ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກຸ່ມບໍລິສັດ ພົງຊັບທະວີ ມອບເຄື່ອງປ້ອງກັນພະຍາດໃຫ້ລັດຖະບານ

ໃນຕອນເຊົ້າຂອງວັນທີ 19 ກຸມພາ 2020 ທີ່ ສຳນັກງານນາຍົກລັດຖະມົນຕີ, ນະຄອນຫຼວງວຽງຈັນ, ກຸ່ມບໍລິສັດ ພົງຊັບທະວີ ຈຳກັດຜູ້ດຽວ ໄດ້ນຳເອົາເຄື່ອງໃຊ້ປ້ອງກັນພະຍາດ ແລະ ຝຸ່ນລະອອງ (ຜ້າອັດປາກ) ມາມອບໃຫ້ລັດຖະບານ ເພື່ອໄປມອບໃຫ້ພາກສ່ວນທີ່ກ່ຽວຂ້ອງຂອງລາວເຮົາ ນຳໃຊ້ເຂົ້າໃນວຽກງານປ້ອງກັນການແຜ່ລະບາດຂອງເຊື້ອພະຍາດຕ່າງໆໃນຂອບເຂດປະເທດລາວ.
ພິທີມອບ-ຮັບເຄື່ອງໃນຄັ້ງນີ້ ຖືກຈັດຂຶ້ນລະຫວ່າງທ່ານ ພົງສະຫວັດ ເສນາພວນ, ປະທານກຸ່ມບໍລິສັດພົງຊັບທະວີ ຈຳກັດຜູ້ດຽວ ແລະ ທ່ານ ສົມດີ ດວງດີ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ທັງເປັນ ຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດ ຂອງພະຍາດອັກເສບປອດ ຈາກເຊື້ອຈຸລະໂຣກສາຍພັນໃໝ່ (ຫຼື COVID-19).
ຜ້າອັດປາກ ທີ່ນຳມາມອບໃນຄັ້ງນີ້ ມີ 2 ແບບ ຄື: ຜ້າອັດປາກ ທີ່ໃຊ້ທາງການແພດ ຈຳນວນ 200.000 ອັນ ແລະ ຜ້າອັດປາກ N95 ທີ່ໃຊ້ປ້ອງກັນເຊື້ອພະຍາດ, ຝຸ່ນລະອອງ ແລະ ອື່ນໆ ຈຳນວນ 10.000 ອັນ, ລວມມູນຄ່າທັງໝົດ 1,25 ຕື້ກີບ.
ໃນໂອກາດດັ່ງກ່າວ, ທ່ານ ສົມດີ ດວງດີ ໄດ້ຕາງໜ້າໃຫ້ລັດຖະບານ ກ່າວຂອບໃຈ ແລະ ຊົມເຊີຍ ຕໍ່ກຸ່ມບໍລິສັດ ພົງຊັບທະວີ ຈຳກັດຜູ້ດຽວ ທີ່ໄດ້ນຳເອົາເຄື່ອງດັ່ງກ່າວ ມາມອບຊ່ວຍເຫຼືອໃນຄັ້ງນີ້, ພ້ອມທັງ ຊີ້ນຳໃຫ້ພາກສ່ວນກ່ຽວຂ້ອງ ນຳເອົາເຄື່ອງຊ່ວຍເຫຼືອດັ່ງກ່າວ ໄປນຳໃຊ້ໃຫ້ມີປະສິດທິພາບ ແລະ ປະສິດທິຜົນສູງສຸດ.

ຂ່າວ,​ພາບ: ກົມປະຊາສຳພັນ ສນຍ