ກຸ່ມບໍລິສັດ ພົງຊັບທະວີ ຈໍາກັດ ແລະ ທະນາຄານສົ່ງເສີ່ມກະສິກໍາຈັດກັດ ມອບເງິນຊ່ວຍເຫຼືອແຂວງຫົວພັນຈໍານວນ 1 ຕື້ກີບ ເພື່ອຊ່ວຍເຫຼືອຜູ້ປະສົບໄພນໍ້າຖ້ວມ ຢູ່ແຂວງຫົວພັນ ພິທີມອບ-ຮັບໄດ້ຈັດຂຶ້ນໃນຕອນແລງຂອງວັນທີ 26 ກັນຍາ 2024 ນີ້ ຢູ່ທີ່ຫ້ອງວ່າການແຂວງຫົວພັນ ຕາງໜ້າມອບ ໂດຍແມ່ນ ທ່ານ ເດດອຸດົມ ດວງທະນຸສອນ ຫົວໜ້າທະນາຄານສົ່ງເສີ່ມກະສິກໍາຈໍາກັດ ສາຂາແຂວງຫົວພັນ, ທ່ານ ຄໍາແພງ ໄຊສົມແພງ ເຈົ້າແຂວງໆຫົວພັນ ຕາງໜ້າການນໍາແຂວງເປັນຜູ້ຮັບ ໂດຍມີພະນັກງານທັງ ສອງຝ່າຍເຂົ້າຮ່ວມນໍາ. ນອກຈາກນີ້ ບໍລິສັດຫົວຂອງຈໍາກັດຜູ້ດຽວມອບຊ່ວຍເຫຼືອ 500 ລ້ານກີບ ຕາງໜ້າມອບໂດຍແມ່ນ ທ່ານ ທິນນະກອນ ໄຊປັນຍາ ຜູ້ປະສານງານຂອງບໍລິສັດ, ບໍລິສັດຈີ່ເອີນລາວ-ຫວຽດນາມມອບຊ່ວຍເຫຼືອ ຈໍານວນ 20 ລ້ານກີບ ຕ່າງໜ້າມອບໂດຍແມ່ນທ່ານ ເຈິນມິງຖັງ ຜູ້ປະສານງານບໍລິສັດ, ຮ້ານຊື້ຂາຍຄໍາ ວັດຖຸມີຄ່າ ທ້າວຊຽງເຫີວຍ-ນາງລ່ຽນຄໍາມອບຊ່ວຍເຫຼືອ 3 ລ້ານກີບ ໂດຍແມ່ນທ່ານ ຊຽງເຫວີຍເປັນຜູ້ມອບ, ການມອບເງິນຊ່ວຍເຫຼືອໃນຄັ້ງນີ້ເພື່ອຊ່ວຍເຫຼືອ ແລະ ບັນເທົາທຸກບັນດາຂອບຄົວ ແລະ ເພື່ອຟື້ນຟູພື້ນຖານໂຄ່ງລ່າງຂອງແຂວງທີ່ຖືກຜົນກະທົບຈາກໄພນໍ້າຖ້ວມ ຄັ້ງວັນທີ 22 ກັນຍາ 2024 ໃຫ້ກັບຄືນສູ່ສະພາບປົກກະຕິ.
