ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກຸ່ມບໍລິສັດ ພົງທະວີຊັບ ຈໍາກັດ ມອບອຸປະກອນທາງການແພດ ມູນຄ່າ 2 ຮ້ອຍກວ່າລ້ານກີບ ຊ່ວຍເຫຼືອ ແຂວງອັດຕະປື ຕ້ານພະຍາດ ໂຄວິດ-19

ມື້ນີ້ ວັນທີ 27 ເມສາ 2020, ກຸ່ມບໍລິສັດ ພົງທະວີຊັບ ຈໍາກັດ ໄດ້ນໍາເອົາ ອຸປະກອນທາງການແພດມາມອບໃຫ້ແຂວງອັດຕະປື ຊຶ່ງປະກອບມີ: ຜ້າອັດປາກ-ດັງ 1.000 ກັບ, ຜ້າອັດປາກ N95 350 ອັນ, ເຈວລ້າງ 10 ກ່ອງ, ຖົງມື 2 ແກັດ 200 ອັນ, ເຄື່ອງວັດແທກອຸ່ນຫະພູມ 3 ອັນ, ແວ່ນຕາປ້ອງກັນພະຍາດ 100 ອັນ, ລວມມູນຄ່າ 2 ຮ້ອຍກວ່າລ້ານກີບ, ທງນີ້ເພື່ອເປັນການປະກອບສ່ວນໃນການປ້ອງກັນການແຜ່ລະບາດຂອງເຊື້ອພະຍາດໂຄວິດ-19. ພິທີມອບ-ຮັບ ເຄື່ອງຊ່ວຍເຫຼືອດັ່ງກ່າວ ໄດ້ຖືກຈັດຂື້ນທີ່ພະແນກສາທາລະນະສຸກແຂວງອັດຕະປື, ໂດຍ ຜູ້ກ່າວມອບແມ່ນທ່ານ ສີສະຫວັດ ສີລາວົງ, ຕາງໜ້າກຸ່ມ ບໍລິສັດ ພົງຊັບທະວີ ຈໍາກັດ ແລະ ກ່າວຮັບ ແມ່ນທ່ານ ອຸ່ນຫຼ້າ ໄຊຍະສິດ, ຮອງເຈົ້າແຂວງ ແລະ ຮອງປະທານຄະນະສະເພາະກິດເພື່ອປ້ອງກັນ ແລະ ຄວບຄຸມການແຜ່ລະບາດຂອງເຊື້ອພະຍາດໂຄວິດ-19 ຂອງແຂວງອັດຕະປື, ໂດຍຊ້ອງຫນ້າຜູ້ຕາງໜ້າຂອງພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນພິຍານ.

ໃນໂອກາດນີ້, ທ່ານ ອຸ່ນຫຼ້າ ໄຊຍະສິດ ກໍ່ໄດ້ກ່າວສະແດງຄວາມຂອບໃຈມາຍັງ ກຸ່ມບໍລິສັດ ພົງທະວີຊັບ ຈໍາກັດ ທີ່ມີເປັນສ່ວນໜຶ່ງໃນການປະກອບສ່ວນສ່ວນຊ່ວຍເຫຼືອແຂວງອັດຕະປື ໃນການຕອບໂຕ້ ແລະ ປ້ອງກັນ ແລະ ຄວບຄຸມພະຍາດດັ່ງກ່າວ ບໍ່ໃຫ້ເກີດຂຶ້ນຢູ່ພາຍໃນແຂວງ ແລະ ຈະນໍາໃຊ້ເຄື່ອງເຫຼົ່ານີ້ເຂົ້າໃນວຽກງານປ້ອງກັນພະຍາດໃຫ້ຖືກຕາມເປົ້າໝາຍ ແລະ ເກີດປະໂຫຍດສູງສຸດ.

ຂ່າວ: ວັດທະນາ ຫຼວງອາໄພ