ໃນວັນທີ 1 ຕຸລາ 2024 ນີ້, ກົງສູນໃຫຍ່ ແຫ່ງ ສປປ ລາວ ປະຈໍາ ນະຄອນກວາງໂຈ ສປ ຈີນ ນໍາໂດຍ ທ່ານ ນາງ ວັນເພັງ ໄຊສົມບູນ ກົງສູນໃຫຍ່ ແຫ່ງ ສປປ ລາວ ປະຈໍາ ນະຄອນກວາງໂຈ ພ້ອມຄະນະ ໄດ້ນໍາເອົາເຄື່ອງອຸປະໂພກ, ບໍລິໂພກ ທີ່ໄດ້ມາຈາກການປຸກລະດົມບັນດາຫ້າງຮ້ານ, ບໍລິສັດ, ນັກສຶກສາລາວທີ່ກໍາລັງສຶກສາຢູ່ນະຄອນກວາງໂຈ, ຄົນລາວທີ່ແຕ່ງງານຢູ່ຈີນ ເພື່ອປະກອບສ່ວນຊ່ວຍເຫລືອປະຊາຊົນ ຜູ້ທີ່ໄດ້ຮັບຜົນກະທົບຈາກໄພນໍ້າຖ້ວມຢູ່ ສປປ ລາວ.
ເຄື່ອງຊ່ວຍເຫລືອທີ່ນໍາມາມອບໃນຄັ້ງນີ້, ປະກອບມີ: ຜ້າຫົມ, ເສື້ອ, ເຂົ້າສານ, ໝີ່ ແລະ ນໍ້າມັນງາ ໂດຍທາງສະຖານກົງສຸນ ແມ່ນໄດ້ທະຍອຍຝາກມານໍາສາຍການບິນລາວ ວຽງຈັນ-ກວາງໂຈ-ວຽງຈັນ. ພ້ອມນີ້, ຍັງມີເງິນສົດຈໍານວນ 167 ລ້ານກວ່າກີບ ເຊິ່ງໂອນຜ່ານບັນຊີຜູ້ຮັບຜິດຊອບ ການປະສານງານ ໃນການຮັບການຊ່ວຍເຫລືອ.
ຂໍ້ມູນ-ພາບ: ກົງສູນລາວ ປະຈໍາ ນະຄອນກວາງໂຈ
