ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກິນມັນດ້າງໃຫ້ຖືກຕາມເວລານີ້ ສາມາດຫຼຸດນໍ້າໜັກໄດ້ເຖິງ 3 ກິໂລ ພາຍໃນໜຶ່ງອາທິດ

ມື້ນີ້ແອັດມິນນຳເອົາວິທີງ່າຍໆໃນຫຼຸດນໍ້າໜັກພາຍໃນ 7 ມື້ສາມາດຫຼຸດໄດ້ຕັ້ງ 3 ກິໂລມາຝາກ ໂດຍການກິນມັນດ້າງໃຫ້ຖືກເວລາກໍຄື 9:00-11:00 ໂມງເຊົ້າ, ມັນດ້າງມີຫຼາຍພັນຄື ສີຂາວ, ສີເຫຼືອງ ແລະ ສີມ່ວງ ເຊິ່ງກໍສາມາດນໍາມາໜຶ້ງ, ຕົ້ມ, ເຮັດເປັນເຂົ້າໜົມ, ນໍ້າຫວານໄດ້ຫຼາກຫຼາຍເມນູ, ມັນດ້າງຍັງມີສັບພະຄຸນ ແລະ ຄຸນປະໂຫຍດຫຼາກຫຼາຍຕໍ່ຮ່າງກາຍຂອງຄົນຄື:

1 ຫາກເຮົາຮັບປະທານໃນຊ່ວງເວລາ 09:00 – 11:00 ໂມງ ຈະເຮັດໃຫ້ເຮົາອີ່ມໄດ້ດົນ ບໍ່ເຮັດໃຫ້ເຮົາຫິວ ຫຼື ກິນຫຍັງຫຼາຍໆໃນຄາບຕໍ່ໄປ ນັ້ນກໍບໍ່ແປກເລີຍທີ່ຈະເຮັດໃຫ້ເຮົາສາມາດຫຼຸດນໍ້າໜັກໄດ້.

2 ໄດ້ປະໂຫຍດຫຼາຍ ເພາະໃນມັນດ້າງມີໃຍອາຫານ ກິນແລ້ວເຮັດໃຫ້ອີ່ມດົນ ຂັບຖ່າຍສະດວກ ສຸຂະພາບແຂງແຮງ ແຖມຍັງມີວິຕາມິນຫຼາຍອີກດ້ວຍ ຊ່ວຍບັນເທົາອາການປະຈໍາເດືອນມາບໍ່ປົກກະຕິສໍາລັບແມ່ຍິງ ເຮັດໃຫ້ຮ່າງກາຍມີພະລັງຫຼາຍຂຶ້ນ.

3 ມັນດ້າງເປັນແຫຼ່ງລວມວິຕາມິນບີ3 ທີ່ຊ່ວຍໃຫ້ຮ່າງກາຍເຜົາຜານໄດ້ດີ, ສາມາດບໍາລຸງຜິວພັນໃຫ້ງາມໃສນຽນນຸ່ມ ແລະ ຍັງມີ ວິຕາມິນເອຊ່ວຍບໍາລຸງສາຍຕາ, ມີສານຕ້ານອະນຸມູນອິດສະຫຼະອີກພ້ອມ.

4 ໄຟເບີສູງຫຼາຍ ເຮັດໃຫ້ອີ່ມໂຕ, 100 ກິໂລກາມຈະມີ 90 – 93 ແຄຣໍຣີ ເຊິ່ງຄົນເຮົາຕ້ອງການຕໍ່ມື້ 1,800 – 2,000 ແຄຣໍຣີ ແລະ ມັນດ້າງຍັງກິນໄດ້ທຸກມື້ ກິນງ່າຍ ແລະ ແຊບ.

ມັນດ້າງຈຶ່ງຖືກຈັດເປັນອາຫານທີ່ຊ່ວຍຫຼຸດນໍ້າໜັກໄດ້ເປັນຢ່າງດີ ນັກໂພສະນາການດ້ານອາຫານເຜີຍວ່າ ມັນດ້າງສາມາດຊ່ວຍຫຼຸດນໍ້າໜັກໄດ້ເຖິງ 3 ກິໂລ ພາຍໃນ 7 ມື້ ຫຼື 1 ອາທິດ ໃຜທີ່ຢາກລອງວິທີນີ້ກໍລອງຊື້ມັນດ້າງມາຮັບປະທານໄດ້ເລີຍ ແຕ່ຕ້ອງກິນໃນຊ່ວງເວລາ 9:00-11:00 ເດີ້.