ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ກິນໝາກນັດແລ້ວດີ

ໝາກນັດມີວິຕາມິນຊີ ຊ່ວຍໃຫ້ລະບົບພູມຄຸ້ມກັນແຂງແຮງ ຊ່ວຍໃນການຍ່ອຍອາຫານ, ປ້ອງກັນຄວາມສ່ຽງຈາກໂຣກມະເຮັງ ແລະອື່ນໆ.

ມີວິຕາມິນຊີສູງ ຊ່ວຍໃນການເຮັດວຽກຂອງເນື້ອເຍື້ອກ່ຽວພັນ ແລະຍັງຊ່ວຍໃຫ້ລະບົບພູມຄຸ້ມກັນແຂງແຮງ. ມີກາກໃຍອາຫານສູງ ຈຶ່ງຊ່ວຍໃນການຍ່ອຍອາຫານໄດ້ດີຫລາຍ, ກາກໃຍອາຫານຍັງຊ່ວຍຫລຸດຄໍເລສເຕີຣອນ ຄວບຄຸມນໍ້າຕານໃນເສັ້ນເລືອດ. ສັບພະຄຸນເປັນຢາຂັບປັດສະວະ, ໃຊ້ອົມແກ້ອາການເຈັບຄໍ ແລະ ຄໍອັັກເສບ, ຮັກສາອາການອຶດອັດແໜ້ນທ້ອງ ມີລົມໃນກະເພາະ ບໍ່ສະບາຍທ້ອງ. ຊ່ວຍໃຫ້ເຫືອກແຂງແຮງເນື່ອງຈາກມີວິຕາມິນຊີສູງ ປ້ອງກັນຄວາມສ່ຽງຈາກໂຣກເຫືອກໄດ້.

ມີສານແອນຕີ້ອອກຊິແດນ ເຊັ່ນ ວິຕາມິນຊີ, ເບຕ້າແຄໂຣທີນ ແລະ ແມງການິສ ທີ່ຈະຊ່ວຍປ້ອງກັນອັນຕະລາຍຈາກອະນຸມູນອິດສະຫລະ, ເອນໄຊ Brome lain ໃນໝາກນັດຈະຊ່ວຍປ້ອງກັນການເຕີບໃຫຍ່ຂອງເຊວຮ້າຍໃນປອດ ປ້ອງກັນມະເຮັງເຕົ້ານົມ ມະເຮັງລໍາໄສ້ ແລະ ມະເຮັງຮັງໄຂ່.

ຜູ້ທີ່ມີເລືອດຈາງບໍ່ຄວນກິນໝາກນັດ, ບໍລິໂພກຫລາຍເກີນໄປສາມາດເຮັດໃຫ້ເກີດກະເພາະຍ່ຽວອັກເສບ.