ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກຸ່ມບໍລິສັດ ພົງຊັບທະວີ ຈໍາກັດຜູ້ດຽວ ໄດ້ນຳເອົາອຸປະກອນການແພດມູນຄ່າ 1.480.000.000 ກີບ ມາມອບໃຫ້ລັດຖະບານ

ໃນວັນທີ 05 ພຶດສະພານີ້  ທີ່ຫ້ອງການວ່າການສໍານັກງານນາຍົກລັດຖະມົນຕີ ກຸ່ມບໍລິສັດ ພົງຊັບທະວີ ຈໍາກັດຜູ້ດຽວ ພ້ອມດ້ວຍຄະນະໄດ້ນໍາເອົາອຸປະກອນເຄື່ອງຊ່ວຍຫາຍໃຈຄົບຊຸດຈໍານວນ 5 ເຄື່ອງທີ່ນໍາເຂົ້າຈາກສາທາລະນະລັດເກົາຫຼີມອບໃຫ້ແກ່ລັດຖະບານເພື່ອກຽມພ້ອມຮັບໃຊ້ເຂົ້າໃນການຊ່ວຍເຫຼືອຄົນເຈັບທີ່ເປັນພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ໂຄວິດ 19 ລວມມູນຄ່າ 1.480.000.000 ກີບ ເຊິ່ງມອບໂດຍທ່ານນາງ ວຽງສະຫວັນ ເສນາພວນ ຮອງປະທານກຸ່ມບໍລິສັດ ພົງຊັບທະວີ ຈໍາກັດຜູ້ດຽວ ແລະ ຕາງໜ້າລັດຖະບານຮັບໂດຍ ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ທັງເປັນຫົວໜ້າຄະນະສະເພາະກິດຕ້ານ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19.

ໂອກາດນີ້, ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ຫົວໜ້າຄະນະສະເພາະກິດຕ້ານ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ໄດ້ສະແດງຄວາມຂອບໃຈຕໍ່ກຸ່ມບໍລິສັດ ພົງຊັບທະວີ ຈໍາກັດຜູ້ດຽວ ພ້ອມດ້ວຍຄະນະ ທີ່ໄດ້ປະກອບສ່ວນສະໜັບສະໜູນຊ່ວຍເຫຼືອອຸປະກອນເຄື່ອງຊ່ວຍຫາຍໃຈຄົບຊຸດໃຫ້ແກ່ລັດຖະບານລາວໃນຄັ້ງນີ້ ເຊິ່ງວັດຖຸອຸປະກອນດັ່ງກ່າວຈະເປັນມູນມັງໃຫ້ແກ່ລັດ ກໍຄື ກະຊວງສາທາລະນະສຸກນໍາໄປໃຊ້ໃຫ້ຍາວນານ ແລະ ໃຫ້ເກີດຜົນປະໂຫຍດສູງສຸດ.

ຂ່າວ: ບັນລັງທອງ

ຮູບ: ພັກສະຫວັນ