມສຸດຍອດລັດຖະສະພາກໍາປູເຈຍ-ລາວ-ຫວຽດນາມ ເພື່ອເສີມຂະ ຫຍາຍການພົວພັນຮ່ວມມື ແລະ ຄວາມສາມັກຄີ ລະຫວ່າງສາມປະ ເທດ ກໍ່ຄືສາມສະພາແຫ່ງຊາດກໍາປູເຈຍ- ລາວ-ຫວຽດນາມ ແນໃສ່ຊຸກຍູ້ການພົວ ພັນເພື່ອສັນຕິພາບ, ມິດຕະພາບ ແລະ ການຮ່ວມມື ເພື່ອການພັດທະນາແບບຍືນຍົງໃນພາກພື້ນ ແລະສາກົນ. ກອງປະຊຸມສຸດຍອດລັດຖະສະພາກໍາປູເຈຍ-ລາວ- ຫວຽດນາມຄັ້ງນີ້ ເປັນການຍົກລະດັບກົນໄກການປະຊຸມຈາກຂັ້ນກຳມາທິການຕ່າງໆ ຂອງສະພາແຫ່ງຊາດສາມປະເທດຂຶ້ນເປັນກອງປະຊຸມສຸດຍອດລັດຖະສະ ພາໃນລະດັບປະທານສະພາຂອງສາມປະເທດ CLV ແນໃສ່ເພີ່ມທະວີ ແລະ ເສີມຂະຫຍາຍສາຍພົວພັນມິດຕະພາບ, ຄວາມສາມັກຄີຢ່າງ ແໜ້ນແຟ້ນ ແລະ ຮ່ວມມືຮອບດ້ານ, ໂດຍສຸມໃສ່ຊຸກຍູ້ການພັດທະນາເສດຖະກິດ-ສັງຄົມ, ການຮ່ວມມືວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ການພົວພັນດ້ານວັດທະນາທຳ ແລະ ສັງຄົມ, ການພົວພັນລະຫວ່າງປະຊາຊົນກັບປະຊາຊົນ ເພື່ອການພັດທະນາແບບຍືນຍົງລະຫວ່າງສາມປະເທດ ແລະ ຢູ່ໃນພາກພື້ນ.
ຂ່າວ;ພາບ: ຈັນທະສອນ ສີຫານາດ
