ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ກິດຈະກໍາແລ່ນມາຣາທອນຈີນ-ອາຊຽນ 2023 ທີ່ນະຄອນຟາງເສີງກາງ ສປ ຈີນ ໄດ້ຈັດຂຶ້ນຢ່າງສໍາເລັດຜົນ ເຊິ່ງໄດ້ຈັດຂຶ້ນເມື່ອວັນທີ 24 ທັນວາ 2023 ຜ່ານມາ,ແມ່ນການຈັດກິດຈະກຳນີ້ຄືນໃໝ່ຫຼັງຈາກໄດ້ເລື່ອນເວລາ ມາ3 ປີ. ມີນັກແລ່ນ 18,000 ຄົນຈາກ 20 ປະເທດ ເຊັ່ນ: ສປ ຈີນ ແລະ 10 ປະເທດອາຊຽນ ພ້ອມດ້ວຍແຊກບີ, ອຸສເບກິສະຖານ, ເອທິໂອປີແລະ ເຄນຢາເຂົ້າຮ່ວມແຂ່ງຂັນ.
ນັກແລ່ນທີ່ມາຈາກວັດທະນະທໍາແລະພາສາແລະ ສີຜິວທີ່ແຕກຕ່າງກັນ ມາເຕົ້າໂຮມກັນເພື່ອກ້າວໄປສູ່ເປົ້າຫມາຍດຽວກັນ. ໃນທີ່ສຸດ, ນັກແລ່ນເອທິໂອປີໄດ້ສະແດງໃຫ້ເຫັນຄວາມເຂັ້ມແຂງທີ່ເດັດຖານຂອງເຂົາເຈົ້າ ແລະໄດ້ຮັບໄຊຊະນະ 4 ແຊ້ມໃນການແລ່ນເຄິ່ງມາຣາທອນ ແລະ ມາຣາທອນເຕັມທັງຍິງ ແລະ ຊາຍ.
ທ່ານ AHUNIM ADDISU WORKENEH ແຊ້ມມາຣາທອນ ໃຫ້ສໍາພາດວ່າ “ນະຄອນຟາງເສີງກາງເປັນເມືອງທີ່ສວຍງາມຫຼາຍ, ທິວທັດຕາມເສັ້ນທາງແມ່ນມີສະເຫນ່ຫຼາຍ ແລະ ມີປະຊາຊົນທີ່ກະຕືລືລົ້ນຊົມເຊີຍຂ້ອຍ ຂ້ອຍດີໃຈຫຼາຍທີ່ໄດ້ຊະນະແຊ້ມຢູ່ທີ່ນີ້.
ກິດຈະກຳແລ່ນມາຣາທອນ ຈີນ-ອາຊຽນ ໄດ້ຈັດຂຶ້ນຢ່າງສຳເລັດຜົນເປັນເວລາ 4 ເທື່ອນັບແຕ່ປີ 2017-2023, ຂະໜາດງານແຂ່ງຂັນໄດ້ນັບມື້ນັບເພີ່ມຂື້ນ.