ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ກຸ່ມປູກຜັກ ບ້ານວຽງສາ ເມືອງໄຊ ແຂວງອຸດົມໄຊ ໄດ້ຮັບຜົນກະທົບຈາກໂຄວິດ – 19

ກຸ່ມປູກຜັກ ບ້ານວຽງສາ ເມືອງໄຊ ແຂວງອຸດົມໄຊ ເປັນອີກກຸ່ມອາຊີບໜຶ່ງທີ່ໄດ້ຮັບຜົນກະທົບທາງດ້ານລາຄາ ໃນຊ່ວງການແຜ່ລະບາດຂອງພະຍາດໂຄວິດ – 19  ທ່ານ ສອຍ  ຮອງຫົວໜ້າກກຸ່ມປູກຜັກບ້ານວຽງສາ ເມືອງໄຊ ແຂວງອຸດົມໄຊ ໄດ້ໃຫ້ສຳພາດວ່າ ເນື່ອງຈາກການລະບາດຂອງພະຍາດໂຄວິດ 19 ຢູ່ພາຍໃນໂລກ ເຖິງວ່າປະເທດລາວຂອງພວກເຮົາຈະບໍ່ລະບາດຫຼາຍກໍ່ຕາມແຕ່ມັນກໍ່ໄດ້ສົ່ງຜົນກະທົບໃນວົງກ້ວາງ ເຮັດໃຫ້ລາຄາຂອງຜັກຫຼຸດລົງຫຼາຍຈາກປີຜ່ານມາ ເຮັດໃຫ້ປະຊາຊົນທີ່ປູກຜັກຂາດລາຍຮັບ.

ສາເຫດຂອງລາຄາຜັກຕົກຕ່ຳ ກໍ່ຍ້ອນວ່າ ການຈຳກັດການເດີນທາງ ການອອກເຮືອນ ອອກຈາກບ້ານ ເພື່ອຢູດການແຜ່ເຊື້ອຂອງພະຍາດໂຄວິດ -19 ຕາມຄຳສັ່ງຂອງທ່ານນາຍົກ ເລກທີ 06 /ນຍ, ຈຶ່ງເຮັດໃຫ້ການໄປມາຊື້ຂາຍເປັນໄປໄດ້ຍາກ, ເຮັດໃຫ້ຜັກທີ່ປູກໄວ້ນັ້ນບໍ່ໄດ້ຂາຍ ຖ້າຂາຍກໍ່ລາຄາຜັກຕົກຕ່ຳຈາກລາຄາປົກກະຕິຫຼາຍເຊັ່ນ ຜັກຫອມປ້ອມລາຄາຊ່ວງເດືອນນີ້ຂອງປີກາຍ ແມ່ນກິໂລລະ 9 ພັກກີບ ປະຈຸບັນແມ່ນກິໂລລະ 2 – 3 ພັນກີບ ແລະ ຜັກອື່ນໆກໍ່ເຊັ່ນກັນ ລາຄາຫລຸດລົງເກືອບສອງເທົ່າ. ຊາວກະສິກອນກໍ່ຢືນຢັນວ່າຈະສືບຕໍ່ປູກ ແລະ ຫັວງວ່າເດືອນສິງຫາທີ່ຈະມາຮອດນີ້ ພະຍາດໂຄວິດ 19 ອາດຈະໝົດໄປ ແລ້ວຈະເຮັດໃຫ້ລາຄາຜັກກັບມາສູ່ສະພາບປົກກະຕິ, ກຸ່ມປູກຜັກບ້ານວຽງສາ ນັບວ່າເປັນອີກກຸ່ມໜຶ່ງທີ່ໄດ້ທີ່ໄດ້ສະໜອງຜັກປອດສານພິດໃຫ້ແກ່ຕະຫຼາດພາຍໃນເທດສະບານແຂວງ ແລະ ບັນດາເມືອງອ້ອມຂ້າງໄດ້ບໍລິໂພກໄດ້ຫຼາຍສົມຄວນ ສາມາດແກ້ໄຂບັນຫາທາງດ້ານສະບຽງອາຫານໃຫ້ແກ່ຊາວແຂວງອຸດົມໄຊໄດ້ຈຳນວນໜຶ່ງ, ແລະ ປະຊາຊົນພາຍໃນບ້ານ ສ່ວນຫຼາຍກໍ່ແມ່ນເຮັດອາຊີບປູກຜັກຂາຍເປັນສິນຄ້າ ເປັນຕົ້ນແມ່ນຜັກກາດ, ສະຫລັດ, ຜັກບົ່ວ ຫອມ ແລະ ຜັກອື່ນໆຕາມລະດູການ ແລະ ປະຈຸບັນແມ່ນສາມາດຕອບສະໜອງໃຫ້ແກ່ບັນດາພໍ່ຄ້າ ແມ່ຄ້າທີ່ຈະມາເກັບຊື້ຜັກເພື່ອໄປຂາຍຕໍ່.

ຂ່າວ : ແສງອາທິດ