ຕາມຂ່າວເວັບໄຊ ກອງທັບປະຊາຊົນລາວໄດ້ລາຍງານວ່າ.
ວັນທີ 17 ມີຖຸນາ 2021 ນີ້, ກົມຊ່າງແສງ ກົມໃຫຍ່ເສນາທິການກອງທັບ ໄດ້ປະ ກາດແຕ່ງຕັ້ງຄະນະຮັບຜິດຊອບ ແລະ ທິມນັກກີລາທີ່ຈະເຂົ້າຮ່ວມການແຂ່ງຂັນກີລາການທະຫານນາໆຊາດ ຫຼື (ARMYGAME 2021) ຢູ່ ສ ຣັດເຊຍ. ໂດຍການເຂົ້າຮ່ວມເປັນປະທານຂອງ ສະຫາຍ ພັນເອກ ບຸນສົດ ອິນສີນາ ຮອງຫົວໜ້າກົມຊ່າງແສງ ກົມໃຫ່ຍເສນາ ທິການກອງທັບ ມີຄະພັກ-ຄະນະບັນຊາ, ຄະນະຮັບຜິດຊອບທິມນັກກິລາທີ່ເຂົ້າ ຮ່ວມ. ສະຫາຍ ພັນໂທ ອານຸສັກ ພົມວົງສາ ຫົວໜ້າພະແນກອົບຮົມ-ສູ້ຮົບກົມຊ່າງແສງ ກົມໃຫ່ຍເສນາທິການກອງທັບໄດ້ຜ່ານຂໍ້ຕົກລົງຂອງກົມໃຫ່ຍເສນາທິການກອງທັບວ່າດ້ວຍການແຕ່ງຕັ້ງຄະນະຮັບຜິດຊອບ ແລະ ທິມນັກກີລາເຫຼົ່າຮົບຊ່າງແສງກອງທັບປະຊາຊົນລາວທີ່ຈະເດີ່ນທາງຈາກ ສປປ ລາວ ທີ່ຈະເຂົ້າຮ່ວມການແຂ່ງຂັນກິລາການທະຫານ ນາໆຊາດປະຈຳປີ2021.ມີຈຳນວນ 21 ສະຫາຍ, ເຊິ່ງ ແບ່ງອອກເປັນ 2 ຈຸ ຄື: ຈຸໝວດ-ໝູ່ ກວດ-ກູ້ລະເບີດ, ໝວດກໍ່ສ້າງ ຂົວ-ທາງ ແລະ ພາສາແປພ້ອມດ້ວຍນັກຂ່າວ 1 ສະຫາຍ, ເຊິ່ງໄດ້ນໍາພາກັນເຝິກຊ້ອມເລີ່ມແຕ່ວັນ 14 ມີຖຸນາ 2021-ວັນທີ 10 ກໍລະກົດ ຈຶ່ງຢຸດການເຝິກຊ້ອມ ເພຶ່ອຫ້າງຫາກະກຽມເດີ່ນທາງຈາກ ສປປ ລາວ ເຂົ້າສູ່ການແຂ່ງກີລາການທະຫານນາໆຊາດ ທີ່ຈະຈັດຂຶ້ນຢູ່ ສ ຣັດເຊຍ. ສະຫາຍ ພັນເອກ ບຸນສົດ ອິນສີນາ ໄດ້ໂອ້ລົມ ແລະ ໃຫ້ທິດຊີ້ນຳ ຄະນະຮັບຜິດຊອບທິມນັກກີລາເຫຼົ່າຮົບຊ່າງແສງກອງທັບປະຊາຊົນລາວທີ່ຈະເດີ່ນທາງຈາກ ສປປ ລາວ ເພື່ອເຂົ້າຮ່ວມການແຂ່ງຂັນກີລາການທະຫານສາກົນລະດັບນາໆຊາດປະຈຳປີ 2021 ວ່າ: ເພື່ອເປັນການກວດກາຄຸນນະພາບທາງດ້ານຄວາມຮູ້, ຄວາມສາມາດໃນການນຳໃຊ້ພາຫະນະອາວຸດ, ເຕັກນິກການນຳໃຊ້ຕົວຈິງ ເມື່ອມີສະພາບເກີດຂຶ້ນພວກເຮົາກອງທັບປະຊາຊົນລາວຕ້ອງວ່ອງໄວໃນການກຽມພ້ອມກັນເອົາໃຈໃສ່ໃນການຈັດຕັ້ງປະຕິບັດການເຝິກຊ້ອມ ແລະ ກະຕິກາທີ່ອະນຸກຳມະການ ກຳນົດໄວ້ເພື່ອເຮັດສຳເລັດໜ້າທີ່ຕາມການຈັດຕັ້ງຂັ້ນເທິງມອບໝາຍໃຫ້ມີປະສິດທິຜົນສູງໃນສະເພາະໜ້າ ແລະ ຍາວນານ.
ໂດຍ: ເກນ ວິໄລສານ
202
People Reached
5
Engagements
Boost Post
6
1 Share
Like

Comment
Share
Loading...